في البداية نقول السلام عليكم ورحمه الله وبركاته

المنسم يتحدث في بعض مذكراته :

قبل عامين.............أنا نايم وشوي
أخوي الكبير ما سك خيزران ويجلدني والصغير يقعد يردد إسمي إلين أقوم من النوم...
أقولهم خير وش تبون الكبير يقول قم حم السيارة والثاني يقلي خذ الفسحة

وأقوم مع الصباح وأدق سلف وأقفل السيارة والمفتاح فيها-نذالة في أخوي- وأروح
آخذ دش وأروق وأطالع تيمون وبومبا على الصباح بعد ما أدق على خويي الخبل عشان
يشوفها بعد , وبعد ما تخلص الساعة 8 الصباح أمره ونروح المدرسة بالهايلكس. <<<< مايحب الدداسن
وأكيد نوصل متأخرين والوكيل يقعد يستنانا<<< يعننا مهمين
ويقعد يعيد كلام كل يوم أنا بكلم ولي أمركم ومن هذا الكلامالفاضي ويطب فيه خويي ويقول : الزبدة وش تبي؟
ويرد الوكيل: قم سو تمارين ضغط 50 مرة ولا تعيدونها طبعا إحنا نسوي خمس وأكتب
على الأرض خمسة وخويي يكتب صفر ونروح للوكيل ونقوله خلصنا وأكيد هو لازم يكذبنا وأحلف أنا وخويي إننا مسويين خمسين <<<بس على الارض
ويقول وش السرعة ذي فنقوله إننا نتدرب في العصر في صالة كمال أجسام <<< ومناك قاعدين نلعب بلايستيشن
المهم المسكين يصدقنا وندخل ونروح نتحرش في مدرس اللغة العربية في غرفة المدرسين نبغى درجات كاملة قبل الإختبار إلين يطردنا من الغرفة ونروح ندج يا في لاب الكمبيوتر
وإلا في الصالة الرياضية نلعب تنس وإلا نقعد تمشى في المدرسة<<<يعننا في الراشد
ومرة خويي تحمس ورقم واحد من شباب التوعية لمدرسة من المدارس اللي يزورونا بس زين خويي كان متلطم وكتب في الورقة إسم الوكيل ورقم جوال المدير , المهم شوي إلا يقفطنا المدير وحنا متربعين على الأرض ونلعب بلوت ويقول : وش عندكم يا شباب ؟
خويي يقوله: شفلك خوي وتعال كملنا أربعة , وأنا اللي أصفق خويي وأقوله : ما تستحيي على وجهك , هذا المدير لازم هو يقعد إحنا نروح نجيب واحد رابع ونخلي الورق على الأرض ونقوله أنتبه لا يشوفك الوكيل ترى بيكتب تعهد فينا وحنا بنجيب واحد من الشباب وراجعيين .
والمدير مصدق أننا بنجيب الرابع علشان يقفطنا<<< مسوي فيها ذكي
المهم ونسحب وندخل الفصل بهدوء ومدرس الإنجليزي يشرح ويقفطنا قبل ما نقعد ويقولي كنت فين يلا ؟أكيد كنت نايم تحت الطاولة!؟ وأنا أقوله :yes
ويقولي طب كنت نايم في الحصتين اللي فاتو كمان ؟
وأقوله : yes
وقالي خلاص أنا رح أكلم عريف الفصل وأخليه يسجلك حاضر الحصتين اللي فاتو لأنك كنت بتكلمني بالإنجليزي وهذا يدل على تفاعلك معايا, بس ماتكررهاش تناي .
وأنا أقوله: yes .<<< مايعرف غيرها
المهم يطب المدرس في حلق العريف إلين حضرنا أنا وخويي.
وشوي إلا ينفتح باب الفصل بقوة ويطب المدير في حلق المدرس ويسأله عننا...
وانا أنط ورا المدرس بسرعة وأقوله(طبعا بيني وبين المدرس بصوت واطي)) أفا لهذي الدرجة ما عندك شخصية يدخل بدون
ما يدق الباب ويرد المدرس : عيب يابني دا المدير , وأنا أرد:وإذا المدير في شي إسمه
الأخلاق وبعدين أكيد اليوم المدير وبكرة الوكيل وبعد يومين الطلاب وتصير مهزلة واكوكه وأقول
إبني شخصيتك من ألحين .ويقول المدرس : خلاص هو جوة الفصل ما يصحش أخرجو برا .
وأقوله بكيفك, وأكيد رح يسألك إننا كنت برى الفصل يبغى يشوف أنت منتبه للطلاب
وإلا لأ لازم أنك تقوله إننا موجودين ومشاركين والفصل موجود كامل وروه ورقة الحضور.
المهم المدرس يسرد كلامي على المدير ويحرجه , والمدير يطالع فيني وعينه تغلي ثم
يطلع برا ...شوي إلا جرس الفسحة ونحشر العرف في زاوية ونخليه يحضرنا كل الحصص.
ونسحب أنا والخبل ونجري بسرعتنا في الساحة بإتجاه السور<<<سباق الحواجز
وأطب من فوق السور أبي أنزل بحوض الهايلكس بسرعتي شوي إلا أنا أنزل على وجهي على الأرض وشوي إلا خويي فوقي ويساويني بالأرض ويقوم الخبل وينفضني زي الكراتين ورجعت أتنفس ويقول الخبل : آسف وارد عليه وين أصرفها ؟ ويقولي : بنك الراجحي قريب , وأرفسه على وجهه ويرد علي بذاك البقس اللي ينتف وجهي المهم يقعد ينفخ في راسي مثل الكورة إلين صحيت ورجع وجهي مع فقدانه لبعض الملامح المهم دورنا على الهايلكس وعرفنا أن أبوه خذاه من آثار القرص في مكان الهايلكس. المهم نروح لبوفية فيها بنقالي جديد ما يدري وش
السالفة وناخذ من عنده التلفون وندق على مطعم ونطلب بإسم مدرس الرياضة ذاك الفطور لبنة وشكشوكة وفول وببسي ونقولهم أنه بيمر طالبين ياخذون الفطور والفاتورة على الحساب ونمرهم وناخذ ذاك افطور ونروح ندكي في الحديقة .
رجعت للبيت بعد قلق وضربت مشوار مو طبيعي انا والخبل مشي بعد ماجحدنا ابوه بالهايلكس وحنا راجعين للبيت شوي إلا واكني أسمع صوت تريله ماره اتلفت ياولد لاتريله ولا شيء ادقق بالصوت زين يابو الشباب هالصوت انا اعرفه التفت على الخبل إلا وهو يغني لا ويغني لام كلثوم بعد كملت والله انصدمت وش هالخبل اللي يغني الأم كلثوم الحين وش طراله ذا الخبل ماهي راكبة عليه رفعت الكتب و على راسه واقوله : اسكت يالدب مالقيت إلا ام كلثوم مره وحدة استح على وجهك لو درت عنك ماكان غنت ابد ...
ويسكت الخبل وهو قافلة معاااااااه من جد حااااقد ونمشي شوي والخبل يحترق من القهر وبالغلط طلعت مني كلمتين للغنيه اللي كان يغنيها الخبل لا شعوريا مني ومن دون قصد مادريت إلا والخبل قاشعني وشايلني بالسماء ويحذف بي على الارض ويطلع فوق اقرب زباله وقفزه خلفيه رائعه وعلى بطني << قديم مصارعه >>> انواااااع الحقد
وبعدها جحدني على الارض ومشى وهو يغني بصوت عالي ولاكنه سوى شي وانا المسكين لحقته وانا متكسر يالله وصلت للبيت على طول اول ماوصلت نمت .
بعد مانمت انتقلت طارت الرواية إلى يد الخبل ويبداء الخبل بإتمام الرواية << اخس ياروايه

الخبل يتحدث : وصلت للبيت ودخلت ولقيت ابوي تاكي بالحوش <<< مزاجات مالها داعي عند هالشايب تكيه بالحوش عز الظهر ؟؟!!..
واول مالقيت ابوي قلت : هاه يابو الشباب وش عندك مطير الهايلكس اليوم من عند باب المدرسه <<< ام الميانه ياشيخ
وبحركه سريعه خاطفة يحذف ابوي فنجال كان بيده على راسي ويصفق بين عيوني ويقول ابوي : لا أسمع صوتك ...وين كنت اليوم << لا اسمع صوتك ووين كنت اليوم ؟؟!!..والله مصخره
الخبل : وين كنت يعني بالشاليهات ؟؟؟!! ...كنت بالمدرسه
وبحركة اسرع من الاولى يشيل ابو الخبل الدله ويلصقها براس الخبل ويقول الابو :ماكنت بالمدرسه ... المدرسه اتصلو علي ..وين كنت .؟؟؟
الخبل : علي ولا محمد خخخخخخخ يابو الشباب تراك انعطيت وجه وش هالتحذيف إلا متى كل مادخل هالبيت أستلم لي فنجال ولا فنجالين بجبهتي
دخلت غرفتي وانا قافلة معاي من جد <<< قلبناها دراما خخخخخخخ
وانام نوم مبرح ..... صحيت كالعادة بالليل ورحت اتصل على خوي المنسم اللي معي بالمدرسه كالعاده نبي نطلع ندج ويرد على التلفوووون ابو المنسم .
الخبل :الوووووووووووووووووووووو
ابو المنسم:نعم
الخبل : صباااااااح الليل يا عسل <<< الاخ يحسبه المنسم
ابو المنسم: هلا
الخبل: اقول وش فيك ماتتكلم زين الناس اقولك صباح الليل تقولي هلا
ابو المنسم: من معي ؟؟!!
الخبل: اقول انت يالقوطي يالغبي يالصايع انت هيه يالدلخ يالجنط اسمع الكلام << جااااااااب العيد
ابو المنسم:من انت ياقليل الحياء
الخبل: انت قليل الحيا ...انت ماتربيت ولا وش قصتك انت ..لاكن الشرهه ماهي عليك ...الشرهه على ابوك اللي جابك هذا إذا ماكان ابوك اردء منك يالخبل .<<< والله انك خبل
ابو المنسم:طوط طوط طوط طوط طوط
الخبل:طوط انت وابوووك وش اللي طوط ... اوه اثره قفل بوجهي .. اخس يا المنسم والله منت هيين تقدر تقفل بوجهي <<< حححححححححقد
ودقيت مره ثانيه وثالثه ورابعة ولا احد يرد
وبعد المحاولة الـ 1465 رد التلفوون .
الخبل : انت هيه يالعبييط
ابو المنسم: انت من ؟؟!!
الخبل: يؤيؤيؤيؤيؤيؤيؤيؤيؤيؤ وش فيك معصب كذا انا اللي المفرووووض أعصب وانا جد معصب الحين ... بعدين ماتستحي على وجهك يالدلخ ماعرفتني .
ابو المنسم: انا راح اعرف اربيك يا..(...مشفر ماحب التهزيئ يطلع قدام الناس..)..
الخبل : هيه المنسم يالقوي أعقل أحسن لك ترى بنـتقابل بكره بالمدرسه وبتندم
ابو المنسم: مييييين المنسم ؟؟!!
الخبل:هيه المنسم وش فيك انت .
ابو المنسم:اهاااااااا انت تبي المنسم المنسم<<< الخبل جاب العيد في المنسم
الخبل:ليه انت منت المنسم الدلخ ولد الدلخ
ابو المنسم: لا انا الدلخ ابو الدلخ << يحترق
الخبل: اقول يعني دلخ هذا اهم شيء ولد ولا ابو ماتفرق عندي اصلا انتوا كلكم عايلة دلووخ << انواااااع الغباء مافهم
ابو المنسم: من معي ؟؟!!
الخبل: المنسم وش قصتك اهلك انت ... انت منت المنسم؟؟!!
ابو المنسم: لا انا ابوووه
الخبل: هاااااه ؟؟!! قل قسم انك ابووه << منصدم
ابو المنسم: لا أمه << يستهبل من القهر
الخبل: أيه أشوى على الاقل تهووووون .
ابو المنسم: انت يا ..(..مشفر كالعاده..).. انا اعرف اربيك إن ماتربيت .
الخبل : <<< قفلت معاه >> اقول والله انت اللي قليل ادب يالشايب ماتعرف تتكلم مع الرجال ..لاكن الشرهه على ولدك المنسم يوم انك ابوووه ...طوط طوط طوط طوط << جاب العيد في المنسم وقفل بوجه ابوووه ..

جدوووووووول طوويلة والعمل فيه شاق

الله يعينك

مشكوووووووووووور