غطوا وجوهكم عن الغبار - نادي الهلال السعودي - شبكة الزعيم

اماراتيه · #1 12/07/2004, 10:51 AM

[ALIGN=CENTER]بسم الله الرحمن الرحيم

من زود من نحنا فاضين قررنا انا و اختي كيفي و اختي الفيروسه .. قررنا نزل موضوع نسترجع فيه أيام الطفولة ... موضوعنا حلو < واثقين

... عن الرسوم المتحركة اللي كنا نتابعه – و الالعاب اللي كنا نلعب فيها – و الاكل اللي كنا نطفحه اقصد ناكله

.. بس اهم شي قبل ما نبدأ تكونو مغطين وجوهكم

ما فينا تجلسون تعطسون من الغبار و لا تكحون و تسونا ازعاج

الرسوم المتحركة

((بشار))

((زينة

))

(( بيل و سبستيان))

((كوكي)) << الله يسامح كوكي بس

اذكر و انا صغيرة كانو يسموني كوكي في البيت

.. مدري على شو؟!

.. فمره كنا جالسين انا و اخواني وانا اصغرهم .. المهم .. فحمسوني يالله كوكي يالله انقزي.. و صفقولي

.. انا بعد ما عندي وقت

و انقز على التلفزيون نفس كوكي

.. و امي مسكينة كانت تحت جالسة تبرد الحليب حقنا تصب الحليب في كوبين عشان يبرد بسرعة << حركة

.. و التلفزيون كان كبير .. و مب ثابت

.. و طاح علي ..التلفزيون علي و الاكواب تحتي

.. اصلا انا كنت انافس شمشوم العرب

ما يدرون هم

.. الله ستر بس .. التلفزيون يوم طاح صح فوقي بس ما لمسني واايد على الاطراف

<< معجزة .. قواعد التلفزيون ثبتت على الارض .. .. بس الحليب حرقني

و تشرمخت رجولي الله سلم بس ما تشوهت

.. اسبوع كامل و الفكس كان صديقي

.. و عصبت امي على اخواني ..

.. و يوم جا ابوي بعد قالتله .. و عصب عليهم

<< وناسة

.. و من بعدها كرهت كوكي

ما يسوى علي الا هو قرطاسة و الوان .. كنت بروح فيها

(( بسيط))

(( غرندايزر))

(( هايدي)) << يا عمري انا عليها و على صخلتها

(( سيدة ملعقة ))

(( نينجا)) < الشومن

(( سالي))

<<لا عزاء لشياب ما لحقتو عليه لانه كان في التسعينات

(( ليدي)) << ادورد

((فلونة))

افلام كرتونية أخرى

• بومبو
ساندي بيل
• الفتى النبيل << سيدرك

• رغيف الخبز

• ريمي
• عدنان و لينا << يعرضونه العصر على ارت تينز

• في رسوم ناسيه اسمه بس البطل يكون صغير و اسمه "فارس" و ابوه يكون ملاكم

• لبنى السريعة

• فتاة المراعي

البرامج الثقافية

افتح يا سمسم

(بدر و انيس

) << ابرز الشخصيات

المناهل

مسلسل تلفزيوني

(( ماما نور)) << بطولة بوسي

حبابة << مريم الغضبان

أغنية مشهوره

البنات البنات ألطف الكائنات

<< سعاد حسني

كوكو وااوا

...الألعاب ...

السيكل

... حلاته و نحنا صغار يكون بثلاث توايرات << عجلات

. لان ما كنا انقدر على التايرين

ويوم كبرنا شوي

أحواض السباحة البلاستيكية

>> عرفتوها هذي اللي نمليها ماي < مويه

.. و نحطه في الحوش وناسه و لا نوافير فرنسا

كيرم << بودرة الاطفال معه لا تنسونها

سكيت

صخر

تركيب " مكعبات "

في لعبه اسمها “family”... هذي قبل Play station و السيغا يكون لونها بيضا و ماروني

...البنات ...

اول ما بدوا يطورون العرايس .. كانت منزلين في اوائل التسعينات عروسة تحبي و تصيح و لها مصاصة

<< مدري تذكرنوها و لا

أدوات المطبخ .. صحون و اكواب و فرن..الخ << و الله كانو يقصون علينا

<< بلاستك و يقولونا اطبخو

... الحلويات ...

• مصاص غندور

<< اللي تحت مب مصاص غندور .. بس اذكركم بشكل المصاص

• حلاو بو بقرة < الحين غيروه و صار بعد بنكهة الكاكاو

.. احلى القديم

• كوكاو بو ملعقة << لذيذ

• لبان << فيه صورةو نطبعها على ايدنا

.. مرسوم على الـــcover اللبان قطوأسود << ماله اسم

• هذا اللبان شي .. بعد ما نخلصه .. نستخدم الكرتون على اساس انه صفاره .. و ننفخ فيه عشان يطلع صوت << اذكيا بس الله علينا

• كت كات << بس اللي يكون في المنيوم القديم

انتهينا

ويا ريت تخبرونا عن الرسوم اللي كنتو تابعونه و انتو صغار .. و الالعاب اللي تلعبون فيها .. و الحلويات اللي كنتو تاكلونها و انتو كتاكيت

.. و اذا مريتو بمواقف طريفة تتعلق بالموضوع

تقبلو أعذب التحايا من أخواتكم ( اماراتيه – كيفي كويتية -الفيروسه الزرقاء)[/ALIGN]

Z3eeM_Dc · #2 12/07/2004, 10:59 AM

إقتباس


	[ALIGN=CENTER]إقتباس من مشاركة اماراتيه [/ALIGN] [ALIGN=CENTER] (( فلونة)) (( بسيط )) [/ALIGN]

[ALIGN=CENTER]يعطيك العافية على الموضوع

اختي
بس فية خطاء فادح ياليت تعدلونه

[/ALIGN]

asheqalreem · #3 12/07/2004, 11:02 AM

بصراحة يالاماراتية..موضوعك رجعي لسنتين وراء

...ذكريات طفولة حلووووة وخاصة لما شفت افلام الكرتون الي تحبينها

..اثرتي فيني الاشجان..روحي ياشيخة ربنا يفتحها عليك وتتقوزي ولا تعنسيش

[ALIGN=CENTER]

[/ALIGN]

saudi2002 · #4 12/07/2004, 03:02 PM

كح كح كح احححححححم

يا كثر الغبار هنا

ذكريات ويا هالكراتين

ولا عاد كرتوني المفضل سابقا

ههههههههههههههه

وبومبو بعد

واذكر في بعد واحد اسمه المفتش وحيد

مشكووورة على هالغبار وسلمت ايديك(ليش طبخة

) انتي ويا الشلة

ودمتم سالمين

فيرون الرياض · #5 12/07/2004, 03:25 PM

هههههههههههههههه

موضوع كله وناسه وذكرتونا ايام الدجه

بس تعالوا وشي الخطاء الفادح

<<<< فضوووووول

ميرسي

هلالي موعالبال · #6 12/07/2004, 04:15 PM

بصراحة ننجا المغامر لازال موجود عندي وغرندايزر

هوايا · #7 12/07/2004, 06:12 PM

هلا والله مشورة انت والصبايا
والله ذكرتينا بايام زمان ليتني طفلة للحين
وترى كلنا كانت حياتنا كذا
وابشرك للحين ما بطلت افلام كرتون

بطل · #8 12/07/2004, 11:40 PM

[ALIGN=CENTER]وش حكاية المنتدى اليوم

عملات قديمة00كراتين برضو قدبمة

انني أختنق من [ الغبار ]

<== خذ لك نفس عميق :p

[/ALIGN]

الحاتمي · #9 13/07/2004, 12:27 AM

الـحـاتـمــي ...

مــر مــن هــــنــــا ...

ويـقـول : الله يالدنيا

موضوع متعوب عليه بقوّة ...

بس إذا ممكن أبي صورة من مسلسل ( فارس الصغير ) الصغير اللي كبر وصار ملاكم مثل أبوه ;)

و شكرا ..

اماراتيه · #10 13/07/2004, 11:55 AM

[ALIGN=CENTER]

هلا و الله Z3eeM_Dc

الله يعافيك

..

إقتباس


	بس فية خطاء فادح ياليت تعدلونه

عاد انت الله يهديك .. قول بدون ما تقتبس

.. شو الفايده نعدله الحين .. عقب ما شافوه كلهم

تحياتنا لك

هلا asheqalreem

إقتباس


	روحي ياشيخة ربنا يفتحها عليك وتتقوزي ولا تعنسيش

لا ابغي اعنس

.. عشان ادخل في احصائيات الدولة

للعنوسه .. وناسه .. فلانه بنت فلان الفلاني عانس

<< طموحي

تحياتنا لك

راجعه للباقي

[/ALIGN]

الماسه الزرقاء · #11 13/07/2004, 12:17 PM

ذكرياااااااااااااااااات

بصراحه كنت اعشق ليدي وسالي وهايدي وبوليانا وبشار وعدنان ولينا وفلونا ,

وإلى الآن احب اشوف ليدي وسالي وعدنان ولينا

الله يعطيكم العافيه يالغاليات على الجهد الكبير

كيفي كويتية · #12 15/07/2004, 12:59 PM

[ALIGN=CENTER]اماراتيه فيه مسلسل كارتوني اسمه "الماسة الزرقاء"

جد والله .. كان رووووعه

وكنت افكر في احداثه وشنو بيصير قبل لا انام:p

اذا فيه صور حطيها لنا

اذا ما عليج كلافه

اماراتيه - الفيروسه الزرقاء - كيفي كويتية

يعطيكم العافية على مجهودكم

[/ALIGN]

الفيروسه الزرقاء · #13 17/07/2004, 04:08 AM

[ALIGN=CENTER]

^
^
^
خيتو رهيييييييييييييب المسلسل الكرتوني الماسة الزرقاء

==> كانت تتابعه

لقيت لك هالصورة

==> حاست بملفاتهم علشان تطلعها لك .. مجرمه أنا حاطه المصدر وأطلع رابط الصورة

لانه موراضي يخلني أضغط على خصائصها

ويسلمووووووووو ياأحلى اماراتيه على هالموضوع رائع ،،
لي باك لموضوعك

[/ALIGN]

كايدهم · #14 17/07/2004, 04:47 AM

وين كـبـتن مـاجد .. وين الهـداف ..

فيه سـنـشيــــــرو بس وش اسم المسلسل حقه كــــان روعه وحماس معه وعلى اعصابنا انه ماينـهزم

فيه سلاحف النيجا .. وبسييييط وكعبوول .. واحلى شيء عاد .. توم جيري

. وبـي بــــــب

..

ابرامج الثقافيه :

ماكنت اشوف الا المناهل ..

مسلسل تلفزيوني :

رقيه وسبـيكه وخالتي قماشه

..

الالعاب :

طبعا كووووره قدم ثم يجي السيـكل ثم الزلاجـات ومـكشوف وعسكري حرامي

الحلاو المفضل :

كت كــات ، جلكسي ..

المشروب :

سن تـوب .. عشان اجمع الصور وارسلها للشركه ويعطوني جائـزه

الفيروسه الزرقاء · #15 17/07/2004, 05:13 AM

[ALIGN=CENTER]

^
^
^
اماراتيه ماتحبوهم

==>> منقهره منها

إقتباس


	فيه سـنـشيــــــرو بس وش اسم المسلسل حقه كــــان روعه وحماس معه وعلى اعصابنا انه ماينـهزم

أسم المسلسل سانشيرو

.. وشوي كلمة روعه وأكره مالي ذيك الشريرة اللي تلبس أسود ==>> ناسيه أسمها

ماتبغى جومارو يدخل بمسابقة الدماء العالمية

عاد هو افضل مصارع باليابان

هلا ياهلا بيسانشيرو البطل المغوار تعالوا تعالوا شاهدوه هيا ياصغار سانشيرو
أحبه صغار وكبار سانشيرو
أحب العلم فتعلم واخترع دميته جوماروا وراح يعمل ليل نهار من أجل الخير ولفعل الخير
ويحارب الأشرار

لسماع الأغنية بصوت المطربة الفيروسة

إضغط هنا

المهم هذا موقع جداً ممتاز للحلوين اللي يحبون مشاهدة الأفلام الكرتون وإسترجاع ذكريات الطفولة ==>> مدمنة أفلام كرتون

نجوم الكرتون

إقتباس


	مسلسل تلفزيوني : رقيه وسبـيكه وخالتي قماشه ..

عموما لي باك .. بس متى ماادري

[/ALIGN]