الان الي صاير في الهلال ضحك على الدقون زي ما يقولون

يعني الان التعاقدات الي قاعده تصير للهلال ما لها داعي

يقولون قاعدين نفاوض المهاجم ( ياسر القحطاني )

و الهلال لديه مهاجمين عبدالله الجمعان و حسين العلي و عبدالله الشيحان و احمد الصويلح و محمد العنبر
و هذا من غير الاجنبي الي اكيد الهلال بتعاقد مره للموسم القادم

يعني الاتحاد السعودي لكرة القادم حالف يمين ما تصير تعاقدات الا في الهجوم شي غريب و الله

و يفاوضون اللاعب البارد ( ابراهيم سويد ) اصلا لو فيه خير ما رماه الطير و ثانيا الهلال مره مو بحاجته لاعب جناح ايمن و اذا كنتو تبغون لاعب في هذا المركز على الاقل لازم يكون صغير عشان يخدم الهلال لفتره طويله

يعني الان قاعد يصير بصراحه استخفاف في عقول الجماهير يعني واضح الخلل في الفريق و يجيبون لاعبين بس تكديس و مالهم داعي

الهلال بحاجه لمدافع نشيط و صغير في السن الي واضح ان جميع لاعبي الدفاع في الهلال فوق سن الثلاثين و اقصد بهم ( عبدالله الشريده و عبدالله سليمان و احمد خليل ) يعني عاد بأستثناء الداهيه فهد المفرج (( الا و الله و انا الصادق النكبه ))

ثاينا الهلال بحاجه لظهير ايسر يكون نشيط و مميز بصراحه بندر المطيري مو فالح الا في الفاولات و ينفع لهذا المركز و انا اتمنى انو يحط على قائمة الانتقال .
و ان يعطى الفرصه لأحمد الجري في اللعب و اذا ما نفع فأنا اقترح على نادي الهلال اللاعب القطري (مشعل مبارك) بصراحه لاعب مميز و اتمنى وجوده في الهلال .

و اخيرا اتمنى وجود محور مميز في الفريق حيث خالد عزيز ما عنده خبره و عبدالعزيز الخثران هذا مو مركزه الاصلي و عمر الغامدي عنده خبره ما شاء الله عليه بس ما عندك احد

و انا اقترح على ادارة الهلال التوقيع مع اللاعب المغربي ( يوسف شيبو ) و صدقوني بأذن الله لو جا راح يرتفع مستوى الفريق و راح يتوفق باذن الله وهو لاعب محور للتذكير

امنيـــــــــــات هلاليه :
* وضع الشريده و عبدالله سليمان و بندر المطيري حسين المسعري على لائحة الانتقال .
* اعتزال سامي الجابر و محمد الدعيع كفيتو و وفيتو الله يعطيكم العافيه .
* جلب لاعبين اجانب على مستوى عالي و اذا ما كانو على مستوى عالي اتمنى انهم ما يجون بس يخسرونا فلوس .
* اعطاء الفرصه للاعبين الشباب و الاولمبي لانهم مستقبل الهلال . واذا ما لاعبو الحين في هذي الظروف القاسيه متى راح يلعبون .
* اعتزال تاريخي و يذكره الزمن و ان يكون قريب في الصيف للاعب الكبير يوسف الثنيان .

* ان يقبل موضوعي بصدر رحب و الي عنده اي اعتراض او مداخله يرد و يعطيني وجة نظره .

و شكرا