[ALIGN=CENTER] الانتخابات الامريكيه[/ALIGN]
## سمعت ان الانتخابات الامريكيه غيروا طريقه ترشيح الرئيس فاصبحوا يختارون المرشحين عن طريق انهم يسوون بحث عن اكثر اسمين موجودين في الانترنت طبعا مع ان بوش هالايام مدهر بس اتوقع ان سامي في الاخير بيفوز لانك لو دخلت اي شي حتى منتدى للسيارات لقيتهم يتكلمون في سامي. سامي معه X5 ليش ما معه رينج وطبعا على هالمنوال يعني اي شي بيسويه سامي العكس هو الصح .

[ALIGN=CENTER]جمهور (الفــــــــــــــــــر)]
## ما تلاحظون ان اكثر اللي ينتقصون من سامي من جماهير ( الفر) فر فر فر هذا اللي يعرفونه لو جيت تسالهم عن الكوره ما تلقى الا تنك الله يعافيهم ولا يبلانا ومن ابرزهم الكاتب الكبير الهويريني.

انا (وسطي)[/
## لا يفهم من كلامي اني من اليسارالمتعصب لسامي ولا من اليمين المتطرف اللي ما يتفاهم بالعقل (يتفاهم بالفر) فانا ( وسطي )معتدل انتقده اذا غلط واشيد به اذا ابدع ( وطبعا سامي دائما يجبرك انك تشيد به الا غلطته مع اديموس ).

[ALIGN=CENTER]الله يكون في عونك [/ALIGN]
## اكثر ما صيق صدري ان سامي يشيل هم الجمهور ولا لو انه لاعب ثاني كان قال اباخذ راتبي وهم بسلامتهم .

والله عيب عليكم[/ALIGN]
## ياشباب اكثر لاعب ساهم في بطولات الهلال ولا يطلب مقدم عقد هذا وش معناه . معناه انه خائن ومتخاذل؟؟؟ معناه انه ماهمه جمهور الهلال؟؟؟ ياشباب كونوا اكثر عقلانيه وارجعوا لتاريخ سامي اللي نسيتوه مع انه ياما افرحكم انا ابسال كل اللي يهاجمون سامي وش قلتوا عنه بعد ما جاب الهدف الثاني على الشباب 1418 .

[ALIGN=CENTER]ابو العريف[/ALIGN]

## عندي ملاحظه على صالح الطريقي اللي قرا كتاب عن الاحتراف وازعجنا كل اسبوع طالعلي بشي واللي قهرني زياده انه يقول العضلات والمفروض سامي يعتزل وهو صك عمره خمسين وكان يلعب مع الاهلي قمه التناقض.

[ALIGN=CENTER]الجهله[/ALIGN]
## اما السماري والجاسر ومن هم على شاكلتهم فاحقروهم ( الحقران يقطع المصران ) هم ما سووا كذا الا عشان الشهره .


[ALIGN=CENTER] هنيالك[/ALIGN]
## هنيالك ياسامي على نجوميتك هنيالك على انجازاتك هنيالك على روحك هنيالك بسامي الذئب


[ALIGN=CENTER] ظلموك[/ALIGN]
## ظلموك يا عبدالله بن مساعد لكن هذه ضريبة التضحيه واي واحد يبي ينظم للهلال سواء اداري ولا لاعب ولا حتى سكورتي(بواب) يحط في راسه ان كل غلطه في الهلال مهما صغرت او كبرت ضريبتها انهم يمسحون كل حسناته ويحملونه اشياء ماله ذنب فيها ثمن تبدا الحرب (في شخصك في شخصيتك في كل مايخصكاهم شي الانتقام)ومن ابرز الامثله المفرج اللي اتوقع انه لو يعطى فرصه انه يلعب قلب دفاع ان يصير كابتن المنتخب لكن ذنبه غلطه وحيده انهته وهذا هو حال الهلال .

وانا بكلامي ليس قصدي ان عبدالله بن مساعد اخطا ولكنه لم يوفق كما توفق المحضوضين اللي قبله

## اسف على الاطاله وتحياتي لجمهور( الفـــــــــــــــــــــــــــر) .

كلام جميل منك يا FhOoOoO

و الله يعطيك العافية

ليت فيه 11 لاعب من لاعبي الفر...

مشكور اخوي خالد150 على اطرائك


اخوي العا15شق لو فيه 11 لاعب فر كان لقيت 6 موقفين والباقي في ادغال افريقيا يشترون لوحات وانت في النادي اقعد هش الذباب وطبعا جمهور الفر بيصير فاضي قدام الكمبيوتر ويقعد يدور اي شي على الذئب .
على طاري اللوحات عندي نمر يراكض ويروح ويجي وشغال كذا صح انه يهبل بالفريسه ولكن فائده قليله وفي نفس الوقت عندي ذئب ذئب وش اقدر اقول تلقاه ماله صوت ثمن في لحضه يمشي شوي شوي ثمن في لحظه ينهي لك كل شي وانا اتذكر انه صايد 14 فريسه بكل الطرق والمشكله راعينه اللي قبل ما اعجبهم مره كان يبي يهجم على فريسه لكن اخطا في التوقيت ثمن عاد قلبوا عليه طبعا هو مسكين ضاق صدره وراح للقريه اللي جمبهم بيغير جو يوم بدوا يشرشحونه وينسون كل اللي سواه لهم وخلوه خاين وجبان وباعوه
اما النمر فهو كويس وما يقصر ولكن اللي قهرني ان النمر كان يسوي اللي يبغي ولا حوله احد يروح متى مايروح على كيفه ذيك المره كان عندهم صيده كبيره يوم جاء بيصيدونها مالقوا النمر صار رايح لغابه بعيده شوي ولا قالوا شي اما الذيب يوم راح للقريه اللي جنبنا والمشكله ان راعينه سامحين له يوم قوموا الدنيا ولا قعدوها

انا من كتابتي منقهر ليش ماننصف الذئب حتى لو كان شيب حتى لو كان غلطان هو يبي منا نوقف معه ونساندة وانا اتوقع ان اكثر اللي يحشون فيه من البياره اللي جنبنا الله يكرمكم عارفين عندنا ذئب وهم ماعندهم الا الجراذي والصوارير وسلاتكم

طبعا مع احترامي ليوسف اللي احس اني قسيت عليه لكن هو مايستاهل بس البلى من جمهوره من امثال ابو سليمان والعا15شق اللي يدورون اي شي للاساءة لسامي وسلامتكم

تقسوا على يوسف لكي ترد على العاشق و ابو سلمان ؟؟

لا تزر وازرة وزر أخـــرى , و أعتقد أن تصرفك هذا يثبت أن عقلك محدود في الدفاع عن سامي ,,


عموما لن أنقص من حق سامي لكي ادافع عن يوسف فهما عينان في رأس .. و الله يوفقهم و 99% من الجماهير لا ترهما إلا كأعظم لاعبين مروا في تاريخ الهلال مع النعيمة و التمياط ( نواف ) .

كلام ممتاز
ويعطيك العافية

اقول لا يهمونك بزران الانترنت .....

لاعب امتعنا وافرحنا لمدة اكثر من 14 سنه يجون يمسحونها في مباراة او مباراتين .

اقولهم استريحوا بس .


العا15شق .. وش الطاري بكل موضوع عن سامي جاي تتهزأ فيه ؟

ولا تبي تسوي فتنه بين جمهور يوسف وسامي ... بس اشوفك هنا مشعللها .. وفي شبكة الهلال اشوفك ساكت وماتكتب هالكلام يعني تكتب قذراتك هنا .... وهناك يكون الاحترام !!!!

بس اقولك هالحركات عيب والله اكبر ... هذا اذا كنت اكبر من مواليد 1402 وطالع !!!

[ALIGN=CENTER]بسم الله...

اولا.. قرأت رد الاخ fhoooo الاول وسكت...لان مثل هالمناقشات ماتفيد...

لكن بعد رده الثاني اعتقد الكل يعذرني اذا رديت عليه لانه تكلم عني وليس عن افكاري..

إقتباس بس البلى من جمهوره من امثال ابو سليمان والعا15شق اللي يدورون اي شي للاساءة لسامي وسلامتكم

ادور اي شي للاساءة لسامي؟؟؟

اتوقع ان الفترة اللي يمر فيها سامي الان مجال رحب للتهجم عليه والتصيد لزلاته...
تفضل...هذا ملفي الشخصي..اذا لقيت اي ((تهجم)) او اساءة لسامي لك مني اترك شبكة الزعيم لك..

واذا فيه ردود ماوضحت لك علمني واوضحها...[/ALIGN]
http://vb.alhilal.com/member.php?act...hreadid=157540
[HR]

الاخ راوؤل الهلالي..

إقتباس وش الطاري بكل موضوع عن سامي جاي تتهزأ فيه ؟

[ALIGN=CENTER]عطني كلمة تهزأت فيها بسامي...
اذا جبتها لك من اترك الشبكة ...واذا ماجبتها...الله يسامحك..[/ALIGN]

إقتباس ولا تبي تسوي فتنه بين جمهور يوسف وسامي ... بس اشوفك هنا مشعللها .. وفي شبكة الهلال اشوفك ساكت وماتكتب هالكلام يعني تكتب قذراتك هنا .... وهناك يكون الاحترام !!!!

[ALIGN=CENTER] اسوي فتنة؟؟
اعتقد انك تقصد هالموضوع وموضوع ابوسليمان...
بالنسبة لموضوع ابوسليمان شف من اللي ادخل يوسف في الموضوع اولا...
ماكتبت عن يوسف الا بعد انتقص fhoooo منه...
بالنسبة لهالموضوع الاخ fhoooo مدح سامي وعلى طريقه انتقص من يوسف وجماهيره...ماتبيني ادافع عن يوسف وجمهوره؟؟ وللمعلومية هالموضوع ماتطرقت لسامي ابدا...

بالنسبة لما اكتبه في شبكة الهلال فليس من شأنك..واذا لقيت مواضيع تمدح سامي بالانتقاص من سامي او العكس ارسلها لي...

مالونته بالازرق اترفع اني ارد عليك بنفس كلامك...اللي يدل على تربيتك..
والعتب على المشرفين موب عليك..[/ALIGN]

اخوي العا15شق ليش مانلقى ردودك الا في المواضيع اللي سامي طرف فيها؟؟؟؟؟؟؟؟؟

كل واحد يصلح سيارته