[ALIGN=CENTER[ALIGN=JUSTIFY]]هذا واحد من الجماعة بصراحة تحفة وله مواقف لا يمكن أنساها طبعاً مواقف طريفة ومن ابرزها
إنه قبل تقريباً عشر سنوات راح هو واخوه اللي اصغر منه مع احد اقاربهم الى احد منتزهات الرياض (( طبعاً منتزة عزاب )) ;) وكانت اعمارهم في ذاك الوقت بين 17 و19 سنة يعني في عز سن المراهقة والطيشان المهم كانوا طاقين التكاميل وكان في المنتزة ملاعب خاصة لكرة القدم والشباب انضموا مع المجموعات اللي هناك و( فرقوا معهم ) وبعد ما لعبوا واستانسوا راحوا يتمشون في ممرات المنتزة وصار لهم موقف مع هندي ( عامل بالمنتزة ) ما اذكر وش كان بالضبط بس اللي اعرفه انهم اختلفوا معه واتفقوا انهم يطقونه وبدأ التشاجر مع هالمسكين وكل واحد منهم يضرب من جهة وهو يحاول يدافع عن نفسه وقام واحد منهم ودف الهندي في ممر موية بالمنتزة و تبللت ملابسه وقام بعدها معصب يبغى يجلدهم وهم تفرقوا كل واحد راح في اتجاه بس صاحبنا كان اقرب واحد له ويوم شاف الهندي في وجهه فرك والهندي يطرد وراه ويصرخ عليه يبيه يوقف وصار صاحبنا يستجدي في الهندي ويترجاه و يقول ( آخر مرة صديق ..... آخر مرة صديق ) والهندي ما عنده ناويه وبعد مطاردة شرسة بين الاشجار والممرات في المنتزة ما كان قدام صاحبنا اللي السور ومن الخوف طمر الا وهو فوقه وحاول الهندي يصيده بس ما قدر بعدها رجع الضعيف وراح في حاله وخوينا واقف على الجدار وبعد ما تأكد من انه راح نزل وتجمعوا الشباب بعد كذا وسألوا صاحبنا وش فيك تقول يوم الهندي يلحقك ( تكفى آخر مرة صديق ) قال بعد ما هدت اعصابه وش تبوني اسوي انا يوم شفت الهندي منفعل ورافع زنوبته ويلحقني بها حسبتها سكين وخفت انه يذبحني بها [/ALIGN][/ALIGN]

ههههههههه والله حلوة القصة

وانا بعد حصلي موقف

انا مرة كنت رايح اشوف مباراة للهلال مشفرة على ART وصلت للمقهى

الي عند بيتنا لقيت عليه لوحة مسكر لصيانة و الواجهه سوداء بس لاحظت ان

الباب مفتوح ودخلت ولقيت المباراة منقولة بالتلفزيون الي موجود

ولقيت مجموعة من الشباب جالسين يشوفون المباراة المهم التفت يمين

ويسار ما القى احد من عمال المقهى كنت ابطلب قهوة وانا على بالي

ان راعي المحل ناسي اللوحة معلقة وسألت الشباب الي كانو موجودين

وين عامل البوفيه قالو مهوب موجود بعدين اكتشفت ان راعي المحل

فاتح المحل مدت ساعتين بس علشان يشوف المباراة هو واخوياه

يعني الجلسة خاصة وانا كنت قاط معهم المهم سويت نفسي اني اكلم بالجوال

وطلعت وانا اقول بيني وبين نفسي يلعن ام الفشيلة

هههههههههههه
والله مواقف حلـــوة
بس هلالي موعالبال وش له تقط مع الجماعة هههههههههههههه
بس حلوة تصريفة الجوال.


تحياتي

مواقف حلوووووه بالمرررررره ..

انا واعوذ بالله من قول أنا .. صار لي موقف محرج للغايه .. حيث انني مع موعد لمحل النظارات الشمسيه الطبيه واخبرت صاحب المحل ان تكون النظاره سوداء للغايه وعدساتها ايام زمان كبيره من نوع (( CARRERA)) وطلبت من صاحب المحل تجريبها فجازة لي وحاسبت المحل وخرجت منه والوقت الساعة العاشرة مساءا وقبل ذلك شريت عصاء من الخيزران لتأديب الاطفال وقلت في نفسي لعلي البسها وانا ذاهب الى السياره لكي اجربها خارجيا مع انوار الشارع ولم يكن في حسباني ان يحدث لي هذا الموقف وهو انني احاول قطع الطريق واذا بي لرجل من عمري يقودني لقطع الشارع ووجهي حمّر وقلت جزاك الله خير اوصلني الى تلك السياره الحمراء قطع الشارع الآخر واوصلني ورجع الى مكانه الأول وركبت السياره وحركتها وذهبت بها ومريت على الرجل وضرت له هرن السياره وحاله يقول (( الكامره الخفيه )) ايام فؤاد المهندس ..

[ALIGN=CENTER]
هههههههههههههههههههههههههه

مواقف رهيبة بالمرة

واللي أشوفه رهيب موقف الأخ هلالي مو عالبال

انا مرة من المراريت رايح أنا وأخوي نشوف سيارة في أحد الصالات اللي على الدائري الشرقي ..كنت أنا اللي أسوق السيارة وأول ما وقفت نزل أخوي ( لأنه هو اللي بيشتري السيارة ) ويوف سيارة من برا ..!!

المهم على طول نزل وسكر الباب واتجه للسيارة اللي يبيها وهو يتمقل ( شريطي على غفله ) وما دريت إلا وجهه وراسه ( صابخ ) بالقزازة ..

طلع واجهة الصالة قزاز ومن زود النظافة أخوي ما درى يحسبه باب مفتوح ..

عاد أنا ما ضحكت أبد ..

########################################

الثاني ..كنت في محل نعال - الله يكرمكم - وكنت أتفرج على جزمات - أيضاً الله يكرمكم - كانت مصفوفات بطريقة تكون مرتفعة من الخلف ..المهم أخذت لي وحده مها بشوفها بالخطأ طقيت وحده جنبها

ما دريت إلا الجزمة طاحت على اللي جنبها وكل وحده تطيح على اللي جنبها حتى طاحت كل جزمات المحل - حتى الآن الله يكرمكم - وقلت له معليش صديق

وهو كن وده يتوطأ ببطني ..


[/ALIGN]

والله مواقفكم رهيبه هههههههههههههههه ,,
المشكله ما في شيء على بالي الحين ولا كان قلت لكم

الى جميع احبائي الاعضاء

كل الشكر والتقدير على المرور والمشاركة

[ALIGN=CENTER]ههههههههههههه

والله من الـتـنـسـيـم

سبق وانا كان عندي موقف <<<<< بس موقف يانصااااااب

سنه من السنين وانا توني اتعلم السواقه كنت ماشي بالهايلكس وكنت مبسوط لآخر درجة المهم كنت ادور من حاره لحاره المهم تعرفون الواحد على بداية تعلم السواقة لازم يدعس شوي مع اللفه المهم وتجي لفه وادعس شوي والا الموتر يزحف على خفيف .. وبعدها سمعت صوت شي طااااايح وشي يـتـكسـر
المهم التفت والقاء عفش كورما <<< سواقنا كان ناوي يسافر المهم تكسر عفشه .. مدري وش اسوي والا اوقف واجمع عفشه واركبه ..
ويشوفني كومااار قال خلاااااص مافي انت شيل سيارة وبعدها شاف العفش متكسر يوم بغى يـرفـع بي [/ALIGN]

اخوي / معذبهم ... شكراً لك على المرور والمشاركة

اخوي / هلالي 100% ... شكراً لك كذلك على المرور وبإنتظار مشاركتك

ههههههههههههههه والله حلوه القصه

اختى امل الهلالية
شكرا لك على المرور والمشاركة

تحياتي

سلااااااااااااااااااااااااام

موضوع حلووووووووووو

دووووووووووكم هالموقف ........ طويل شوي بس فيه درس ... ابحاول اختصر

قبل 13 سنه هالموقف <=== توني شباب

كنت طالع انا والشله للبر ( روضة نوره ) وكان معي سيارتين ددسن 82 للبر وكراون سيارتي الخاصه
كنا واااجد فأخذت الددسن علشان العفش وساقه واحد من الربع وانا سقت الكراون
بتستغربون ليش ماخذ سيارتين
الددسن علشان البر
والكراون علشان كنت ناوي اروح لعرس واحد عزيز مرررره في القصيم
وحنا داخلين من الزفلت لروضة نوره كان الخط قلق ومطبات .... خفت على الكراون
ويوم وصلنا وطقينا الخيمه .... هالكلام قبل المغرب .... قلت للشباب: انا ابروح للقصيم وبكره راجع لكم
طبعا غيّرت رأيي ومارحت بالكراون خايف عليها .... و رحت بالددسن .... وهنا تبدأ المواقف

كان الجو شتاء والجو غيوم والمغرب باقي عليه اقل من نص ساعه

دقيت سلف ومشيت .... وسألت واحد في طرف الروضه عن اقرب طريق للزفلت... وقال لي :
خل الشمس على يمينك وتوكل
مشيت على بركة الله ..... وطبعا غابت الشمس ... وصرت اناظر النجوم
شوي والغيم مركّب وما عاد تشوف شيء ........ ويضرب ذاك المطر اللي ماعاد تشوف فيه اكثر من 10 امتار
نص ساعه ووقف المطر.... اناظر وين دربي ........ وما حولك احد
وصرت امشي على الهقوات وكل شوي ماسك طريق
وقلت في نفسي اذا توهقت ابنام في السياره إلى بكره وأمري لله
وشوي واشوف نور سيارات على الخط ........ قلت زين فرجت .... وانصى الخط
واطلع على الزفلت
واناظر عداد البنزين والقاه مطررررررررف ... وش السواة
قلت اذا شفت الدعوى خربانه ابوقف واحد ويسعفني للمحطه .... وبرضه مشت الأمور
ووصلت محطه (الحسي) وعبيت بنزين.... ومسكت السريع متجه للقصيم
وانا في الطريق طق المطر ثانيه وبدات المويه تدخل وسط السياره عن طريق القزازه اللي قدّام
وكنت جويع .......... وأميّل على (عشيره) وادخل المحطه واعبي بنزين ثانيه ( من خاف سلم )
واشتري كيك وعصير وعلووووووووووووك <=== بتعرفون ليه

وآآآكل علوك وااااااااجد ثم الصقها في الشقوق اللي في القزازه اللي قدام
علشان بديت احس اان الماء وصل الى تحت - رجليني بدأت تربص - وهااااااااااات يا تلصيق

ومسكت السريع مره ثانيه

وانا في الطريق حسيت ان النور بدأ يضعف وعزم السياره بدأ يطيح
اثر الماء وصل للفيوز مادريت واحترق الدينمو وبرضه مادريت

ويوم بقى اقل من خمسين كيلو على القصيم طفيت النور وصرت امشي ورى أي سياره وخاصة التريلات علشانهم ما يسرعون

ويوم وصلت القصيم ووقفت عند أول اشاره وطبعا انا كنت لابس وكاشخ بذاك الثوب الشتوي الازرق
ويوم ولّعت الاشاره وجيت امشي ..... طفت السياره :sad: ..... وانا مافيه أمل اطلع من السياره

واحد كاشخ وراكب ددسن 82 قرمبع ماااااااااااا تجي

المهم ......... اللي وراي كان معه جيب وما قصر دفني وتعدينا الأشاره
وقفنا وسألته عن قصر الأفراح ....... وجزاه الله خير وصلني للقصر

ويوم وصلت ........ أثر المعرس قد رااااااااااااااااح والعالم خلصوا من العشاء

الزبده ...... ركبت مع ولد خالة المعرس وجلسنا ندور في بريده ومرينا على عماره وقال هنا ساكن خوينا

قلت بسسسسسسسسسسس وقف

واطمر وادق عليه الباب

يوم فتح ويلقاني في وجهه

وكان بقميص نووووووووووووم ;)

نختصر

من بكره صلحت السياره وانطلقت لأخوياي بعد رفضي اني اتغدى مع والد المعرس

ويوم بديت اوصل للمحل طااااااااااااااحت الكنداسه وتعااااااال اسمع الاصوات

ويوم وصلت للخيمه

وأشوف من بعيد واحد من العيال طااااااااااالع وفي يده الصحن ..... يكب باقي الغداء

يعني لا انا باللّي تغديت مع المعاريس
ولا اللي أكلت مع اخوياي من المطاريس :sad:

وسلاااااااااااااامتكم

اخوي ريفلينو

شكرا لك على المرور
واسعدتني مشاركتك بهذا الموقف الطريف

ولك فائق تحياتي.......