[ALIGN=CENTER]هذه ليست المرة الاولى ولا الثانية ولا العاشرة من النزهان او العتيبي ... وقد اعطوا الفرصة وزيادة ...وكفاية التلاعب باعصاب الجماهير ...[/ALIGN]

السلام عليكم
 

شكراً كاتب الموضوع

وهذا الموضوع هو رسالة موجهة إلى كل من يدافع عن سامي إذا

أخطأ . وتجده في نفس الوقت يشن الهجوم تلو الهجوم على بقية

اللاعبين .

إذا كان حسن العتيبي له خطأ واحد في عدم تصديه لكرة الهدف الثاني .

فالمهاجمون لهم عشرات الأخطاء ولم يلاموا .

وخط الوسط عليه أخطاء ولم يلام .

هل للعاطفة دور في تحليل المباراة وتقويم اللاعب ؟؟؟؟؟

سلام

صمت السكوت يارد مثل الناس ولا اكرمنا بسكوتك

ممكن تقولي وش دخل سامي ولا اللي يدافعون عن سامي؟؟؟؟

لها الدرجه سامي فاقعن مرارتك يومك تدخله في كل مشكله؟؟؟؟


الله يخلف عليك انت وهالسكون اللي اول مره اسمع ان له صمت ياابو صمت انت


تحياتي

ياشباب احنا ما نبغى مشاكل اخوي مجنون ابو عبدالله واخوي صمت السكوت ما غلط لان انا تطرقت لسامي لانه يغلط ولا تقولون عنه شي والحين ذولي غلطو سويتو مشكله

:) هذي وجهة نظر اتمنى انكم ما تزعلون:)

مشكورين

اخوي الغالي التمياط 11 مو انا اللي بأرد عليك لكن سامي هو اللي رد وقالها من قبل


ان صرت اخطيت مره تراني اصبت مية مره فأعذروني كذا رد ابو عبدالله


وبعدين حلنا نكون واقعيين تقارن لاعبين توهم طالعين بلاعب سجله ذهب في ذهب ؟؟؟


انا هنا ما ألوم زعيمنا الاولمبي بالعكس بداية الموضوع اشدت فيهم ومدحتهم ودافعت عنهم وقلت نفس كلام سامي انهم كل المباريات اللي راحت كويسين حرام نظلمهم في مباراة وحده


لكن انك انت او غيرك تقحمون اسم سامي ترا فيه ظلم :)


ليه مااقحمت اسم نواف؟؟؟ احد قال شي لنواف يوم ناول غلط واردت وجاب النصر الهدف الثاني في مباراة الدور الاول الموسم اللي راح؟؟؟

بالعكس كلنا ندري ان ابو بندر موب قصده لكن حظه ماكان كويس بالمباراة :)

اخوي انا ضد انك تقحم لاعب في مكان هو ماله دخل فيه

اتمنى انك فهمت اللي بأوصل له :)


تحياتي للجميع

مشكور اخوي مجنون ابوعبدالله

ولكن كل واحد له وجهة نظره :)

والف شكر مره ثانية




:):):)

انا معاك بالنسبة للعتيبي

لانه مااعطي الفرصه في العام الماضي
لكن!!!! النزهان مع احترامي له ماذكر انه قدم مستوى في تطلعات الجمهور

ومشكور اخوي التمياط11
((وجهة نظري))

الف شكر اخوي الدم الازرق

وانا اتقبل وجهة نظرك

الف شــــــــكــــــــر

عندي اعتراض
 

ياجماعة انا تكلمت على الموضوع هذا كثير وبصراحه اتمنى ان كلامي يكون مقنع شوي,الاخ يقول لاتقسون على العتيبي وانه مايبينا نزعل عليه وانه بس حنا نزعل عليه وسامي والدعيع مانقدر نقولهم شي لانهم لهم صيت في السعوديه,المشكله انه يناقض نفسه في نفسه قال مانقدر نقول شي عن سامي والدعيع رغم اخطائهم الكثيره لانهم لهم صيت في السعوديه ,سوالي كيف سامي والدعيع صار لهم صيت؟؟ماصار لهم صيت الا انهم اشتغلوا صح واستفادوا من اخطائهم وابدعوا ووصلوا كأس العالم هم الاثنين 3 مرات وماننسى كأس اسيا.العتيبي ياخي انا ماازعل عليه كشخص بس ازعل على مستواه,تذكر معي اخر المباريات للدعيع الدعيع اخذ 5 من الشارقه و2 من الاهلي بس تقدر تقولي الاول للاهلي بلنتي صحيح؟؟ الاهداف لفريق الشارقه 5 هو انا في اعتقادي انه له غلط واحد بس استفاد من الاخطاء وشفناه في نصف نهائي البطوله العربيه ومافي احد ينكر هذا.اما حسن العتيبي ضيع بطولات كثيره مو وحده او ثنتين... خلاص الرجال اعطي الفرصه الكامله اكثر من مره بس انتوا لاحظوا في كل المباريات اكثر من انه يستعرض في الكور السهله والتسلل ويجيب الكور من برا مافي اي شي يسويه تقول انقذنا,تقولون كبوة جواد الرجال صار له اكثر من 7 سنوات يلعب ودائما مايكون مصيبه على الفريق فكيف تقولون كبوة جواد الرجال عمره 28 والدعيع 32 تقريبا بس مايجي نص مستوى الدعيع..

ياجماعه لاتأخذكم العاطفه اي نعم نبغى كل واحد يلبس الشعار هذا يكون لاعب جيد بس الرجال هذا مستوه صحيح انه افضل الموجود اقصد الماس ولكن كان نفس الجبلي يبدأ مع الفريق علشان يكون عندنا حارس على الاقل ثالث اذا العتيبي يعجبكم يكون جاهز...
اما النزهان انا ماابغى اتكلم عنه ابداااا (( لاحياة لمن تنادي)):(
تحياتي....