موقف طريف لا أنساه (( 2 )) - نادي الهلال السعودي - شبكة الزعيم

الباسفيك · #1 26/06/2004, 10:23 PM

[ALIGN=CENTER]يوم زواجي على بالي مسوي حركات العرسان الجدد

اسكن اول ليلة في فندق خمس نجوم لمدة يوم وانا مستأجر شقة ومأثثها بالكامل في الرياض بس لان تعرفون الدارهم اول ايام الزواج تصير راهيه من العانيات والتحويشة ونوع من التشخيص عند العروس على بالي راعي ايتكيت

مهوب هذا موضوعي موضوعي اني نسقت مع ولد اخوي والصراحة انه قريب من قلبي جداً واتفقت معه على ان يكون معي يوم الزواج من بدري علشان نرتب الاوضاع والرجال ما قصر تواجد معي من الصباح ورحنا واستأجرنا اللكزس اللي بشخص فيه تعرفون انا ما احب انطل وجهي على بعض القرايب الكاش اللي يملكون سيارات فارهة.
وقلت للأهل اسبقوني عند قصر الافراح وخلوكم متواجدين عند نقطة معينة وانا ابجيكم من الفندق مباشرة وهناك نسوي موكب واحد ونمشي مع بعض للقصر ولو ان هالفكرة ما جازت لبعض القرايب بس يكفي اني مقتنع بها

المهم اني من بعد صلاة العصر وانا ادهر بالتشخيص وقامت هالتلفونات تدهر من الاهل من بعد العشاء يبوني اعجل عليهم
ويوم طلعت من الفندق وركبت السيارة مع صاحبنا ما دريت الا اخذ طريق هو ما يدله وتعرفون الرياض ماشاء الله بعد العشاء وفي الصيف ابد ابد ما فيه زحمة الشوارع فاضية

المهم خوينا دخل في شوارع فرعية وضيع

والوقت تأخر والجماعة مدهرين بالمكالمات وصابني احراج صعبة اقول لهم انا مضيعين وقمت اصرخ عليه واقول له : وين انت رايح معه ؟!! قال : والله ما ادري بغيت الفكة من طريق الملك فهد وزحمته ونشبت في شوارع اول مرة اجي معها بس لا يهمك لا تقلق وقام يدور في الحارات والشوارع وانا بصراحة مثله ما ادل ذيك المنطقة وشكلي بصراحة غلط مشخص بالبشت ويوم زواجي ولا عرفت اوصل للقصر

وتندمت وقلت يالتني سمعت كلام بعض الاهل وخليت الاجتماع في بيت معين بدل هالمرمطة

وبعد هو على فكرة راعي توهيقات ولاهي اول مرة تصير معه مثل هالمواقف مع العلم اني مشيك معه من اول اذا كان يعرف الطريق من الفندق الى القصر والا لا ؟!! وكان يقول لي : افا عليك ازهله لا تشيل هم انت مع واحد سنايدي

بس الحمد لله في الاخير دل بعد طلعة الروح ويوم وصلنا للاهل قاموا يلوموننا على التأخير وكنت بصراحة متوتر مهوب من هالموقف بس ولكن كنت زمل من كم يوم من ليلة الدخلة

هذا كل ما عندي ..........

وسلامتكم[/ALIGN]