#1  
قديم 07/04/2001, 05:04 AM
الصورة الرمزية الخاصة بـ ابومنار
تاريخ التسجيل: 14/12/2000
المكان: بين الشرق والغرب
مشاركات: 3,094
السلام عليكم ...
بالطبع اي شيء يكتب الان لا يكفي لشرح تفاصيل الاحداث المثيرة للمباراة .... ولكن باحاول اختصرها قدر الامكان واعذروني ان اخطئت في التعبير .. عموما ..
طبعا واثناء مباراة الصفاقسي كانت تدور في مخيلتي اشياء كثيرة وترسخت اكثر بعد تسجيل الهدفين الاول والثاني للزعيم .. وقلت في نفسي ... ليش لا ؟؟؟؟ ممكن ..!!
ومع كل كورة تضيع يطيح معها قلبي .. المهم .. جا الثالث والرابع .. كبر الامل لا اله الا الله .. ممكن جدا .. ياااااااارب ..
طبعا مباراة الجيش الااااا ياشايفها .. قلت في نفسي وين اروووح ؟؟؟؟ اقضب ارضك بس ..ورحت افتح التلفزيون وخربت برمجة الاوربت وغصب واحد وغصب ثنين علشان ما تقرصني يدي وافتحهم واشوف النتيجة ... عاد اللهم ياكافي الاوربت لاطة النتيجة فوق الشاشة ..
مير وافتح النت واقعد احوس على مواقع ما لامها داعي .. بس والله مهوب مني ..!! طبعا ما غيرت برمجة القنوات الا يوم عرفت متى تبدا ومتى ينتهي الشوط الاول والثاني ..
راح نص ساعة على الشوط الاول .. ماااش .. الوضع مزري <<---- من الحين ؟؟؟؟؟؟ تونا ياخيي !!
قلت اصبر ربع ساعة .. ما يضره .. دقت الخمسه واربعين قلت اقعد ثلاث دقايق .. يمكن النصر فايزين وبابكر قاعد يتبطح كل شوي .. الله يستر .. المهم .. فتحت المفضلة ودقيت على "منتدى الجمهور الهلالي" كود القا النتيجة .. لقيت الشباب متابعين .. وافتح والقا الجيش متقدم .. قلت ما يضره <<=== هذي ثانية غير الاولى ..
قفلت النت بكبره .. ورحت على باااالي باقطع وقت .. تدرون وش سويت ؟؟ قعدت اصلح لمبات خربانة بالبيت قال ايش قال بينسى .. المهم قدرت بحمدالله اني اقطع الوقت ...
اللحظـــــــــــــــــــــــــــــات الحـــــــــــــــــــــــــــاسمة
رجعت للكمبيوتر شغلت الاتصال .. ما شبك لوني داري انه مهوب شابك كان ما صلحت اللمبات
مرة .. ثنتين .. ثلاث .. شبك .. .. بس ... تذكرت اني منيب داخل اوسع صدري زي كل مرة ..
بسم الله .. اعقلها وتوكل .. دخلت على شبكتنا العزيزة .. فتحت منتدى الجمهور ..!!!!(متحمسين)
والقى موضوع ياااااكبره كبرااه .. ما اقول للي كتبه الا الله يهدينا ويااااك وكل مسلم ولولا انه هلالي كان دعيت عليه .. تدرون ليش .. كاتب ..
الف مبروووووووووووووووووووووووك البطوووووولة.. دقات قلبي توقفت !!!! بتقولون وليش تدعي عليه .. اقوللكم اني وبعد عناء شديد من الربكة قدرت ارجع برمجة القنوات ... علشان ايش ؟؟؟ علشان اشوف الفرحة يقاااللك وافتح ... اكيد عرفتوا !!!!!! بلنتي النصر !!!!!!!! طيب يا اخي فلان .. ما جا في بالك ان فيه واحد مصرقع وممكن يوقف قلبه بسبب تسرعك في كتابة التهنئة ... ولا علشان السبق !! عموما الله يسامحك مرة ثانية .... بتقولون وش سويت ؟؟؟ يعني وش باسوي غير اني اصك التلفزيون وارجع كسيرا منهزما محطم القلب لكرسيي دقات قلبي ماشية مليوون ... الله يسامحك ياشيخ <<-- خلاص انسى يارجال .. طيب ..<<<--- هلالي حبيب .
خمس دقائق جلست فيها ساكت .. لا حنيس ولا ونيس <<--- تراه يسمع بها ولا ما يدري وش معناها ..
بالله هذا وقت .. الا والله ......الخ .
سميت بالرحمن ودقيت على المنتدى ... ياااابعد عمري ياهالمنتدى ... والا وش اشوف .....!!!!!!
مواضيع التهنئة والتبريكات طقت اخر الصفحة الاولى ايه الحين استانس لاااااااااااا والف لااااااا !!!!!! ليش ؟؟؟؟؟؟ المؤمن لا يلدغ من جحر مرتين !!!! وخاصة اذا كان هلالي .. لازم اشوف بعيوني ..
فتحت التلفزيزن <<-- بيحترق ذا التلفزيون من كثر ما لعب فيه .. لااااااا .. خلااااااااااص .. ثبتت الرؤياااا .. الحمدلله .. الحمدلله ... الحمدلله ..
بس الرجال الله يهديه لو انه ما تسرع وكتب المو ..... <<== خلااااااااااص يابن الحلال هما الهلال فاز خلااص .......... طيب
  #2  
قديم 07/04/2001, 05:26 AM
زعيــم جديــد
تاريخ التسجيل: 29/01/2001
مشاركات: 9
طعم البطولات......

أخوي أبو منار......تحياتي وألف مبروك,،،

البطولات ما يحلى طعمها إلا إذا صارت بعد ترقب......مثل ما أنت سويت....وإن كان الوضع ما يحتاج كل اللي سويته.....لكن ما تنلام،،،

ويمدور الهين ترى الكايد........أحلى

أخوك
أسير نجد،،
  #3  
قديم 07/04/2001, 06:43 AM
الصورة الرمزية الخاصة بـ ابومنار
تاريخ التسجيل: 14/12/2000
المكان: بين الشرق والغرب
مشاركات: 3,094
هلا باسير نجد ....
والله ياعزيزي .. ان الاحداث اللي صارت ووجود جار القمر هو اللي وصلني لهالمواصيل ... لكن مثل ما قلت ....


يا مدور الهين ترى الكايد........أحلى
  #4  
قديم 07/04/2001, 07:01 AM
زعيــم متواصــل
تاريخ التسجيل: 17/12/2000
المكان: الرياض
مشاركات: 161
نفس المعاناه

ابو منار
اولا مبروك الفوز وثانيا الحمدلله ان ترقبك للنتيجه انتهى نهايه سعيده وترى كلنا عشنا نفس الظروف الصعبه الله يسامح الزعيم اللي جعلنا نعيش في قلق ماكان له داعي لكن ارجع وقول الحمدلله على النهايه السعيده
  #5  
قديم 07/04/2001, 08:04 AM
الصورة الرمزية الخاصة بـ enad
زعيــم متألــق
تاريخ التسجيل: 17/01/2001
مشاركات: 1,145
ابو منار اسيرنجد خالد الف مليون مبروك البطولة
الحقيقة بابومنار انها كانت اوقات عصيبة علينا كلنا وكل واحد منى كان وده ينسى الموضوع لكن مابليد حيله الحمدلله راحت البطولة لمن يستحقها وعقبال الدوري والكاس ان شاء الله وفعلا يامدور الهين ترى الكايد احلا
  #6  
قديم 07/04/2001, 08:25 AM
مشرف سابق في شبكة الزعيم
تاريخ التسجيل: 18/08/2000
مشاركات: 2,235
أخوي الغالي (ابومنار) ,,,,

الف مبروك لك ياغالي هذه البطوله ولكل هلالي خاصه اننا تعرضنا لظلم في مباراه النصر , ولكن الحمدالله بان الروح الهلالييه عادت في افضل الاوقات لتحقق لنا البطوله , وتنصف هذه البطوله هلالنا بتتوجيه بطلا للنخبه العربيه ,,,

الحقيقه ان الهلال قد عيشنا لحظات مره وخوف شديد من ان هذه البطوله سوف تضيع من بين ايدينا , ولكن الحمدالله اننا في الاخير عشنا ساعات الفرح , وهذا هو المهم ,,,

الف مبروك لك يامنار المنتدى وباءذن الله القادم احلى بتحقيق المزيد من البطولات ,,

وتقبل خالص تحياتي لك ,,
  #7  
قديم 07/04/2001, 06:04 PM
الصورة الرمزية الخاصة بـ ابومنار
تاريخ التسجيل: 14/12/2000
المكان: بين الشرق والغرب
مشاركات: 3,094
السلام عليكم ....
الاخ خالد ...والله لو ما انتهت هالنهاية كان مدري وش بيصير لي خصوصا مع هالتقلبات اللي صارت .. لكن ربك ستر .. تقبل تحياتي
الاخ عناد .. الحمدلله على كل شي .. واكيد اي واحد هلالي ما راح ينسى هاللحظات .. شكرا لك

الأسطـــــــــــــــــــــــــــــــــــــــــــــــــــــــــــــورة :
الحمدلله على الفوز يالغالي .. ومثل مانت عارف مهوب من عادة الهلال انه يخلي غيره يحدد مصيره ... لكنها ان شاء الله تكون درس ...وتقبل اعزازي واحترامي .. يا اسطورة كل المنتديات ...
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube