السلام عليكم ورحمه الله وبركاته


سمعت انا هالخبـــر من احدى المواقع ، اللي صاير انه إلزامي على كل سيــــــارة خارجه برى المملكة بضرورة اخذ الذي يسمى بالدفاتـــر الجمركيــــــــة (( التربيتك )) اتوقع اسمه كذا ...


ماادري وش الاسباب الرئيسيه ، لكن السؤال هل هذا إلزاميا زي ماسمعت وانه صدر القرار من فترة ، ياليت اللي عنده الخبـــــــر يفيـــدنا ويعطينا المعلومات الكافيــــة ....؟

واذا كان فعلا إلزاميا راح يلخبط جدول المسافرين ويتأخرون عن رحلاتهم إذا لم يعلمون بالشئ هذا...؟

علما انه زي ماسمعت للدول العربيـــة وباقي الدول اللي مسموح بدخول السياره فيها ، اما دول الخليـــــج العربي فهو غير مطلوب ...

[ALIGN=CENTER]غريبة ... ماسمعت بهالخبر ابدا...[/ALIGN]

هذا المصــدر من جريدة الوطن

اضغط هنـــا ...!!

خذ هالرد المنقول من منتديات الاقلاع..

1- الدفتر هذا المسمي دفتر الجمارك للنقل البري داخل الدول العربية ......هو للسفر بين الدول العربية فقط ولا يطبق على الدول الخليجية ....لان بينهم اتفاقيات جمركية وتسهيلات

2-الدفتر هذا ما هو محتكر من قبل اي شركة ...والدليل الفقير الي الله انا ...ومن اعرفه من الشباب والمعارف ...كلهم مطلعينه من شركات مختلفة .....وبسعر 350 - 400 ريال ....لمدة سنة واحدة ....

3- مصلحة الجمارك السعودية تتبع لوزارة المالية والاقتصاد الوطني وليس لوزارة الداخليه

4-هذا الدفتر يحتوي عن معلومات للسيارة ..معلومات كاملة ....وعن صاحب السيارة ....وويحتوي ايضا عن ايصالات ...تتكون من نسختين ...احدهما تكون في الدفتر ...والاخري ...تعطي لموظف الجمارك .....( وسنتحدث عن سالفة هالايصالات ...قدام شوي )

5-تربتيك ...هو اختصار للكلمة الانغليزية ....تريب تيكيت trip ticket >>>>>يعني تذكرة مرور( دفتر مرور دولي )

6-وش معني تربتيك او دفتر مرور دولي = مستند يسمح للسيارة بدخول ومعادرة المنطقة الجمركية دون الخضوع لرسوم الاستراد

7- االدفتر هذا مطبق دوليا وحسب اتفاقيات جمركية .....ومعناته...انك تقدر تسافر بسيارتك من دولة الي اخري من غير ان تدفع اي رسوووم اضافيه

8- اللي يصير وشو .....لما ما يكون معاك الدفتر ...هذا وتدخل الاردن مثلا ...تضطر تدفع 21 دينار اردني ...بالاضافة الي رسوم اخري ....21 دينار تساوي اكثر من 150 ريال .....لمدة اسبوعين يسمح لك الدخول والخروج فيها ....برسوم اقل ...توصل 9 دينار يعني اكثر من خمس واربعين ريال ...لكل مرة ....هاذي الاردن ...

بتكمل طريقك ...وتروح سوريه ...بتدفع في سورية ايضا ...مبلغ وقدرة قرابة ...150 ريال كرسوووم ....بالاضافة لرسوووم اخري ....

لما تطلع هذا ...الدفتر وهو دفتر معترف فيه بكل الدول العربية ...واللي يقول غير كذا ...فللاسف انضحك عليه وموظف الجمارك ...اللي بالدولة اللي مر فيها ضحك عليه واكل فلوسه ...


الحاصل ...لما توصل ...هناك ....تعبي وصل من الدفتر ....وتعطيه موظف الجمارك ....مع اوراق السيارة ...ولو قالك ادفع قوله انا دافع الدفتر هذا وشووو ....المشكلة حنا اذا طلعنا برا وخاصة بالاردن وسوريه ....نخاف نقول شيء وكأنهم بيأكلونا .....اذا رفض الموظف الاعتراف بالدفتر هذا .....فيه اكبر منه ...هاذي اتفاقيات بين دول ماهو لعب .....

فلحد يضحك عليك ....يالمسافر .....واذا انت من الناس اللي ما تبي وجع الراس وتخاف ......ادفعلهم اللي يبووون وتوكل على الله ...بس ثق ان الفلوس هاذي في جيب الموظف ....هم يستغلووون ان السعودي ...جاي وماهو داري الطبخه ...ومكنز فلوس ويبي يصرف علشان يخلص .......الحق حق .....اذا لهم شيء يأخذونه ...... الموظف اذا شافك عارف وش السالفة صدقني ....ماراح يتكلم .....انا دايما يقولون ادفع ...ماتكلم معه ...يأخذ وصله ....وخلاص .....


اذا فيه رسوم اخري .....اعرف انت تدفع لوشووو بالضبط ......اقرا الورق ...واسئل ليش .....

9 - الدفتر هذا وضع بالاساس ...لحماية التجارة بين البلدان ......حتي ما يجي سعودي ويدخل سيارته ....ويبيعها بالسوق هناك بسعر افضل من السعر الموجود في بلده ....بدون رسوووم ...ويصرب سوقهم المحلية ...

اول التجار يدخلون السيارات على انها ...سيارة خاصة وتباع ....هناك من غير دفع اي رسوووم ...او تعرفه جمركية خاصة بالمتاجرة ....

الدفتر هذا وضع لحماية جميع الاطراف .....الدفتر هذا ملزم لك ....اذا دخلت سيارتك ...تطلعها مرة ثانية ...الدفتر هذا ...توفير لك ....وخاصة للي يسافرون بشكل متكرر ...الدفتر هذا بمثاباة التأمين الدولي ...على سيارتك في اي مكان خارج المملكة ...


الدفتر هذا ....لم تضعه الجمارك السعودية ....هو دفتر دولي .....

اذا طلعته من الحدود اكيد بيكون اغلي ...لانهم ياخذووون يعني الشركة مبلغ اضافي ...400- 500 ريال ....لكي تحصل على ضامن لك .....من مؤسسة تجارية ....فتصبح القيمة ....800- 1000 ريال


طلعه من المدينة اللي انت فيها ...بسعر اقل ...ومن اي شركة ...ولا تحد نفسك تأخذه ...من الحدود ....

كلها ربع ساعه ويطلع .....وبمبلغ اقل .....


بالاضافة للقاعده الذهبية للسفر ....قبل لا تسافر مكان ...اعرف المستجدات على الحدود ....من رسوم او جمارك ....هذا للمسافرين برا بسيارتهم الخاصة ....


اما اهل الجوووو فدربهم خضر .....شنطتك وانت ماشي .....


اتمني اني وفقت بشرحي لهذه المسألة .....وقد اكون اخطئت او خانني التعبير ....في معلومة ....ولكن هذا على حد علمي وتجربتي ....وتجربة ...ناس كثيرة اعرفها من الماسفرين الدائمين لبلاد الشام ....

8
8
8
صح لسانك اخوي فتى القصيم
ماأزود على كلامك كفيت ووفيت,,
فعلاً الدفتر هذا التربتيك للدول العربية فقط لكن من الواضح ان الأردنيين لا يتعاملون معه والاحظ السوريين فقط
لأن الأردني يطلب تأمين بـ22 دينار تدفعها عند الحدود,,
اما السوريين فيوقع عليها ضابط الجمارك لك,,
وبيني وبينك هو مريح لآخر درجة اسئل مجرب ولا تسأل طبيب انا استخدمته لمدة خمس سنوات كل سنة طبعاً دفتر جديد,,
وهو مريح بالمره وسعر فقط بـ350 ريال ومتوفر بكل مكان بمكاتب النقل بالمملكة ومكاتب السفريات,,
تحياتي لك,,

8
8
8
يعطيك العافية فتى القصيم على المعلومات

ابو مها : ماهي شروط الحصول على التربيتك سمعت فيه كفالة من مؤسسه ، طيب اللي مايعرف وش يسوي ، وماهي الاوراق المطلوبـة...؟؟