خلونا نتكلم بواقعيه وخلو عنكم البربسه - نادي الهلال السعودي - شبكة الزعيم

مجنون ابوعبدالله · #1 27/04/2004, 10:33 PM

هالحين مسوين زحمه وثلاث مباريات هزائم ورى بعض ؟؟؟

يعني انتم ياللي تقول هالكلام تتوقعون ان التشكيله اللي لعب فيها الهلال هي التشكيله الاساسيه؟؟

والله ان كان جوابكم نعم فهذي والله مشكله وان كان جوابكم لا فهي مشكله اعظم

ان كان الجواب نعم

انا اقولك تعال شوي

وين الدعيع؟؟ وين المطيري؟؟ وين الدوخي؟؟ وين الخثران؟؟ وين سمسم؟؟ وين سعد..... والقائمه تطول

لكن ان كان الجواب لا !!!!!!!

ليش كل هالصجه؟؟؟؟

يعني خلاص ضاع المركز الثاني وعندي فرصه اطرد النثر من المربع ليه مااعطي النقاط الاهلي؟؟؟

يااخواني الزعماء لاتنتقدون الزعيم والعجلاني الا في مباريات الحسم

يعني بعد مباراة الزمالك يوم الاحد

اذا والله العجلاني لعب بنفس التشكيله الاخيره فحاسبوه

واذا اللاعبين لعبو بنفس روح المباراة الاخيره حاسبوهم

يازعماء كلنا نفهم بالكوره وكلنا ندري ليه الهلال انهزم من الاهلي

فـمالها داعي نجي نسب ونشتم وننتقد بس لمجرد الكتابه

رساله للعجلاني :

اذا كنت تبي الـ3 نقاط في اي مباراة

فالعلاج هو السام جداً سااامي انصحك فيه

***********************************************************

في مباراة ريال مدريد وبرشلونه الاخيره اشاهد تعابير وجه مدرب ريال مدريد كيروش واقول بقلبي

مو منك من سمسم وابو يعقوب وبصير يوم يهبلون فيك انت والبرازيل حقك ( صدقني سهل ياسامي)

فلكل مشجعين ريال مدريد لاترجو اي فوز بوجود المنتهي كيروش

جماهير ريال مدريد بصوت واحد ( حسبي الله عليكم يالهلاليين) ;)

واخيرا اقول للجمهور الهلالي

اي نعم كلنا من زمان مااستمتعنا بأداء الازرق المعروف

لكن ادعوكم للتمتع يوم الاحد في استاد الملك فهد

تحياتي للجمييييع

فطين · #2 27/04/2004, 10:38 PM

زين انك علمتنا بس!!!!!!!!!!!!!!!!!!!!!!

ياسيدهم وينك · #3 28/04/2004, 09:46 AM

إقتباس


	إقتباس من مشاركة فطين زين انك علمتنا بس!!!!!!!!!!!!!!!!!!!!!!

واحد زاحف · #4 28/04/2004, 10:05 AM

مشكور اخوي على الموضوع

تسلم لي

تحياتي

mams · #5 28/04/2004, 11:22 AM

اخوي .. مجنون ابو عبدالله

حيااااااااااااااااااااك ..

كلامك منطقي جدا" .. في بعض النقاط .
الفريق ينقصه مجموعة كبيرة ويمر بظرف الاصابات المتكررة ولـ لاعبين مهمين ؛ ولكن من المفترض ان يكون البديل نشط ومتحمس لاثبات وجودة ؛ وهذا الشيئ لم يحصل في مياراة الاهلي .
المدرب مسؤل عن النواحي التكتيكية ، فمثلا" سوفو لا يصلح مطلقا" لـ اللعب في مركز المحور ، والتشكيلة اللي دخل فيها المباراة كانت دفاعيه بحته ، ولاعبين الوسط جميعهم دفاعيين !!
المهم هذا مهوب مستوى الزعيم ..
تحياتي ..

مجنون ابوعبدالله · #6 28/04/2004, 11:44 AM

اشكركم اخواني على مروركم عالموضوع

اخوي mams لو كنا بنتكلم عن التكتيك وعن الاعبين

فـسوفو مو بس مايصلح محور سوفو مايصلح يلعب كورة قدم

ذياب مجرشي نفس الكلام الحوطي نفسه ضعيف والنزهان نفس الكلام

لكن انا بقولك شي

انت تدرس لو ماعندك اصابات كان صار احتياطك ( الشلهوب - نواف - الحربي )

هالثلاثه يكفون كأوراق رابحه وبقوووه رابحه

لكن الحين انت تعاني من نقص ومن مرحله انتقاليه يعني ننتظر الشي المعقول

ومع ذلك اقولك ان مباراة الاحد بيظهر الهلال المعهود بأذن الله

الصبر يازعماء الصبر

تحياتي