بسم الله الرحمن الرحيم.
السلام عليكم ورحمة الله وبركاته ... اما بعد
انا ما كتبت امس ولا كلمة يوم انتهت المباراة انقهرت وحطيت راسي عشان انسى اللي صار ونمت
بعدين سمعت اليوم انه فيه اعاده للمباراة وقلت : خلني اناظر مصايب امس وفعلا سويت لي ذاك الشاهي وقعدت انا وقلمي عليَ اشوف اسباب دمار الهلال ليلة 3/4/1425هـ...
وهذا اللي لاحظته ;):
*************************************
كيف جاءت الاقوال :
الهدف الاول للأهلي: ضربة جزاء مشكوك في صحتها ارتكب فيها الشريده سوء تقدير في اختطاف الكرة من بين اقدام المحمدي اللي بدورة تخطى لاعبين الدفاع بكل سهولة
اما الدعيع فوقف متفرجا اما العبدالغني ولم يفعل سوا رقصه كأنها فاصل اعلاني
الهدف الاول للهلال: خطأ نفذه الدوخي وصل للاعبين الهلال الموجودين في منطقة الجزاء الاهلاويه
وتم استغلاله واحراز الهدف الاول للهلال ( لكن هدف عشوائي غير مرسوم)
الهدف الثاني للأهلي: الهدف الثاني جاء من هجمة ابتدأت من عند النجعي الى اقدام مهاجم الاهلي في 4 تمريرات مما يدل على السرعة في صناعة اللعب يقابله سوء تغطيه من الهلال
الهدف الثالث للأهلي : ضربة جزاء مشكوك في صحتها هذا لا يعفي ان الشريده كان متهور وغير
مركز حيث كان بإمكانه السيطرة على الكورة الا انها انفلتت من رجله .
الهدف الرابع للأهلي والخامس: جاءا بطريقه متشابهه كلهم اختراق في دفاع الهلال اللي بدوره كان غير موجود في المباراة بعد الهدف الثالث للاهلي.
****************************************
اخطاء العجلاني:
اول شيء اخوي ومدربنا الفاضل العجلاني
انت مدرب وعلى عيني وراسي وماضيك يشهد لك بأنك واحد من افضل المدربين:
لكن وبكل اختصــــــــــــــــــــــــــــــــار :
التشكيله اللي لعبت فيها كانت سيئه جدا كما انك ارتكبت الكثير من الاخطاء:
اولا: سيفو هذا اللاعب انا شخصيا لا اؤمن بقدراته
لاعب ضخم والتحامه قوي ينتج عنه اخطاء في غالب الاحيان والاخطاء في منطقته ( الدفاع) دائما ما تكون خطيرة . ناهيك انه ثقيل وبطيء
يمكن تقول لي :س/ وش دخلني ادارتكم جابتوه !!!؟؟
اقلك ج/ ياخي لا تلعبه خله يقعد جنبك.
ثانيا: المفرج لا يلعب ظهير ايسر لييييييييييييييييييييييييش
لانه لاعب غير سريع وله نزعته الدفاعيه وما قد شفته يلعب كور عرضيه
ومن افضل مميزات لاعب الظهير ان يكون سريع له نزعه هجوميه وايضا يجيد ارسال الكرات العرضيه وهذا الشيء لا يملكه المفرج مع احترامي له
المفرج يابن الحلال يلعب قلب دفاااااااااااااااااااااااااااااااااااااااااااااااااااااااع.
ثالثا : الوسط يضم كل من : الخثران ، الغامدي، عزيز وكلهم اصحاب نزعه دفاعيه
يعني مافيه الاالدوسري ممكن يصنع لعب.
الهلال فريق يلعب بتشكيله هجوميه واللي يبي يهاجم في الهلال ما يهاجم بشكل عشوائي على حساب مناطق اخرى مثل ما شفنا بالتغييرات .
رابعا: سيسيه من افضل اللاعبين تحرك وصناعة لعب يعني مكانه وسط ماهو هجوم وانت مخليه مهاجم وبكذا اعتبر نفسك تلعب بمهاجم واحد هو تراوري اللي مع الاسف ما يروق لي لعبه في المباريات الحاسمه لانه يضيع اغلب الفرص ولا يملك حسن تصرف في الكورة ( يتأخر في لعبها او يمررها غلط)
التغييرات:
12د ( خروج المفرج ودخول بندر)
كان خرجت سيفو وخليت المفرج يجي مكانه وبندر ظهير ايسر.
12د ( خروج الغامدي ودخول سامي)
هذا الشيء كان لازم من اول
يمكن عشان لياقة سامي!!؟؟؟
بس الغامدي انا عتبان عليه والله ما قدم شيء يذكر غير عرضيه في الشوط الثاني اعجبتني وطبعا لم تجد احد لانه اصلا ما فيه احد ...... اما غيرها فاللاسف لا.
20دتغيير اضطراري (خروج الدوسري ودخول العتيبي)
خروج الدوسري يعني تقليل من كفة الهجوم وانت تلعب متأخر يعني لابد من الهجوم
كان ممكن تخلي التشكيله بعد الطرد كذا على الاقل
العتيبي................> حارس
الدوخي ،عزيز ، الشريده، المطيري.........> دفاع
خثران .....> محور
سيسيه والدوسري .........> وسط
سامي وتراوري ...........>مهاجمين
*********************************
الحكم كان له اغلاط بس ما بذكرها عشان ماحد يرمي اعذاره على الحكم.
***************************
اللاعبين وما ادراك ما اللاعبين ( نمسكهم واحد واحد ونفصفهم):
الدعيع: وين الناس..؟ يظهر فترة ويغيب فترات
على كل اتمنى الشفاء لوالدته بس اذا كان ذهنه مشغول كان ودي يعتذر عن مباراة الامس ولا يلعبها.
الشريده: كثرة الاخطاء عليه
عدم تركيز بذات القول الثاني للاهلي
عشوائيه وخشونه اثناء قطع الكرة
سيفو: سبق وتكلمت عنه.
المفرج . والله انه ما قصر بذات الشوط الاول مع انه يلعب في غير مركزه وعد شريط المباراة وناظر كيف كان لعبه حينما يعود دفاع.
الدوخي: لم يقدم ذاك المستوى اللي يليق بأسمه ويعاب عليه طول استحواذه على الكورة
الخثران : ما قصر يعطيه العافيه
عمر الغامدي : ( اظنه رقد..؟!) مختفي ما شفته ومستوى باهت لم يقدم شيء يذكر غير العرضيه اللي ذكرناها.
خالد عزيز : ما قصر يعطيه العافيه
سعد الدوسري:.... مثل الدوخي.....
تراوري : كثرة اضاعة الفرص _ الارتبااك وعدم التركيز
سيسسيه: والله نجم المباراة في رأيي وانا اشكره على المستوى الرائع اللي قدمه واتمنى ان يوجد من يترجم له هذا الكلام كما اتمنى بقاءه في الهلال .
حسيت من لعبه انه غار على شعار الزعيم اكثر من غيره .
واحب اوضح ان مركزه وسط صانع لعب وليس مهاجم
سامي : ضيع فرصه الله يسامحه
اما بقية المباراة اتوقع انه ما قصر حاول كثير وسدد من خارج منطقة الجزاء كم مره ولكن لم يوفق
عموما كان ودي تكون لياقته تمام عشان يلعب من بداية المباراة
المطيري: ما قصر لكن يعاب عليه عدم تغطيته لمركزه اثناء القول الثالث.
العتيبي : وش يسوي لوحده دام الدفاع صار شوااااااااارع
**********************************
الللعب ككل :
* القتاليه والروح لم توجد في المباراة بذات بعد الهدف الثالث للاهلي استسلم لاعبين الهلال وتساهلوا في الدفاع عن اسم الزعيم
• كان هناك عرضيات قليله ولكن لم تستغل لانه مافي مهاجمين في الهلال
• عدم مراقبة لاعبين الاهلي وتركهم يسرحون ويمرحون في مساحات شاغره حتى تمكن
مهاجمين الاهلي من التلاعب بدفاع الهلال وصنعوا مهزله تاريخيه لنا
• صناعة اللعب بطيئه جدا جدا جدا ولاَ اقولك اصلا ما في لعب عشان يكون فيه صناعة
• بعد الهدف الثالث للاهلي مات الللعب عندنا ولم نقدم شيء يذكر وكان اللي يلعب لا يمت للزعيم بصله.
*******************************************
اسف على الاطاله ....،