#1  
قديم 17/04/2001, 11:14 AM
موقوف
تاريخ التسجيل: 09/04/2001
مشاركات: 200
كلنا نذكر المربع الذهبي الشهير قبل ثلاث مواسم عندما التقى الهلال بالنصر ونتذكر المباراتين جيدا والأحداث الدراماتيكية
التي حدثت وخصوصاً في المباراة الأولى عندما ألغى عمر المهنا هدفاً
صحيحاً لخميس العويران بحجة أنه دفع لاعب نصراوي ....!!!
وكل خوفنا نحن الجماهير الهلالية من التحكيم في المباراتين القادمتين
فالتحكيم شهد هذا الموسم هجوماً صريحاً من مسئولي نادي النصر ...
حتى قام الأتحاد السعودي بإيقاف الحكم ( السويل ) وحل لجنة الحكام
كله لأجل النصر ....
واصبح النصراويون يتهمون الحكام في كل اخفاق جديد ....
حتى ظل الحكام شماعتهم التى يعلقون عليها كل ما يحلوا لهم من السب والشتم ..
ولا شك أنه بعد كل هذا سيدخل الحكم المباراة مشحوناً وسينعكس هذا على
قيادته للمباراة .. والضحية الأخيرة هي .. الهلال
يا خوفي من التحكيم ......
لن نشاهد ضربة جزاء للهلال ....
سنشاهد قرارات عكسية ،، وسترون ........!!!!
قلتها قبل لقاء الأتحاد أنا خاااايف وقلتوا لي ماينخاف من هذا فريقه ؟؟؟ !!!!!!!
يارب .... سترك ؟؟؟
يارب استرها مع الهلال ؟؟؟
فالظلم ظلمات يوم القيامة ؟؟؟؟؟؟؟؟
  #2  
قديم 17/04/2001, 11:41 AM
في انتظار تفعيل البريد من قبل العضو
تاريخ التسجيل: 18/12/2000
المكان: الخبـر
مشاركات: 1,406
يافنون الهلال... ترى والله العظيم ملينا من الكلام في التحكيم..وبعدين لو لعب الهلال صح يعني اقصد اذا اشتهى لاعبين الهلال يفوزون بيفوزون لو من يحكم..ولو لعب الثنيان وسامي والدوخي بنفس مفتوحه..وكان الدفاع بأحسن حالاته..والدعيع مصحصح زي مباراة الاتحاد الاخيره..ماراح يوقف الهلال لا حكم ولاغيره..والكلام في التحكيم عادة النصر وجماهيره(وانت بكرامه)..وحنا نلعب ونبدع ونحضر ونشجع حبيب قلبنا الهلال..والباقي على رب العالمين..وشكرا
  #3  
قديم 17/04/2001, 11:58 AM
زعيــم متواصــل
تاريخ التسجيل: 31/01/2001
مشاركات: 55
ماحد ينسى هدف خميس

لكن معاهم عذر بالغاءه ياخي اللاعب كان يبي يدف حارسهم ..

اذكر ذاك الهدف واذكر الغاءه بنية دفع الحارس ...

ان شاء الله الحكام الحين اكثر وعي من اول ومايهمهم التخدير ماعاد تنفع ...
  #4  
قديم 17/04/2001, 12:13 PM
موقوف
تاريخ التسجيل: 09/04/2001
مشاركات: 200
الأخ هلاليوووو
تحية وبعد ،،،،
أنا معك إذا لعبنا صح ما يهمنا التحكيم ؟؟؟
هذا الكلام أوافقك فيه إذا كنت في بطولة خارجية ...
أما هنا ..
فالتحكيم له رأي آخر ...
التحكيم هنا مهزوز .....
وكل حكم يحكم مباراة للنصر وخصوصاً مهمة ..
يحسب ألف حساب ...
يخاف على سمعته الاجتماعية ....
يخاف على عياله ....
وبالتالي يقول أنا مالي ومال معاند النصر ...
أكيد غيرهم ( أهون ) لي ..
لا تصاريح ...
لا كلام بذئ ....
وينسوا بسرعة .....
  #5  
قديم 17/04/2001, 12:30 PM
في انتظار تفعيل البريد من قبل العضو
تاريخ التسجيل: 18/12/2000
المكان: الخبـر
مشاركات: 1,406
شكرا على الرد..

يافنون الهلال..الحين اذا الدعيع عطاها للشريده وجا الشريده وعطاها الثنيان وجا الثنيان وسحب 3 من حمير جحا ومل من التسحيب ومررها للدوخي اللي اخذن مكان ممتاز..وجاك انطلق كالعاده في الجناح الايمن وعكسها لافه على المرمى وكان الذيب حبيب قلبي سامي مستعد لهذي الكوره زين ونقزلها وهزت شباك الخوجلي المسكين..وقووووووووول هلالي..يعني المسأله يافنون فن وشطاره ولاعبين الهلال فنانين وشاطرين في الامور هذي....وبكذا محد موقف الهلال حتى لو حكم رئيث النثر..!وشكرا
  #6  
قديم 17/04/2001, 01:17 PM
زعيــم متواصــل
تاريخ التسجيل: 28/03/2001
مشاركات: 147
اخوي الكريم ،،
والله لو يحكم رئيسهم وولده ،،
بإذن الله الفوز هلالي ،،
كلنا يذكر العقيلي يوم يطرد السلومي ويزلب بلنتي سامي مع الحارثي ،، ويومها فاز الهلال لأنه كان الاجدر والأحق ،،
لا خوف من الحكام قدر الخوف من برود بعض لاعبينا ، وضياع طاسة مدربنا ،،

تحياتي ،،
  #7  
قديم 17/04/2001, 01:26 PM
زعيــم نشيــط
تاريخ التسجيل: 08/01/2001
المكان: مدري ... كل يوم ودي اروح مكان
مشاركات: 551
Cool الله يعين !!!!

انا اقول ياجماعه الخير تفائلوا بالخير تجدوه ... وان شاء الله ان شاء الله الهلال يبي يفوز على النصر .. وهذا مشروط بعودة روح الهلال ... قولوا امين .
  #8  
قديم 17/04/2001, 01:27 PM
زعيــم متألــق
تاريخ التسجيل: 14/01/2001
المكان: الرياض
مشاركات: 1,317
والله اذا لعبوا بروحهم المعتاده ما يوقف قدامهم ولا حكم لو يجيبونه من عمال النصر
  #9  
قديم 17/04/2001, 02:28 PM
زعيــم جديــد
تاريخ التسجيل: 02/04/2001
المكان: الخبر
مشاركات: 47
Thumbs up إنشاء الله هلاليه

أنشاء الله بالعزيمه والاصرار المبارتين هلاليه بجميع المقياس وانشاء الله مايوقف قدامه لا نصر ولا تحكيم ولا حراس ولا مدافعين

وخلونا متفائلين


  #10  
قديم 17/04/2001, 02:36 PM
زعيــم فعــال
تاريخ التسجيل: 25/12/2000
المكان: الرياض
مشاركات: 381

الفوز بأذن الله للهلال حتى لو التحكيم معهم
بس اهم شي يطلعون لاعبينا سالمين من خشونة استاذة الخشونة
الداوود والحارثي والحلوي والجهوي
  #11  
قديم 17/04/2001, 02:45 PM
زعيــم نشيــط
تاريخ التسجيل: 03/02/2001
المكان: الدنيا
مشاركات: 556
اخواني انا بطبعي متشائم , بس المرة هذي ما ادري ليه انا متفائل بزيادة , بإذن الله ان الزعيم بيتأهل الى النهائي بمجموع المباراتين .
  #12  
قديم 17/04/2001, 03:24 PM
زعيــم فعــال
تاريخ التسجيل: 12/02/2001
مشاركات: 218
Cool

لاتخافون بإذن الله بيفوز الهلال بتحكيم ولا بغيره
والحمد لله كل سجلي بمباريات الهلال نظيف كلها فوز وتعادلات ومافيه خساير.
تفائلوا بالخير تجدوه؟
ودمتم
  #13  
قديم 17/04/2001, 05:00 PM
موقوف
تاريخ التسجيل: 09/04/2001
مشاركات: 200
الأخ سمسم والأخ الوالي...
تحية وبعد ’’’
إذا كان قولكم لو يحكم رئيس النصر أو ولده أو أحد عمال النصر
فالهلال إذا اشتهى ما احد يرده ....
أنا معكم ،، لكن هل تذكرون النهائي الشهير 3/1 عام 1415هـ كيف بيت
الحكم العمر النية لهزيمة الهلال ...
وتحقق له ما أراد حين تغاضى عن ضربتين جزاء للهلال احداهما
كانت كفيلة بتغيير مسار البطولة للهلال ...
كما نذكر مباراتنا معهم في النخبة وكيف ضاعت علينا ضربتي جزاء ...
وكذلك المباراة الأخيرة مع الأتحاد كيف طنش الحكم ضربة جزاء
واضحة للهلال 100% للكاتو كانت كفيلة بتأكيد فوز الهلال ( عندها كان الهلال
متقدما 2/1 ) فالحكم هو سيد الملعب وليس حماس أو روح الهلال ...
فالقرارات العكسية كفيلة بإحباط معنويات الهلال ... والله يستر بس ؟؟؟؟؟؟
  #14  
قديم 17/04/2001, 06:09 PM
زعيــم فعــال
تاريخ التسجيل: 18/09/2000
المكان: شعيب الشوكي
مشاركات: 288

هدف خميس كان يجب انه يلغى
انتم وش عرّفكم في قانون كرة القدم
الكل يعرف ان الاعب اللي ناوي يسوي شي
يعاقب بنيته مثل خميس
يعني لو انت في نصف الملعب ونويت تسقط واحد في
في الصندوق على قولة رمضان يحتسب عليك بلنتي
حتى لو غيرت النيه
من قالك تنوي
النيه ممنوعة
  #15  
قديم 17/04/2001, 08:51 PM
في انتظار تفعيل البريد من قبل العضو
تاريخ التسجيل: 18/12/2000
المكان: الخبـر
مشاركات: 1,406
خلودي..والله منتب صاحي..ههههههه

حلوه الحركه حقت ياخلودي..وصدقت حنا مانفهم بالامور هذي..!!

ياشباب..بالله دعواتكم للازرق ان الله يوفقه ويجيب لنا الدوري..ان شاء الله..

والمهم اننا مانغير عادتنا في مثل هذه المباريات..وهي اننا نفرجهم على جمهور الهلال الحقيقي اللي يملا الملعب كالعاده..فالهلال تعود الوفاء من جماهيره مثل ماحنا تعودنا على انه يرد هالوفاء بأسعادنا والفوز في هذه المباراة ثم الكأس ان شاء الله....
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube