|
موقف طريف لا أنساه (( 2 )) [ALIGN=CENTER]يوم زواجي على بالي مسوي حركات العرسان الجدد :D:D اسكن اول ليلة في فندق خمس نجوم لمدة يوم وانا مستأجر شقة ومأثثها بالكامل في الرياض بس لان تعرفون الدارهم اول ايام الزواج تصير راهيه من العانيات والتحويشة ونوع من التشخيص عند العروس على بالي راعي ايتكيت :D:D مهوب هذا موضوعي موضوعي اني نسقت مع ولد اخوي والصراحة انه قريب من قلبي جداً واتفقت معه على ان يكون معي يوم الزواج من بدري علشان نرتب الاوضاع والرجال ما قصر تواجد معي من الصباح ورحنا واستأجرنا اللكزس اللي بشخص فيه تعرفون انا ما احب انطل وجهي على بعض القرايب الكاش اللي يملكون سيارات فارهة. وقلت للأهل اسبقوني عند قصر الافراح وخلوكم متواجدين عند نقطة معينة وانا ابجيكم من الفندق مباشرة وهناك نسوي موكب واحد ونمشي مع بعض للقصر ولو ان هالفكرة ما جازت لبعض القرايب بس يكفي اني مقتنع بها :sigh: المهم اني من بعد صلاة العصر وانا ادهر بالتشخيص وقامت هالتلفونات تدهر من الاهل من بعد العشاء يبوني اعجل عليهم ويوم طلعت من الفندق وركبت السيارة مع صاحبنا ما دريت الا اخذ طريق هو ما يدله وتعرفون الرياض ماشاء الله بعد العشاء وفي الصيف ابد ابد ما فيه زحمة الشوارع فاضية:razz: المهم خوينا دخل في شوارع فرعية وضيع :sigh::sigh: والوقت تأخر والجماعة مدهرين بالمكالمات وصابني احراج صعبة اقول لهم انا مضيعين وقمت اصرخ عليه واقول له : وين انت رايح معه ؟!! قال : والله ما ادري بغيت الفكة من طريق الملك فهد وزحمته ونشبت في شوارع اول مرة اجي معها بس لا يهمك لا تقلق وقام يدور في الحارات والشوارع وانا بصراحة مثله ما ادل ذيك المنطقة وشكلي بصراحة غلط مشخص بالبشت ويوم زواجي ولا عرفت اوصل للقصر :bigeek::bigeek: وتندمت وقلت يالتني سمعت كلام بعض الاهل وخليت الاجتماع في بيت معين بدل هالمرمطة :blueroll: وبعد هو على فكرة راعي توهيقات ولاهي اول مرة تصير معه مثل هالمواقف مع العلم اني مشيك معه من اول اذا كان يعرف الطريق من الفندق الى القصر والا لا ؟!! وكان يقول لي : افا عليك ازهله لا تشيل هم انت مع واحد سنايدي :D:D بس الحمد لله في الاخير دل بعد طلعة الروح ويوم وصلنا للاهل قاموا يلوموننا على التأخير وكنت بصراحة متوتر مهوب من هالموقف بس ولكن كنت زمل من كم يوم من ليلة الدخلة :D:D هذا كل ما عندي .......... وسلامتكم[/ALIGN] |
ههههههههههههههههههههههههههههههههههه مسكييييييييييييييييييييييييييييييين |
ههههههههه موقف ههههههههههههه أزهله أزهله أزهله أفاااااااا وين حنا فيه هههههههههههههههههههه |
ههههههههههههههههههههههههههههههههههههههه ودك يهونون<< نحيس بس الصراحة ولد اخوك عن جد سنايدي<< جد ولاعم<< قديم |
اقوووووووول عسى لحقتو العشا والا كلوه عنكم ههههههههههههههههههههههههههههههههه |
ههههههههههههههههههههههه الله يكون في عونك ذيك الحظه :D :D :D :D |
[ALIGN=CENTER]عندى موقف محررررررررررج مره كان اخوي يبي مني شي .. كان عنده واحد من زملاه قال بصوت ريم ياريم الزعيم>> نسى وقال اسمي عند صاحبه اخوي صار وجه الوووووووووان:D ............ موقف حلو مره كنا مسافرين طبعا يقولون منه الكابتن .ودرجه الحراره .....الخ المهم يو م قالو اسم كابتن الطايره ولا طلع خالى >>>نسيت الخوف كله:D وبتشقق من الفرح سلامنا عليه لما وصلنا;)[/ALIGN] |
الله يسلمك مع الاعتذار لكل ولخويك بس لان الموضوع عن مواقف لاتنسى ذكرتني بشخص تكرم ومنهو يشوف مثل الكلب الي بعد ماشبع طلع صوته وصارينابح وتنسى انه قبل ماياكل مثل التيس يمببع ومايسكته الااكل الأعلف الله يعطيك العافيه المشعلل |
هذا موقف صار لي العام الماضي يوم مباراة الإتحاد والزمالك في السوبر السعودي المصري وكنا بالصدفه بمصر, وركبت راسي إلا أروح للمباراه بالاخير وافقوا أهلي على إني أروح بس يجي معاي اخوي مع انه مايواطن شي اسمه كوره وما يعرف فيهاولا شي.. بس المسكين اضطر يجي معاي.. المهم رحنا للمباراة ومن أول ما بدت وأنا أقول: وش هاللعب الخايس! آه لو انه الهلال كان شفتوا اللعب الصح,, واذا ضيع لاعب هجمه أقول : لو انه نواف ولا سامي ما كان ضاعت !! والجمهور قليل يعني يسمعوني بسهوله وقاموا يناظروني بذيك النظرات..:upset::upset: وأنا عادي ولا همني قعدت على هالحال طول المباراه ..المهم على بداية الشوط الإضافي الثاني (المباراه انتهت بركلات الترجيح)على بدايته ضاع جوالي ,,شكلهم دعوا علي !! عاد أنا نسيت المباراه وقمت أدور جوالي وخلاص شوي وأصيح:cry:وجت ركلات الترجيح وانا ماادري عنهم همني القى جوالي وبس وبالصدفه يوم فاز الزمالك لقيت الجوال عاد من فرحتي نسيت نفسي قلت بأعلى صوتي : الحمد الله.. أخيرا!! يوم قلت كذا مالقيت الا ذولي اللي يناظروني كنهم يبون::chair: وانا ماأدري عن السالفه؟؟ يوم ناظرت الملعب دريت انهم خسروا ويحسبوني مستانسه على خسارتهم وتوي ببرر موقفي.. ما لقيت إلا ذاك الشايب اللي قاعد ورا يصارخ: مدامك ماتبغينا نفوز وقاعده تتشمتي فينا ليش قاعده عندنا من أصلو!؟ (صادق الشرهه على اللي يقعد معهم )عاد أختكم في الله حطت رجلها قبل لا يجيني شي عاد وحنا طالعين كلهم:upset::upset::upset:حتى أخوي وانا الوحيده اللي:D وقاعده أقول :أشوا وجه الزملكاويه زين علي يوم فازوا لقيت جوالي[ أم الشباب حالفه ماترجع البيت إلا وهي متصفقه] بس الحمدالله السالفه انتهت بجروح سطحيه وبعض الكسور الطفيفه بس!!:: |
| الوقت المعتمد في المنتدى بتوقيت جرينتش +3.
الوقت الان » 02:49 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd