أرجو المتابعه حتى النهايه للاستمتاع بهاوشكراً :
_____________________________________________

======================================(( يوميات قروي ))==================================

بداية الموضوع و دحيم قاعد يكلم المملحوه:
"أنا جامعي أو جامعك مهيب مشكلة، المشكلة ان الجماعة يسموني دحيم لا وابشرس أنا وسيم أو بدون سيم يدلعوني ويسموني دحيم وأنا اسمي الحقيقي محمد ما علينا توظفت كيتب وقررت الوالدة الله يخليها ويعافيها ويشفيها ان تدمر حياتي وتزوجني، المهم تم التعميم على الطلب وتم الاستنفار الين لقو ذيك البنت الي تقول للقمر "قم جعلك القامّة عن محلي" المهم شوقتني مامتي من كثر الحسي عنها وتمت الخطبة وكلفني الزواج 200الف ريال تهون لعيون القمر وفي ليلة العرس قنت مشتاق للقمر يوم دخلوني عليها وفتشتها لقيت ذاك المهرج الي صابغ خشته(براطمه) باحمر وذاك الوجه الي كل بقعه منه لها لون وأنا أكرها ضحكه وقلت لهم حلوه هالحركة: طيب وين مرتي، ردت علي بكل رومانسية وحب :طْعَنَه، ماشفتني.
واوقفت آمي وقالت هذي هي مرتك، المهم اصفريت ذاك اليوم من الفرحة؟ وكل الي في بالي ال200ألف هالي طارت في الهوا.
يوم صحيت ناديت امي وقلت : لها هذي هي امرتي قالت هذي ازين وحده شفتها ياوليدي ... ومن يومها وانا عارف ليش السعوديين هم اكثر رجال العالم من حيث الإصابة بالسكر والضغط?!؟ ماعلينا المهم قالوا لي لبسها الذهب وهي الي تمد ذيك اليد الشهبى الهبا اللي ذابحها المشق وانا البسها الغوايش .... لا وزيدكم من الشعر بيت صبت يديها دم يمكن من المشق وجت الطامة يوم قالوا لبسها الرشرش!! .. المهم وقفت بمعجزه يوم جيت عند رقبتها... قلت: هو إني ما أزنطها وافتك واعيش في السجن اريح، وبعد تفكير لبستها الرشرش... وفرح القمل به وحولوا يلعبون عليه... المهم طقيت الّطمه وقلت لها: تراي قدامس في السياره ومن زينها متطورة يوم وصلت السياره وقفت تبيني اهج لها الباب وأنا إلي انزل القزازه واقول لها: ترا اما ركبتي سريت !.. وركبت وهي مستحيه وانا افكر هو إني ما اصدم بالسياره من الجهه اللي لمها وافتك منها او اوقف جنب فتحة بياره واقول لها حولي او افتح الباب واذبها وانا مسرع.. المهم وانا افكر مادريت الا وانا عند بابنا وأنا احول واقول الحقيني وماامداني افتح باب البيت الا وهي واقفة قبالي قلت لها ادخلي المهم وهي داخله رقعت بالباب على يدها يعنني مادريت وقالت آي وصب دم منها ...وانا اللي اركض وجيب قطن وامسح الدم اللي على الباب والمهم انه ماانعفط الباب..
المهم رقينا للغرفة وانا اللي انسدح فوق السرير وانوم ذيك النومه المهم يوم قمت الين قضاي قدامي لا وتقول لي وراك نمت فبلش تراي لابسةً هالخشاشه علشانك تعال شف دراريعي اللي انا مخيطه، المهم ورتني ذيك الخلاقين (مع المعذره لأحلام) الي تقول كلفت 25الف ريال وانا افكر إنشاء الله اني من آهل الجنة لان البلاوي ماتنزل الا بالصالحين المهم المره مهيب تستحي وقفت قدامي وهي فاتحة ثمها قلت لها: غطي هالبياره والا طلعت قالت: وشفيك ماتبي تشوفني ماعجبتك شف براطمي وخدودي ووعيوني، المهم المره ما عليها تصلح لكل شي الا انها تكون حرمه وقعدت تسولف تقول وين بتوديني قلت لبيت اهلك وحمقت وقالت ليش، ورحمتها وقلت علشان نسلم على اهلك قبل نطس نسافر وقالت بتعطي امي الفتاشه اليوم، قلت وشي افتاشته مايكفي المصيبة اللي انا فيها المهم رحت ودخلنا بيتهم وجت امها وعطيتها الفتاشه وفتشت وصارة من نفس الفصيله المهم سالتها وين ابوس قالت مرتفع عليه السكر ونايم قلت ما ألومه.
معاني الكلمات
الخشاشه = الشلحه = ويعتبرونها عندنا قميص نوم
البراطم = الشفايف
الخشه = الفم
طعنه = مزحه مثل تؤبرني
دراعه = فستان
المهم وقفنا عند يوم عطيت امها الفتاشه اللي مالها داعي والمفروض انها هي الي تعطيني اياها... المهم رحنا للبيت ويوم وصلنا رقينا لغرفتنا وكنا في البرد وانا عرقان مدري ليش؟؟ يمكن خايف منها بتستفرد بي؟! المهم بعد مارقينا رقعت بالباب وهي تناظرني على بالها نظره رومنسيه، والله نظرة عزرائيل رومانسيه اكثر منها... المهم لبست خشاشتها الدعما على بالها اني خلاص رحت وطي..!! وطلعت ذاك الساق الي مايوضح لونه من الشعر وجت وقعدت جمبي واناظرها وانا اقول بيني ونين نفسي اخاف من الجن تطلع لي امهم... المهم قعدت تدق الديرمه على ذيك البراطم وما تذكرة الا اهل العرضه وطبولهم.. وانا دخت وطحت على السرير مادريت الا وهي تصحيني الصبح قم فمصع (تمزح) لاتفوتنا الطياره وانا اللي اقمز بسرعة والبس هدومي واصرخ عليها بسرعه ماباقي الا ساعه على الطياره وبصراحه انا حالم في اليل ان الطياره طاحت بنا وحلمي دايم يتحقق علشان كذا خفت تفوتني الطياره ....وانا اللي اكفخ بالسياره امشي الطبلون وادعي يارب نصدم يارب نصدم وهي تغني( ماكو مكا ماكو فكه) فرحانه بتركب الطياره.. المهم وصلنا المطار وحولنا المهم سبقتني على بالها دالة المطار "J" المهم يوم جينا ندخل دخلت هي مع باب الخروج والغريبه انه انفتح لها ؟ قلت خل اجرب يوم رحت لمه ما انفتح ؟ يمكن الباب خايف تلمسه بيدها الممشقه لا ونسيت اذكركم لابسه نقاب ابو خفسين والبزران ورانا بو بو ماادري وش قصدهم ؟
المهم ركبنا الطياره وصارت مهيب جنبي والمظيف يقول لا تخاف بنجيبها جنبك بعد مايكتمل العدد وانا اقول عادي عادي مهيب مشكله... ويحطوني جمب ذيك الشقحا المقحا(مدري وش معناها) لا وسوريه ( شفايف وخدود ونعومه وجمال مهوب مثل الرجال اللي معي ...المهم مادريت الا المظيف جاي ويقول تفضل جنب المدام بتعتك وانا اللي تطقني ام الركب ومعاد قويت اقوم قام المظيف ونادى مظيف ثاني وسندوني وحطوني جنب قدري ... المهم ما قعدنا شوي الا هم جايبين العشا وهي اللي تقول"تقول تجي بمعني يأكل " بعشاها وعشاي وعشى واحد جنبنا ثم شالت الملعقه وخذت كاس الماء وقعدت تشرب الما بالملعقه والناس يضحكون المهم قلت لها خلاص فشلتينا قالت مير مهوب منزين جلاهم مافيه انسه
المهم وبعد مالطت الما بالملعقه تحزبه جلي اعلن الطيار ان الطياره بتهبط وانا الي انهبل وقعدت اصايح من غير شعوري وحلمي وحلمي انا تراي ماسافرت الى علشان الطياره بتطيح(وكل ذا طبعا بيني وبين نفسي)؟ وأقعد اناظرها وانا اقول وش أنا مسوي في حياتي من يومني صغير والبزران يطقوني ومازِد"مازِد يعني لم افعلها منذ قبل" تكلمت على احد واصلي في المسجد ليش كذا يصير لي ليش؟؟.. ليش؟؟.. وفي الأخير عرفت وتأكدت ان المصائب لا تصيب إلا المؤمنين وقعدت اصبر نفسي بقراءة المعوذات والاحاديث ...المهم كل ماناظرتها خنقتني العبره وزينت لي نفسي في مكروه واتعوذ من الشيطان واقول لنفسي يااخي اعتبرها تكفير ذنوب... طيب والبزران يومني صغير؟
المهم التفتت لي وفتحت البياره وقالت وقعت الطياره (وين قلم ولا حمامه) قلت وقعت جعلها توقع عليس بقعا (الدعا عندنا عادي ) المهم نزلنا في المطار وطلعت هي مع باب الخروج كالعاده الي عيا ينفتح لي... المهم استاجرت سياره ( طبعا وجهتنا لجده) واخوكم مقطوع سره في جده (مازِد رحت لها أصلاً) المهم توجهت لجده كافخ الي يشوفني يقول وش ذا الدليله وطبعا قضاي جمبي نايمه فاتحة البياره وتشخر وازيدكم من الشعر بيت الدرايش مفتحه.. المهم انا كنت امشي ميه وستين ومدري ليش السيارات الي ورانا يسقطون علينا وهم داقين اللطمه!؟ المهم صرت انا آخر السيارات على اني امشي ميه وستين حتى التريلات سقطت علينا .... المهم وانا كافخ ورا هالسيارات لقيت لوحة مكتوب عليها الطائف 2كم المهم يوم وصلنا الطايف قامت حرمنا المصون من النوم والتفتت لي وقالت: جآنّ، اثر جدة بارده قلت لها : انا جيت منا علشان نحرم ونعتمر (يالدليله)مادرت اني مضيع وفي الاخير قلت فرصه نروح لمكة وادعي ربي ان ينقذني ويفكني من هالمصيبه... المهم احرمنا ورحنا لمكة وكالعاده قضاي نايم والدرايش مفتحه والسيارات سيقطون علينا وانا كافخ يوم وصلنا مكه درناها عشرين مره والمره نايمه والدريشه مفتوحه الين لقيت الحرم أعلنوا ثاني يوم في الصحف ان نسبة وجود البعوض في مكة تكاد تكون معدومه ...وانا اقرا الخبر قلت الحمدلله يجي منها نفع
نرجع للأول يوم وصلنا الحرم فايتتنا صلاة الظهر قعدنا قبال الكعبه بنصلي ماناظر له تناظر في السما قلت: وشفيس، قالت: اناظر وين الشمس علشان اعرف القبله وانا اناظر المنابر واقول لنفسي هو إني ما أرقى فوق واحد منهم واطب..؟! المهم صلينا يوم جينا نعتمر سالتني وشلون تعتمر قلت زين ماتعرف وانا الي اقول لها الرجال يسعون ويطوفون سبع مرات والحريم سبعين مره المهم طفت وسعيت والمره توها تطوف وانا قاعد اناظرها مبسوط ومستانس عساه يغمى عليها ونفتك منها المهم نمت وقمت وجى المغرب وهي تطوف يوم خلصت طواف راحت تسعى لا وها القرويه ما كنها طافت وبدت تسعى وكل ذا وهي تدعي يوم ناظرت اليين المره تدعي ان الله يوفقنا ويرزقنا العيال ويسخرني لها قلت لها خلاص يكفي كذا المهم قالت توني باقي 42 لفه المشكله ماتعبت وانا تعبت من الانتظار
المهم بعد العمره رحنا لم جده وحصل ماحصل في الطريق يوم وصلنا جده سبحان الله ماطيحني ربي الا في الشيرتن وطبعن اخوكم راعي قلينزي وسالت الرجال الي في الاستقبال (ALGA ENDKOM GORFAH FADYAIH)المهم صار حجازي وقالي: اشبك ياهوه؟؟ وانا الي احمق واردها له منيب شابك وش عندك؟!.. قال عندنا غرفة في الدور الاول وغرفة في العاشر قلت ابي إلي في العاشر لانها ملقوفه ودايمن يدوخ بها راسها وتطيح يوم دفعت له الفلوس وخذ البطاقه قال للعامل شل الشنط ووصلهم يوم ركبنا الاصانصير وهو يطلع العامل منه كنه مقروص اثر المره تثاوبت المهم يوم رقينا لغرفتنا دخلت الحمام يومني طلعت مالقيتها ...واثرها في السيب تتمشى تحسب الدعوى كلها لنا.. وانا الي اصرخ عليها تعالي جعلس العيطي والبلش الي يحتس تبغين تورطينا مع اهل الفندق بكره يقولون تروع الزباين ولا يطلع عليهم آشعه ان في الفندق جنيه... المهم دخلت وجلسنا على السرير وعرفت انني اصبحت امام الامر الواقع
المهم انا صرت امام الامر الواقع جلست على السرير وجت هي وريحتها وعمايلها واقفه وصاير سنها صارور والا واحد يرمي آوت
كانت تناظرني بالخفوس الي في وجهها بس لو تكتب عليها عيون علشان الناس يعرفون وشي.
المهم وانا الي امسكها من شعرها وانا الي افتح باب الحمام وامحط بها في البانيو واملاه مويه وقلت لها لاتطلعين الين اجي خلها تخمر شوي (وترا في طاعة الزوج مافيه مثلها)المهم رحت وانسدحت على السرير وما دريت عن نفسي الا الصبح وانا والتفت مالقيتها وين راحت وانا الي اقمز
سني مقروص يوم فتحت الحمام اليين البانيو مليان تربات وحشرات ؟ وانا الي امسك المره من شعرها واطلعها يوم طلعتها اليين عليها مريول مدرسه!!؟
ويمالكم من الاشياء الي بتطلع بعد كل خمره.
وقلت لها ترا بنروح للبحر جعلس تغرقين فيه اصطغفر الله وش ذنب السمك.
وشوي الا باب الغرفه يطق يوم فجيته لقيت واحد من اهل الفندق يسالني عندكم شي ميت؟
المهم رحنا للبحر وكانوا الناس واجد يوم حولنا وجلسنا تفرقعو كلهم الا ناس اكيد انهم بايعينها
المهم فرشنا حصيرنا وجلسنا وقلت وراني ما اسولف معها اقطع وقتي
وياليتني ماسولفت ( ذبحتني مافي راسها الا بقرتهم )
في البدايه قلت لها سولفي اسأليني عن اي شي قالت لي ليش البقره اسمها بقره والحرمه حرمه قلت لما ماادري قالت يمكن البقر هم الي اختاروا اول واقنعتني
بعد كذا قلت خل اسئلها انا وقلت لها من يطبخ غداكم قالت انا وتاليه نجمعه ونحطه عطوف للبقره
تراس ذبحتيني كل شي البقره البقره قلت خل اسالها سؤال بعيد ماللبقره دخل فيه قلت لها من يغسل هدومكم قالت انا وفي مرة من المراير غسلت غترة ابوي ونشرتها وجت البقره وكلتها وما درينا الا يوم حلبناها طلع الحليب احمر.
(بيني وبينك انا اكره هالمره لكن من كثر حسيها عن البقره بديت اغار من البقره) قلت طيب وش ذا الطقة اللي في جبهتس( للمعلوميه لها جبهه مثل الحريم بس نابت فيها شعر) قالت هذي زِد تصادمت انا وقلابي قلت لها تسوقين قالت لا انا على رجلي المهم فرحت انها ماجابت سيرة البقره وقلت لها وشلون صار الحادث قالت كنت الحق البقره، لا وطلع الغلط مني وصلحنا القلابي.
قلت مازِد صار لس موقف يخوف قالت بلى مره رايحه بعطوف البقره وكنت لابسه دراعه خضرى المهم يوم دخلت عليها وهي الي تجي تركض لمي وتحجرني في ذيك القرنه تحزبني زرع ويوم رفعت يدي اصايح طاحت البقره مغمي عليها( ماتلام هالريحه خلت التريلات يمشون 160 ) والحمد لله، الله يحبني انقذني منها. قلت والله ان الله يحبها هي لانها ماكلتس .
المهم المره قررت انها تخوض في البحر ورفعت صروال خط البلدة من على الساقين وصارت لابسه سترتش اسود تحته او انه لون الساق مدري المهم اني قلت فيها هالبيتين اتغزل في جسمها (من حر مااونس)بالفصحى طبعا:
لها جسم صارورٍ وساق بعوضة .............. ووجه كوجه القرد بل هو اقبح
اذا شاهد الشيطان صورة وجهها............. تعوذ منها حين يمسي ويصبح
المهم خاضت في البحر وشوي يوم قامت تصايح دحيم دحيم تعال!!، يوم جيت قالت ذق المويه يوم ذقتها الينها مالحه مره وانا الي ارتاع واقوم انتفض والتفت ليا حولنا احد وقلت لها انت ذايقته قبل ماتخوضين قالت لا قلت عز الله الي بلشنا ببحرهم وانا اللي اصرخ عليها اركبي في السياره بسرعه ونحن الي نركب ونكفخ وتركنا عفشنا وقطعنا 4 اشارات المهم يوم شفت ان مااحد يلاحقنا ارتحت وقلت كوه للفندق بس يكفي الي صار لبحرهم المهم وحنا راجعين مافكرت الا في هاتربات والاوساخ والحشرات الي في البانيو والي مخوفني اهل الفندق عسى مايدخلون ينضفون غرفتنا المهم يوم وصلنا الفندق لقينا شناطنا عند راعي البقاله الي جنب الفندق .المهم خذنا شناطنا وقلت ماينفع الي شقه المهم استاجرنا شقه يوم دخلناها وقفت المره في وجهي وقالت وين بتروح مني هالحين

المهم يوم دخلنا الشقه واستفردت بي ونظراتها تقول انها ناويتني وانا يالمسيكين مغير اناظرها واناظر الدريشه هو بيمديني اطب معها ...المهم اني قلت حرمه (مع اعتذاري لجميع الحريم) مافيه شي يلهيهم الا الاسواق!.. وقررت اني ابيع الدعوى واروح بها للسوق ..المهم ركبنا السياره يوم وصلنا السوق وهي الي تفرشط "قصده طاحت"على ذاك البلاط ويقعدون الناس يضحكون... بيني وبينكم انا اكثر واحد ضحك علشان مايدرون انها معي "خبيث" وعلشان ابرد تسبدي.. المهم دخلنا السوق وشرطت عليها انها ماتمشي ..معي بيني وبينكم يوم مشت قدامي وناضرتها رحمت نفسي وخنقتني العبره وقعدت افكر في مصايب الناس علشان تهون علي هالمصيبه . شكلها غلط تصلح تكون اي شي (جيك ، دالوب) لكن ماتصلح تكون حرمه المهم حمدت ربي الي مايحمد على مكروه سواه ومعاد قمت افكر الا بالجنه .
بيني وبينكم قعدت اناظر في هالحريم الي في السوق ...حريم صدقيين مهوب مثل صديقي الي معي . كل هذا وهي تمشي قدامي بزبيرياتها المهم يوم التفتت وشافتني اناظر الحريم قالت لى كوه للشقه ملييت... لا من زينها يعنني حرمه تغار !!المهم ركبنا مويترنا ورحنا للشقه وشرينا على طريقنا حب يوم وصلنا البيت قعدت انا وياها نتقهوى ونتقشم حب المهم المره ماتعرف تقشم تهرش الحب هرش وسالتها وش تغدون وش تعشون؟؟ قالت نتغدى رز ونتعشى مكرونه قلت لها دايم كذا؟؟ قالت لا نغيير على العشى يوم مكرونه طوال يوم مكرونه صغار، قلت الشرهه على الي يركز معس وانتي وهاالتغيير ....المهم المره بدت تاخذ علي وقامت تسولف وقالت لي وش احرج موقف مر عليك ؟؟قلت لها يومني صغير كان عندي عزة نفس كان عمي الي يتفخ سياكل عياله بثمه عندنا المهم كنت قاعد معه انا واخوي حمد عيارته(الصعوه) المهم يوم جى يروح عطاني 10 وحمد 10 وعييت آخذها المهم صدق وحطها في مخباته وراح المهم يوم راح وانا الي التفت لحمد وقلت له جب العشره الي معك يالصعوه احسن لك المهم عيا وانا الي اشيله وامحط به واخذ العشره يوم التفت اليين عمي وراي ناسي مفاتيحه والتفت لحمد وقلت له يله تراي وخرت عشرتك لاتنشق ...تغالب ثانيه؟؟
وقالت وش احسن موقف طريف؟؟ قلت لها كنا طالعيين للبر وكان معنا ماطور فيه نفاضه قديم جايبه واحد من العيال الظاهر انه لاقيه مدفون المهم نتركه في الليل شغال واليين قمنا الصبح لقيناه اما قاطع الشارع والا عند احد الخيام الي جنبنا وكل صبح كذا الناس تدور غنمهم ..دجاجتهم ..وانحن نطق على هالخيام ما جاكم ماطورنا .
المهم كل هالسوالف والبربره ابغى يجيها النوم وافتك منها المهم جاني النوم وهالكربه شكل في راسها شي واخيرا قررت اني ابيعها وادخل معها الغرفه المهم يوم وصلنا السرير ومادري وش لون وصلناه مادريت الا المره تلوى من بطنها... سبحان الله يمهل ولايهمل المهم اني يوم شفتها كذا قررت اروح بها للمستشفى وركبنا السياره المهم اني قاعد اكركر واضحك مستانس ومبسوط
وهي تلوى تصدقون انه احسن موقف كومدي مر علي وكل ماوصلت المستشفى رجعت ...في الاخير قررت اروح بها للمستشفى يوم دخلت المستشفى قال الدكتور فيها زايده لازم نجري العمليه هالحيين المهم دخلوها غرفة العمليات وانا قاعد عند باب الغرفه اطقق مصابعي يارب تموت يارب تموت ...وفي الاخير طلع الدكتور وقال مانفع فيها البنج وش هي تاكل قلت مدري عنها يوم جابو ملفها بيشوف تحاليلها المهم قرى الملف انها من الاول؟ قلت ...المهم بنجوها وطلع الدكتور بعد ساعه وقلت له بشر قال الجراح كل هالساعه وهو يشتغل ماوصل للبطن . المهم ومع الاسف نجحت العمليه وبعد يومين طلعت معي للشقه وكانت نايمه على السرير وانا جنبها افكر واحاول ان انهي حياتي وكنت اناضرها واناضر الشباك وماادري وش اختار وقررت ادق قرعه بينهم وانا عارف ان حضي شين بتطلع القرعه لها المهم دقيت القرعه وانا ادعي يارب تطلع للدريشه واطب منها وارتاح لكن ماقلت لكم اني بدخل الجنه انشاءالله طلعت القرعه لها المهم يوم شافتني كذا قاطعتني وقالت انا عارفه وش فيك مرتبك اكيد علشاني مااقدر اعطيك الي تبي قلت لها لا والله هذا هو السبب الوحيد الي مخليني مرتاح شوي. وقربت لمها وقلت ليش ما امسح على راسها اواسيها وهي مريضه وزيادة اجر وياليتني مامسحت تدرون يوم قلت لكم ان عمايلها دايم واقفه طلع فيها عظم .!!!

هذا وقد قررت أن أعيش مع صديقي الى الأبد ..
_________________________

آسف على الاطاله

وأنتظر رأيكم في هذه القصه

والى لقاء قادم بمشيئة الله ،،،


[عدلت بواسطة الزعيم الهلالي التاريخ:18-04-2001 الساعة: 09:32 AM]

حلوة اجل طعنه مزحه ياشيخ انا كرهتها وانا ما شفتها

ههههههههههه
انــا ابي اشوف شكلهــا وهي تون يوم جتها الزايده

صراحه هذي القصه حلووووووووووووووووه مررررررررررررررررره ونبغى المزيد من هذي القصص المشوقه.

حلللللللللللللللللللللللللللوووووووووووووووووووووووووووه يا الزعيم الهلالي القصه وان شاء الله ولا واحد من اعضاء المنتدى يطيح هذي الطيحه اللي طاحها دحيم في حرمته .
والله لا يحرمنا من قصصك الحلوة يا الزعيم الهلالي.

ههههههههههههههههههههههههههههه كركركركركركركركركركر كع كع كعكع والله سالفه مهيب صاحيه قطعت تسبدي كثر من هالسواليف اخوي الزعيم الهلالي ومشكور وعساك للقوة ...,,,,,,

ههههههههههههههههههههههههه
والله القصه حلوووووووووة وواقعيةعشق الكتابة