أي والله أي والله
بسم الله الرحمن الرحيم
السلام عليكم ورحمة الله وبركاته (*) الشريط الأول (*) المقدمة
نرظاً لجاحتنا لتدعيل الوعض الرانه في نادي الهلال رقرت أنا عواكيس بحبث اللحول المنابسه حتى يتنسى للزعماء الفحر و الإنتشاع من جديد و إكلام باقي المومس وهم قريري العين و فحرين بإنتصارهم في البطولة العربيه وعنمدت بثحت عن اللحول ودجت ما يلي :
_ ايه أن تسان هذي المدقمه فعز الله ما عندي سالفه
ما يمدييييييييك يا بولما غطيت عليك بالألوان صح أنت عليك حركات فنيلة علاقي من ماركة البقرة قاعد تدخل الألوان مع بعض بس الوعد الموسم الجاي يمدين بالصيف اجيب لي مدرس(ه) وتعملني
عاد لا من جد ماهوب مزح نجي للجد و إلا هو يجي لمنا المهم
انا يوم شفت زعيمنا هالموسم ماش((
و إلا حلبه )) قلت يابوالعواكيس شغل مخك وحلل وش هي اسباب النكسه لابديد ((
وإلا معمل ديد )) من سبب لهذه الخساير وأمسك أورقه و قلم وأوديهم للشرطه لا لا من جد قلت لا بد يكون التحليل علمي واروح للبقالة و اشتري عسل و راديو و مشط و شطرطون و بيالات وتفاح وشاندويش زعتر "حشا هذي مقاضي كشته" وتجهزت للتفكير و شغلت السيارة ورحت لم مخي قال لي مخي وين الناس من زمان ماشقناك قلت من جد ما أدري عنهم أنا توني الحين جاي يمكن ن الناس مشغولين الحينأومير أوبادره بسؤال يا مخي وانا أخوك قال هاه قلت بأسئلك ليه كذا واتذكر سالفة السوداني اللي أخبر اني رحت ابشتري منه فازلين و سألته قلت يا زول هو الفازلين فيه مواد حافظه قال((
في الحغيغة يا أخييييي سؤاليييييييييييك صعيييييب الإجابتي عليه ))قلت انا اشهد ان سؤالي يوم إني هاك النوبة اسئل ما له أجابة الحين هم ما أقدروا ( من هم ما اجري هم ابخص)أجي أنا أحاول اشوق وين العله أومير أستخير و الف الشطرطون بالتفاح و أقعد أكلها
عاد اكتشفت السبب امس تالي الليل
قلت لا أبن مساعد و لا أدموس ولا سامي هم سبب الخسارة ,الخسارة مكومتن في رأس هالعواكيس وحتى يكون التحليل علمي ومبني على براهين راح نوضح لكم الأسباب ولكن في الوجه الثاني
أحلا يا روتانا
(*) الشريط الثاني(*)
يوم الهلال اتهزم قلت يابو العواكيس شف لك لعبت(ن) غير كرة القدم مؤهلاتك ما تشجع تكون من محبي هذه اللعبة وكذالك تكوينك الجسماني لكن خبرتك العريضه في السباحة بالبرتس ((
البرتس جمع برتسه و البرتسه هي لفظ اعجمي دخيل على العربي و أنما هي البركه و البركه هي مؤنث المسبح و في قول آخر البرتسه من جماعات الطشت الأحمر وهي من الجماعات المطلوبه في روسيا والهند وكلها أقوال تصب في ساقي واحد والساقي هو مجرى البرتسه والساقي مأخوذه من السيقان الطويله والطويله هي الي ماهيب قصيره والقصيره هي ماهيب طوليه والطويله يكفي خلاص )) الملئية بالغربه (الله يكرمكم) عاد الغربه معروفتن من لدن الجميع الواحد من يوم يطب عقده ةهة ما غير يتزحلق يجيه اما بعج ة إلا صفاق و إلا لوز من عدم الإتزان هذا كله ايام ايام الطفوله البريئه((
أما بريئه من وين بريئة لو يحلق الواحد راسه ما يمشي اصبع إلا و يلقى فلقه أو كويه أو خياط أمحق من براءه ))ايه قلت بناءً على هالخبره اللي عندك ما لك إلا تتابع لعبة الهوكي هي لعبت(ن) ممتعه وكلها تزحلق لو كان الفرق بسيط حنا نتزلق على اخضر وهم ابيض بس الهدف واحد وهو امتاع المشاهدين قلت يمكن هاللعبه زينه خليني اتمكن منها و تابعت الدوري حقهم ولين الحين ما أدري وش القوانين بس لعبتن زينه مثل "كوريا" يوم أنهم هاك السنه يلعبون زين المهم قلت علشان المتعه تكمل خليني اشجع لي فريق و أقرر على فليدلفيا حقين الجبن قلت أكيد من كثر ما يدغون بهالبقر صحتهم زينه و بالأخير أنهزموا قلت يابو العواكيس كرة قدم و أنهزمت اكيد العيب مو فيك و هوكي و أنهزموا أكيد السنه ماكلين من بقر مهبل خل عنك وتابع السله السله ما فيها لا تصفيق ولا تلفيع و أختر فريق ضامن البطوله و الكل يجمع عليه ايه أومير اشيل الحقيبه وارحل إلى السلة الأمريكيه قلت بس هذي هي ضالتي صح اني مدربح ولانيب طويل بس عندي مخ و السله موب جسم بس لا بد من حرفنه و اندمجت و شجعت الليكرز و شريت علم وميدليه قلت من اليوم أنا ليكراوي الميول والتعصب يوم شفت اللعب قلت بس هذولا هم أونيل و براين وشلة طيبه((
صح أونيل خرش و أصلع و يوم اسئله المذيع من ويش الصلعه قال من بلاوي الزمن قال المذيع لا عاد تحلق عنده وهو صادق وشوله يحلق عنده ))ايه عاد والليكراويين شادين الحيل لين المباراة النهائيه قلت بس جابوها هالموسم بنام قرير العين اكيد لقيت الفريق الي يبرد التسبد يوم جاء النهائي إلا و يطلعون البيستونز ويهزموننا
قلت خلاص اعتزل العله فيك يالبعواكيس لا تشجع أحد وبس
فالحل عندي كم تدفعون و أترك النادي و اشجع لكم الأتحاد:|
الموضوع ما له سنع بس حبيت اسلم عليكم
سلام