أخر الأخبار المزعجه !!! - نادي الهلال السعودي - شبكة الزعيم

سامى الحربي · #1 29/05/2004, 12:43 PM

[ALIGN=CENTER]
السلام عليكم

أعتمد جدول المباريات الباقيه فى البطوله العربيه

والمشكله بنلعب بعد التاهل مع الاهلى فى الرياض يوم

الثلاثاء 4 جمادى الاولى ذهاب

والخميس 6 جمادى الاولى بجده الاياب

الأحد 9/ جمادى الاولى النهائى فى بيروت

هذا جدول بالله عليكم بخمسة ايام ثلاث مباريات مصيريه

[/ALIGN]

bluehorse · #2 29/05/2004, 12:49 PM

سلام
أصلاً من شاف ترتيبهم في البدايه ما رجا من وراهم خير

بادي من سنة جدي يوم جا في النهايه حشروه مع بعض
على بالهم بطولة الدوري الأوروبي

ياشيخ خلها على ربك

قرقاص · #3 29/05/2004, 12:50 PM

دوري 9 شهور واخرتها مباريات الحسم في اسبوع واحد

*CLi* · #4 29/05/2004, 12:53 PM

يبغون الفكه ..مستعجلين على الاجازة والسفرات بعد ماتقاسموا الدراهم

عالي الشان · #5 29/05/2004, 12:55 PM

من جد تخلف

الحين لنا سنه وبين كل مباراة والثانيه شهر

ويوم جاء الجد والحسم خلوها 3 مباريات في اسبوع !!!

ابو نعمان · #6 29/05/2004, 01:01 PM

الله لا يوفق كل الاتحادات بس

bradiالهلالي · #7 29/05/2004, 01:07 PM

والله انه ما وراهم سالفه....

يعني الحمد الله انها صارت مع الاهلي ....

طيب لو فرضا مع الصفاقصي.....

وشلون يلعبون ....وشلون بيسافرون .....

والله انه ما وراهم سالفه....

ابو الزعيم الهلالي · #8 29/05/2004, 01:11 PM

ياجماعة .............. حنا وصلنا النهائي عشان نقول الكلام هذا ؟؟؟؟
حنا رايح نلعب مع الأهلي مو مع ارطاوي الرقاص (والظاهر انا نعرف الأهلي )
ائما نحن الهلاليين نكر بالقام على انه مضمون ...... بالله عليكم ماهو رد الفعل الطبيعي للاعب عندما يقراء مثل هالموضوع بها الأسلوب من الطرح ؟؟؟
انا اقول انه رايح يلعب مبارة الأهلي وهو ضامن الفوز,,,,,
خلونا نفكر بالأهلي ونطلع السلم خطوة ...خطوة