طبعاً مثل ما تعرفون حنا يالقصمان ما نحب الفضايح ابداً
هذا الجزء الثاني من فضايح أخواننا أعضاء شبكة الزعيم
ما يحتاج ما يبيلكم توصيه ،، استروا عليهم

خوينا وبنت الفيصليه
هذا واحد من الأعضاء الله يستر علينا وعليه
كان بمركز الفيصليه بالرياض
بقولكم القصه بأختصار لأنها طويله
رقم بنت مدري هي رقمته المهم انهم اخذوا ارقام بعض
ابو الشباب يدق عليها ما حد يرد
بعد اشوي ترسل رساله على الجوال
بس اذا دق ما حد يرد
بس الرسائل تدهر
وعلى هالموال لين اكتشف بعد فتره ان البنيه طرماء !!
لا وزود على ذلك البنيه حبته
طبعاً انا على طول قمت بالواجب وباركت لخوينا على هالمحبه
<<< موب شمتان ابداً لأن خوينا ما يبكي على حظه ابداً

أحد أعضاء مجلس الإدارة يشتري لكزس جديده
ماشاء الله تبارك الله ،، يعطيه خيرها ويكفيه شرها
هذا واحد من الأخوان أعضاء مجلس الإدارة
شاري لكزس جديده موديل 2004
كاشخ هاليومين علينا ماحد قده
يحقله عضو مجلس إدارة راتبه عالي اما حنا مالت علينا
حدنا هايلوكس وبدون شراع بعد

أحد الأعضاء طموحه يشتري كلباً
طبعاً الطموح يختلف من عضو مجلس إدارة إلى عضو عادي
هذا العضو متواضع وكان طموحه موب زي بعض الناس لكزس
طموحه انه يشتري كلب
لا تستغربون هذه هي الحقيقه
لا وموريني كاتلوج كلاب يقولي هذا احسن وإلا الثاني
عاد انا على طول سألته تبيه فل كامل وإلا بس جنوط
<<< ماله بهالأمور

رحلة بعد ساعه صارت بعد خمس ساعات !!
هذا واحد من القائمين على موقع الزعيم من خارج منطقة الرياض اتصل علي في احد الأيام
يقول تراني جيت على السريع في مهمه وبرجع لديرتي اللحين إذا كان ودك تجي تسلم تراني بمطار الرياض ؟
عاد انا كنت بسيارتي رايح لمشوار
قلتله كم باقي على رحلتك ؟ قال حول الساعه او ساعه ونصف
قلت حلو يمديني اجي اسلم عليك وإذا امدانا نتغدى سوا
على طول كنسلت مشواري واتجهت للمطار وقابلت خوينا وطبعاً ما اتريق علي ابداً
المهم تغدينا ببيتزا هت بوسط المطار وطلبنا بيتزا ما ادري وش تبي !!
كانت الساعه حول الوحده ونص الظهر ، قمنا نشوف موعد رحلة خوينا كم باقي عليها
جلسنا وطلبنا شاهي وكان جنبنا واحد تارك كل اللي بالمطار وجالس يقزز فينا !!
دخلنا على موقع الزعيم عن طريق
و
وشيكنا على المواضيع و كل هذا وموعد رحلة خوينا ما ذكروها ابداً بالمطار !!
خبري بالموعد بعد ساعه قبل لا اجي وانا لي ساعتين واصل المطار !!
المهم اذن العصر وحنا متكين بالمطار
وجنبنا هاللي متكي من اول ما تكينا وهو مبحلق فينا الظاهر انه متخوبر زينا
قلت لخوينا لو داري كان رحنا تغدينا بالبيت اصرف من هالجلسه بالمطار بجانب ابو الشباب
اللي ما غير يقزز فينا تقولون اول مره يشوف اثنين من شبكة الزعيم
المهم خوينا خربها بعدين وقالي بدخل للصاله الداخليه اشوف وش السالفه
الكلام هذا الساعه خمس العصر يعني بعد خمس ساعات تقريباً من مكالمته لي
بس كانت ساعات حلوه خاصه مع الأخ ابو التقزيز اللي للحين ما ادري وش يبي

مشرف صنفت انه يجرب
هذا واحد من المشرفين الأفاضل طلب من أحد الأخوان انه ينزل موضوع عن حدث معين
المهم الأخ بعد الحاح من المشرف اجتهد وتعب على الموضوع ونزله
وبعد دقائق رجع الأخ يدور على موضوعه ما لقاه
ودخل على منتدى المواضيع المنقوله ما لقاه !!
انهبل الأخ واستفسر من المشرفين ليش يحذفون موضوعه ؟!!
وكان اول واحد يرد عليه من المشرفين هو مشرفنا اللي طلب منه انه ينزل الموضوع!!
قاله تراني ان اللي حذفت الموضوع
لأني دخلت عليه وشفت احد الخيارات وما مسكت نفسي وقلت بجربه
وعلى طول ضغطت الفاره
وإلا الموضوع انحذف من الموقع كله
لا ويقوله وش رايك تنزل الموضوع مره ثانيه

حنا يالقصمان ما نحب الفضايح ابداً ( الجزء الأول )

prince1111 · #1 20/06/2004, 07:57 PM

طبعاً مثل ما تعرفون حنا يالقصمان ما نحب الفضايح ابداً
هذا الجزء الثاني من فضايح أخواننا أعضاء شبكة الزعيم
ما يحتاج ما يبيلكم توصيه ،، استروا عليهم

خوينا وبنت الفيصليه
هذا واحد من الأعضاء الله يستر علينا وعليه
كان بمركز الفيصليه بالرياض
بقولكم القصه بأختصار لأنها طويله
رقم بنت مدري هي رقمته المهم انهم اخذوا ارقام بعض
ابو الشباب يدق عليها ما حد يرد
بعد اشوي ترسل رساله على الجوال
بس اذا دق ما حد يرد
بس الرسائل تدهر
وعلى هالموال لين اكتشف بعد فتره ان البنيه طرماء !!
لا وزود على ذلك البنيه حبته
طبعاً انا على طول قمت بالواجب وباركت لخوينا على هالمحبه
<<< موب شمتان ابداً لأن خوينا ما يبكي على حظه ابداً

أحد أعضاء مجلس الإدارة يشتري لكزس جديده
ماشاء الله تبارك الله ،، يعطيه خيرها ويكفيه شرها
هذا واحد من الأخوان أعضاء مجلس الإدارة
شاري لكزس جديده موديل 2004
كاشخ هاليومين علينا ماحد قده
يحقله عضو مجلس إدارة راتبه عالي اما حنا مالت علينا
حدنا هايلوكس وبدون شراع بعد

أحد الأعضاء طموحه يشتري كلباً
طبعاً الطموح يختلف من عضو مجلس إدارة إلى عضو عادي
هذا العضو متواضع وكان طموحه موب زي بعض الناس لكزس
طموحه انه يشتري كلب
لا تستغربون هذه هي الحقيقه
لا وموريني كاتلوج كلاب يقولي هذا احسن وإلا الثاني
عاد انا على طول سألته تبيه فل كامل وإلا بس جنوط
<<< ماله بهالأمور

رحلة بعد ساعه صارت بعد خمس ساعات !!
هذا واحد من القائمين على موقع الزعيم من خارج منطقة الرياض اتصل علي في احد الأيام
يقول تراني جيت على السريع في مهمه وبرجع لديرتي اللحين إذا كان ودك تجي تسلم تراني بمطار الرياض ؟
عاد انا كنت بسيارتي رايح لمشوار
قلتله كم باقي على رحلتك ؟ قال حول الساعه او ساعه ونصف
قلت حلو يمديني اجي اسلم عليك وإذا امدانا نتغدى سوا
على طول كنسلت مشواري واتجهت للمطار وقابلت خوينا وطبعاً ما اتريق علي ابداً
المهم تغدينا ببيتزا هت بوسط المطار وطلبنا بيتزا ما ادري وش تبي !!
كانت الساعه حول الوحده ونص الظهر ، قمنا نشوف موعد رحلة خوينا كم باقي عليها
جلسنا وطلبنا شاهي وكان جنبنا واحد تارك كل اللي بالمطار وجالس يقزز فينا !!
دخلنا على موقع الزعيم عن طريق
و
وشيكنا على المواضيع و كل هذا وموعد رحلة خوينا ما ذكروها ابداً بالمطار !!
خبري بالموعد بعد ساعه قبل لا اجي وانا لي ساعتين واصل المطار !!
المهم اذن العصر وحنا متكين بالمطار
وجنبنا هاللي متكي من اول ما تكينا وهو مبحلق فينا الظاهر انه متخوبر زينا
قلت لخوينا لو داري كان رحنا تغدينا بالبيت اصرف من هالجلسه بالمطار بجانب ابو الشباب
اللي ما غير يقزز فينا تقولون اول مره يشوف اثنين من شبكة الزعيم
المهم خوينا خربها بعدين وقالي بدخل للصاله الداخليه اشوف وش السالفه
الكلام هذا الساعه خمس العصر يعني بعد خمس ساعات تقريباً من مكالمته لي
بس كانت ساعات حلوه خاصه مع الأخ ابو التقزيز اللي للحين ما ادري وش يبي

مشرف صنفت انه يجرب
هذا واحد من المشرفين الأفاضل طلب من أحد الأخوان انه ينزل موضوع عن حدث معين
المهم الأخ بعد الحاح من المشرف اجتهد وتعب على الموضوع ونزله
وبعد دقائق رجع الأخ يدور على موضوعه ما لقاه
ودخل على منتدى المواضيع المنقوله ما لقاه !!
انهبل الأخ واستفسر من المشرفين ليش يحذفون موضوعه ؟!!
وكان اول واحد يرد عليه من المشرفين هو مشرفنا اللي طلب منه انه ينزل الموضوع!!
قاله تراني ان اللي حذفت الموضوع
لأني دخلت عليه وشفت احد الخيارات وما مسكت نفسي وقلت بجربه
وعلى طول ضغطت الفاره
وإلا الموضوع انحذف من الموقع كله
لا ويقوله وش رايك تنزل الموضوع مره ثانيه

حنا يالقصمان ما نحب الفضايح ابداً ( الجزء الأول )

هلالي الجوف · #2 20/06/2004, 10:56 PM

يالله صباح خير

اقول يالشين ..
شكل راعي هاللكزس يبي يجيبها عندك ***** عليها <<== جملة مشفرة شفرها البارق

..
اجل بالله عمركم شفتوا واحد يطلع سيارة من الوكالة ويمسكونه المرور ويعطونه مخالفة عدم تركيب لوحات .. ولوحاته معه شوي ويعلقهن بذانه من القهر

وكله من عيون واحد ببالي

والا ان راتبه من الشبكة مشكوك فيه وحلله هالشرطي

اما سالفة المطار هههههههههههههههههههههه
شكلي خويك ماعلمك انه لحقه للصالة الداخلية .. ولازق فيه لحد باب الطيارة

مابقى الا يركب جنبه وينزل معه ويروح معه لبيتهم .. و .. و.. وبس

هلاليــــ مووووت ــه · #3 20/06/2004, 11:09 PM

برنس

الله يرجك بس

حلوووووه طرماء هذي

ههههههههههههههه

ابو الذهب · #4 21/06/2004, 12:57 AM

هههههههههههههه الله يرجك

إقتباس


	مشرف صنفت انه يجرب هذا واحد من المشرفين الأفاضل طلب من أحد الأخوان انه ينزل موضوع عن حدث معين المهم الأخ بعد الحاح من المشرف اجتهد وتعب على الموضوع ونزله وبعد دقائق رجع الأخ يدور على موضوعه ما لقاه ودخل على منتدى المواضيع المنقوله ما لقاه !! انهبل الأخ واستفسر من المشرفين ليش يحذفون موضوعه ؟!! وكان اول واحد يرد عليه من المشرفين هو مشرفنا اللي طلب منه انه ينزل الموضوع!! قاله تراني ان اللي حذفت الموضوع لأني دخلت عليه وشفت احد الخيارات وما مسكت نفسي وقلت بجربه

ترا مهوب البارق

كـادي · #5 21/06/2004, 02:27 AM

[ALIGN=CENTER]طبعاً مثل ما تعرفون حنا يالقصمان ما نحب الفضايح ابداً

أقول ياأبو الواحدات أشك إنك قصمنجي مثلنا

وعلى هالموال لين اكتشف بعد فتره ان البنيه طرماء !!

وشلون أكتشف

طبعاً انا على طول قمت بالواجب وباركت لخوينا على هالمحبه

أمحق من واجب هههههههههههه

<<< موب شمتان ابداً لأن خوينا ما يبكي على حظه ابداً

الله يستر علينا بس

كاشخ هاليومين علينا ماحد قده

منهو لايكون ولد الجوف

حدنا هايلوكس وبدون شراع بعد

ولا تبي شراع؟؟؟!!!!!

هذا واحد من المشرفين الأفاضل طلب من أحد الأخوان انه ينزل موضوع عن حدث معين

ليه ماتواضع هو ونزله

[/ALIGN]

البارق · #6 21/06/2004, 03:07 AM

[ALIGN=CENTER]هلا ومرحبا بك أخوي برنس ..

إقتباس


	طبعاً مثل ما تعرفون حنا يالقصمان ما نحب الفضايح ابداً هذا الجزء الثاني من فضايح أخواننا أعضاء شبكة الزعيم

شيء أكيـــــد..

إقتباس


	أحد أعضاء مجلس الإدارة يشتري لكزس جديده ماشاء الله تبارك الله ،، يعطيه خيرها ويكفيه شرها هذا واحد من الأخوان أعضاء مجلس الإدارة شاري لكزس جديده موديل 2004 كاشخ هاليومين علينا ماحد قده يحقله عضو مجلس إدارة راتبه عالي اما حنا مالت علينا حدنا هايلوكس وبدون شراع بعد

بالنسبة لنا صرفوا لنا كوريلا 88 ...

إقتباس


	أحد الأعضاء طموحه يشتري كلباً

إقتباس


	رحلة بعد ساعه صارت بعد خمس ساعات !!

أجل غدا وبيتزا ..

<---- ما دخلت مزاجي هذي ماهوب عاد اللي يبحلق بكم

..

إقتباس


	مشرف صنفت انه يجرب

بس جاي اقول إنه ماهوب أنا

تحياتي ،،،

[/ALIGN]

الحاتمي · #7 21/06/2004, 05:58 AM

الـحـاتـمــي ..

مــر مــن هـــنـــا ...

ويـقـول : تصدّق إنّي كنت مار من عند بيتزا هت ذيك الساعة << قوية !!

بس على العموم أنا رحت لكودو عناد في أبو بسمة جنان اللي جاء ولا دق علي ;)

تحياتي إلك كلياتك يابرنس إنت ومدرّس الرياضة ;)

prince1111 · #8 21/06/2004, 08:10 AM

هلالي الجوف

إقتباس

اجل بالله عمركم شفتوا واحد يطلع سيارة من الوكالة ويمسكونه المرور ويعطونه مخالفة عدم تركيب لوحات

قايلكم قصمان ما يحبون الفضايح !!! ما فضح نفسه ابداً

إقتباس

ولوحاته معه شوي ويعلقهن بذانه من القهر

يارجال تصدق تطلع كشخه لوحات لكزس لها قيمتها

إقتباس

اما سالفة المطار هههههههههههههههههههههه
شكلي خويك ماعلمك انه لحقه للصالة الداخلية .. ولازق فيه لحد باب الطيارة
مابقى الا يركب جنبه وينزل معه ويروح معه لبيتهم .. و .. و.. وبس

هههههههههههههه قايلك الرجال حبك من اول نظره

هلاليــــ مووووت ــه
حياك الله
عاد تصدقين انه يقول انها حلوه

ابو الذهب
لا اخوي موب البارق

كادي

إقتباس

أقول ياأبو الواحدات أشك إنك قصمنجي مثلنا

اصلاً انتم يالبنات ما يحتاج تصيرون قصمان علشان تفضحون
تحبون الفضايح حتى لو انكم من خورفكان

إقتباس

وشلون أكتشف

كشخ وراح قابلها مره ثانيه بالفيصليه وكان المره الثانيه والأخيره

إقتباس

منهو لايكون ولد الجوف

لا وش دعوا من اللي انه ولد الجوف

إقتباس

ولا تبي شراع؟؟؟!!!!!

ليه يعني علشاني موب عضو مجلس إدارة ما يحقلي ان يكون عندي طموح

إقتباس

ليه ماتواضع هو ونزله

وش جالسه تقولين هذا مشرف

البارق2000

إقتباس

هلا ومرحبا بك أخوي برنس

ياهلا وغلا اخوي البارق

إقتباس

بالنسبة لنا صرفوا لنا كوريلا 88

افا ليه :sad: علشانكم بالمجلس العام

إقتباس

أجل غدا وبيتزا ..
<---- ما دخلت مزاجي هذي ماهوب عاد اللي يبحلق بكم

لا عادي دخلها مزاجك عاد لو تشوف البيتزا اللي طلبنها خلها مستوره

الحاتمي

إقتباس

تصدّق إنّي كنت مار من عند بيتزا هت ذيك الساعة << قوية !!

المشكلة البيتزا بوسط المطار !! اشلون تمر من جنبها

إقتباس

تحياتي إلك كلياتك يابرنس إنت ومدرّس الرياضة

تحياتي لك كلبوك <<< بالقصيمي

كـادي · #9 21/06/2004, 08:32 AM

[ALIGN=CENTER]اصلاً انتم يالبنات ما يحتاج تصيرون قصمان علشان تفضحون

أكيد نبي نصير قصمنيات هههههههههههه

اشطر منى بالنحو ماكوا

تحبون الفضايح حتى لو انكم من خورفكان

الله لايهينك أخي الفاضل

ترجم معنى الكلمة التالية ( خور فكان )

كشخ وراح قابلها مره ثانيه بالفيصليه وكان المره الثانيه والأخيره

من زينه يتكشخ !!؟؟

ليه يعني علشاني موب عضو مجلس إدارة ما يحقلي ان يكون عندي طموح

لا طموووووووووووووح مررررره الله يقويك

وش جالسه تقولين هذا مشرف

شو لايكون تعديت حدودي

^

^

وخير لاكان مشرف

من تواضع لله رفعه

[/ALIGN]