25/05/2004, 06:42 AM
|
| زعيــم مميــز | | تاريخ التسجيل: 01/04/2002 المكان: K.S.A
مشاركات: 3,105
| |
عبدالله بن مساعد جزاء المعروف سبع كفوف [ALIGN=CENTER]بسم الله الرحمن الرحيم
السلام عليكم يااخوان
بداية والله ثم والله ثم والله لاهو مصلحه ولا استهزاء لاكن كلمة حق بقولها وهي في خاطري
لاكن الرجاء الرجاء فكر بهدوء وعقلانيه ولا ننجر ورى العاطفه
والله كلمة حق في خاطري بقولها لرجال لا اعرفه ولا يعرفني مجرد اني احبه في الله
عبدالله بن مساعد ماراح اتكلم في شخصه لانه فوق اني اتكلم فيه لاكن ابي اعرف ليه الهجوم عليه
هل هو سبب الخماسيتين ؟؟ هل هو من سرق روح الهلال ؟؟ هل هو منتدب لهزيمة الهلال ؟؟
الامير بندر بن محمد كان في جده والشهيل في الدمام والهلال يحقق البطولات
سعود بن تركي تواجده خارج المملكه اكثر وكان الهلال يفوز ومع هذا ماتكلم احد وانتقد الرؤساء
ونفس الاعبين هما هما في عهد سعود بن تركي ماتغيروا
لما خميس راح للاتحاد ليش ماانتقد سعود بن تركي
ليش ماانتقدتوا وسبيتوا من كان السبب في اعتزال التيماوي وابوثنين
ليش ماانتقدتوا من كان يحاول تطفيش الشريده والثنيان
لاكن للاسف جزاء المعروف سبع كفوف
طالبتوا ببلاتشي وجابه لكم ؛ نسق مجموعه من الاعبين انتم ماتبونهم ولما رجعوهم المدربين قلتوا
لا المدربين صح ؛ طلع سامي وبكل اسف عمل حزب ضده وشال برغبته اديموس وكلكم وقفتوا مع
سامي لاكن ليش سامي ماوقف معكم لما كان الهلال يصارع وهو مصيّف في بيروت ويجري لقاء
تلفزيوني ؛ اقالوا اديموس وبرغبتكم جاب لكم العجلاني !!!
هذا هو العجلاني من الطائي الى الهلال ؛ وش سبب جيبته لان العجلاني عارف الدوري ونسوا انه
مايعرف العربيه ولا الاسيويه ؛ الاجواء هذي اول مره عليه ولاكن استجاب لرغباتكم مع انه محذركم
كان يوقف في وجه كل مستصحف من كتاب صحف المدارس الطفوليه يبي يرتقي على اكتاف النادي
صرف كل مجهوده ووقته ومع هذا قوبل بالنكران وجاء من شكك بولائه وانتمائه
حافظ على حقوق النادي وكان انسان دقيق في مبداء الفلوس يعمل كل شي بقانوينيه ومحاسبه لانه
يخاف الله لاكن مالكل مجتهد نصيب ؛فعّل الدور الاجتماعي والثقافي والديني في النادي لاكن هذا
مايكفي ؛ اعضاء الشرف دعموه ثما تركوه لوحده يصارع
للاسف عبدالله بن مساعد جيت في وقت كان الهلال شيخ هرم كبير ينتظر موته
ناداء العقلاء وقالوا المدرسه الهلاليه توقفت ؛ فريقي الناشئين والشباب مايحققون بطولات !!
وهذا نتاج طبيعي فريق ماعنده قاعده وش تبون منه ؟؟ شوفوا لما اهتميتوا بالقاعده وهولاء مستقبل
الهلال حققنا بطولتي الدوري للناشين والشباب لاكن بعد ايش لما مات الكهل الكبير
لما فاز الهلال بنفس المجموعه بكاس ولي العهد اول المهنئين لك هم اول الشامتين الان لاكن ماراح
تلقاها من احد راح تلقاها من رب العالمين وربي عالم مافي النيات وعلى نياتكم ترزقون
انا لا انزه الامير عبدالله نعم كل انسان يخطي ولا احد كامل والكامل وجهه سبحانه لاكن احزني
اللغط والهرج عليه انا مااقول انه ماغلط لاكن مافيه هذا الغلط الي يخلي احد الجماهير في هذا
المنتدى يطعن فيه وبكرامته وشخصه الكريم
اخي العزيز عبدالله بن مساعد الف شكر لك والف شكر لك اعلم انك انسان حزين وترحل بحزن لاكن
اعلم ان بك راحه نفسيه لا يعلمها الى الله عز وجل لانك اخلصت واعطيت بضمير شكرا لك وجزاك
الله الف خير وشماتات الشامتين ستكون باذن الله حسنات في ميزان حسناتك
واتمنى من سيكون رئيس للنادي خلف عبدالله بن مساعد
ان لايفرط في هذا الرجل لانه سخصيه اقتصاديه وسيفيد النادي في المسائل الاقتصاديه
واسف على الاطاله [/ALIGN] [ALIGN=CENTER]ابوسعود ABU S3OOD[/ALIGN] |