13/07/2004, 11:34 PM
|
| زعيــم فعــال | | تاريخ التسجيل: 17/02/2004 المكان: مُـقيّدة بـأمل
مشاركات: 406
| |
|
معاناة 15 سنة ماضية و عمر قادم
[ALIGN=CENTER]
السلام عليكم
صراحة ما أدري من وين أبدأ ، فمعاناة 15 سنة تقريبا صعب إني أختصرها في هالسطور و صدقوني ما أحد راح يحس فيها إلا اللي يعاني من هالشيء مثلي ، أنا إنسانة مريضة و لله الحمد و هذا قضاء الله و قدره و عارفة إن هالشيء ابتلاء و امتحان من عند الله، لكن أنا أعترض على نظرة العطف و الشفقة اللي أشوفها في عيون أهلي والناس و تعاملهم معاي من يوم و أنا صغيرة و بداية مرضي الممنوع في حياتي أكثر من المسموح ، أنا أعرف إن أهلي ما يسوون كذا إلا من خوفهم عليّ بس إلى متى؟؟؟!!!
ما يكفيني الطفولة اللي عشت أيامها في المستشفيات !!!! ما يكفي إن حتى اللعب ما ألعب لعشان ما أتعب و أنا أشوف اللي أكبر مني و اللي أصغر مني يلعبون !!!!! صرت أكره الأطفال لأني كل ما أشوفهم أتذكر أيام المستشفيات !!!!! لكن أيامها كنت طفلة ما كنت أدري ايش يعني مريضة غير التنويم في المستشفيات و الأدوية اللي آكلها و الأسلاك اللي تربط بين جسمي و الأجهزة…….
لكن المصيبة يوم كبرت عرفت معنى إني مريضة فهمت معناها من الحظر المفروض عليّ و اللي بديت أحس فيه أكثر ، صار الصغير قبل الكبير يقول لا تسوين كذا أنت مريضة….
عشت حالات اكتئاب و احباط قبل العمليات و بعدها ، صرت أشك في كل الناس إنهم يعاملوني هالمعاملة لأني مريضة ، صرت أشك إن كل البنات يصاحبوني للعطف والشفقة ، صرت حتى اللي يحبوني أحس إنهم يحبوني لأني مريضة يعني مجرد عطف و شفقة و رحمة …..
في المناسبات صار اسمي بنت فلان المريضة أو بنت فلانة المريضة صار المرض هو الميزة اللي اتميز فيها أو المعرف أو الاسم الجديد اللي اكتسبته من 15 سنة ……
أنا ما أنكر إني في نظر الجميع أقوى وحدة في العائلة لكن مايدرون إن ورى هالقوة المصطنعة هموم و آلام كتمتها لأكثر من 10 سنوات ، إن ورا هالقوة قلب ينزف كل دقيقة ، عيون تبكي كل ليلة …….
كان عندي أمل إني في يوم راح أشفى من هالمرض والأمل بالله كبير ، قلت عملية أولى و ثانية و ثالثة و بعدها أشفى صلحت العملية الأولى و الثانية لكن للأسف باقي لي عملية ثالثة و رابعة و خامسة ……..،،
كان عندي أمل لمدة 4 سنوات و لما سألت الدكتورة كان هالسؤال نهاية الأمل ،،،أهلي عايشين على هالأمل و أنا فضلت إني أخليهم عايشين على هالأمل و لا أعذبهم معاي فضلت إني أنا أتعذب و أتألم لوحدي ،،،
يكفيهم خوفهم عليّ ،،،،،،،،
صرت حبيسة غرفتي بين كتبي و كمبيوتري كل اللي أعرفه في حياتي كتب و كمبيوتر و مستشفيات و أدوية …….
صرت أتحدى العالم على حساب نفسي دخلت تخصص في الجامعة صعب بالرغم إني أصلا ما أحبه لأني ما درست شيء فيه ، دخلت هالتخصص لعشان أبين للناس إني مهما يكون قوية و ماراح أستسلم للمرض ظاهريا
أما نفسياً فأنا محطمة مثل الزجاج المحطم اللي ما فيه أمل إنك تعرف ايش كان قبل لا يتكسر
هذا جزء من معاناتي أتمنى إني ما طولت عليكم لكن قلت لكم الكمبيوتر هو الصديق اللي يختلف عن هالمجتمع
أعرف إن حالتي و لله الحمد أرحم بكثير من حالات غيري وأنا ما أعترض على قدرة الله أن أعترض على هالنظرة الدونية في نظري لنا…..
آسفة راح انقطع عنكم فترة نظرا للحالة النفسية اللي أعيشها الآن[/ALIGN] |
اسألي نفسج هالسؤال ليش ما انعزل ابن باز عن الناس؟؟ 
) قوي وايمانج بالله قوي وطالعي جدام ولا تلتفتين يمين وشمال عشان ما تضيعين!!
[/ALIGN]
( واصبــروا ان الله مع الصــابريــن) 
[/ALIGN]
الوضع العادي
