جتني رساله على تليفوني تقول: من يصدق ان هدية البلوي للامير عبدالله تساوي دعم الوليد بن طلال للهلال خلال سنه كامله!!!!
والله مشكله يا جماعه ,,,
الحقيقه بدت تضهر لي اشياء كثير خافيه..
اصبحت متأكد ان الوليد بن طلال كل دعمه للهلال دعايه فقط وهو المستفيد عرف اكبر نادي وجاه
وحنا كنا شادين الظهر فيه الوليد هلاااالي ما علينا خوف لكن للاسف اتضح الامر غير كذا لا وبسبب دعايته خسرنا لاعبين كباار خالد الدايل مشاري العويران الهذلول والله نسيت من بعد ..
وفيه سبب ثاني يقول ان دعمه كان يرجي من وراه تخصيص الانديه وطبعا الهلال اكثر جماهير ويوم شاف الموضوع طول ابتعد ولا وينه وحنا في حاجته الحين؟؟؟؟
يمكن الامير خالد ولده يحب الهلال الله اعلم لكن الوليد ما ضنيت عموما اتمنى اني اكون غلطان واتمنى ان الوليد يسكت اللي كاتبين الرساله...
اللي عنده رأي وكلام ليته يقنعني

الأخ / فطين


في الحقيقة ما نراه من الأمير الولبد بن طلال يدعو للعجب ولكن لانحمله مالا يحتمل أين أعضاء الشرف الأخرين




الهلال لديه أعضاء شرف لايوجد لهم مثيل في الأندية الأخرى ولكن لاحياة لمن تنادي




أما منصور البلوي فكما نعلم ان الذي يدعم النادي فهو آل الشيخ والبلوي واجهه فقط وما دفع إلا سبعة ملايين حتى يرأس النادي لاغير





أعتقد يا أخ فطين أن الدعاية التي ترك بعض اللاعبين بسببها النادي / دعاية البنك المتحد أليس كذلك

يالله حي غيث الحيا
ايه نعم دعاية المتحد اما للوليد ما اتوقع فيه تفسير غير اللي قلته
شكرا على مرورك

دائما الاشجار المثمرة ترمى بالحجارة

ارجع لكلام سمو الامير عبد الله بن مساعد عن سمو الامير الوليد

اعتقد انه يكفي عن كل تعليق

واذا كنت مستقل انه الوليد يدفع 16 مليون خلال موسمين

تقدر تقول لي انت تدفع كم ؟؟؟؟؟؟؟؟؟ اتحداك انك تدفع 10 الاف ريال ليه عشرة الاف قول الف ريال بس

اي انسان يتبرع سواء سمو الامير الوليد او غيره مهما كان تبرعه قليل فهو افضل من لا شيىء وافضل ممن يجلس خلف الكمبيوتر ويشكك في هذا وذاك وفوق هذا تلاقيه حتى مباريات ما يحضر

عذرا ابعدوا عن الرمووووووووووز

الأخ فطين ( مع اسمك ما يدل عليك ..... )

الامير طلال وولده الوليد وخالد يدعمون الهلال قبل ما تعرف البلوي وقبل لا يفهم البلوي الكوره


يخسى البلوي يدعم الهلال


تبينا نصدق الا يدعم الهلال علشان بطولة الخليج للطائره

رد عليه الامير عبدالله بن مساعد وقاله اذا جبتو بطولة آسيا بالسله بندفع 10000لكل لاعب

سلامي لك وانتبه تقعد بالقهاوي واجد ترا الخرابيط هناك واجد لا تصدق كل شي



تحياتي

الاخ spanish
اسمح لي اقولك انك ما تدري وش اللي صاير وين الامير الوليد عن الهلال الان؟
بعدين اخبر الامير تعهد ب 16 مليون والضاهر ما دفع غير نصها
و تقولي ليتني ادفع 10 الاف يا اخي انا في البنك ما عندي 5 الاف لكن الامير الوليد معروف عموما هو مشكور..
بعدين انا عن نفسي في جده ولا تمر مباراه في جده الا وانا في الملعب واجتهادتي كثيره لكن حسب اللي اقدر عليه حتى مباريات الهلال المهمه في الرياض اجي واحضرها..
لكن اللي كنت اقوله ان الدافع اللي كان خلف دعمه للهلال هو الدعايه ماخو مثل ما كلنا نعتقد ان الدافع حب الهلال..
الاخ هاوي نجد
والله ما ادري وش تقول انا هذي رساله جتني على الجوال ومعناها ان الامير الوليد ما صار يدعم الهلال...

اخر دعم من الوليد قبل كم شهر 3 مليون اعتقد...

وش اللي مايدعم؟؟؟

هلابك اخوي العاشق والله يا حبيبي انا يمكن الرساله اثرت فيني شوي وجا هالكلام ردت فعل بس اللي نطمح له من الامير الوليد شي اكثر..
اللي ما فهم الرساله يقصدون بهدية البلوي الهديه اللي اهداها الامير عبدالله بن عبدالعزيز في النهائي

سمو الامير الوليد تبرع لادارة الامير عبدالله ما يقارب الـ15 مليون ريال في موسم واحد

من غير دعايه على اقمصة الفريق او ماشابه

هلا ابو سلمان...
والله اخر ما سمعت عقب ما سئلت انه تعهد ب 17 مليون ودفع منها 15 خلال السنتين الاخيره وانا يا جماعه غلطان والسبب ردة الفعل غير كذا الازمه الماليه اللي تمر بالفريق وكنت اتوقع انه بيكون اول من يتصدى لها لكن الى الان ما شفت شي حتى الاجتماع ما حضره ياااارب يخذلني ويدعم الهلال.. يارب