#1  
قديم 07/04/2001, 02:00 AM
زعيــم متواصــل
تاريخ التسجيل: 28/01/2001
مشاركات: 73
السلام عليكم ورحمة الله وبركاته "

اخواني اول شيء احب ابارك لكم البطوله الثمينه والغاليه علينا بحكم انها تكمل عقد البطولات الزرقاء .. والحمد لله على كل شيء .. واللهم ادمها نعمه واحفظها من الزوال وناس يحلمون في البطوله وناس البطوله تحلم فيهم

ثانياً .. ودي اعرف شعور اخواني الهلاليين من بعد مباراة الهلال الى الى ما اطلق الغندور صافرته معلناً استحقاق الازرق البطوله

انا با ابداء بشعوري ..
بعد مبارة الزعيم حسيت اننا سوينا اللي علينا حتى لو ما نحقق البطوله .. لاني حاس ان النصر ماراح يتركها للزعيم متأكد بانهم ماراح يفوزون لكن خايف انهم اذا شافوها خربت عطوها الجيش لكن الحمد لله ما امداهم
تابعت الشوط الاول من مباراة النصر والجيش وعجزت اتابع الشوط الثاني .. وكل شوي يجيني اتصال .. جاب النصر التعادل .. والجيش جاب الثاني .. وانا حالتي من اسوء الى اسوء .. ويوم جاني اتصال يقول انهم متعادلين والحين الدقيقه 42 .. والحمدلله كنت جنب البيت .. ويوم وصلت البيت القى اخواني في الشارع يقولون بلنتي للنصر .. مير تظلم الدنيا في عيني وما ندري كلنا الا واحد من اخويانا يجلس يزاعق ويصارخ درينا ان البلنتي ضاع .. وعاد بعدها ما صرنا نشوف كلنا
اللي جواله انكسر وانا جاني كوع مع خشتي لكن كله يهون من اجل

الزعيـــــــــــــــــــــــــــــــم

والحمدلله .. واتمنى من الجميع يقولنا وش كان شعوره

فوق كل ارض وتحت اي سماء يضل الزعيم زعيماً والف مبروك
[عدلت بواسطة شابع بطولات التاريخ:07-04-2001 الساعة: 05:14 AM]
  #2  
قديم 07/04/2001, 05:22 AM
زعيــم متواصــل
تاريخ التسجيل: 28/01/2001
مشاركات: 73
للرفع .. نتمنى نشوف شعوركم

[عدلت بواسطة شابع بطولات التاريخ:07-04-2001 الساعة: 05:24 AM]
  #3  
قديم 07/04/2001, 08:15 AM
موقوف
تاريخ التسجيل: 15/03/2001
المكان: في هذي الزفت اللي يسموها دنيا
مشاركات: 92
Talking انا شعوري كان غريب

كنت عند ابوي وفيه ناس كبار (اكبر مني من الاربعين وفوق) يتعشون وقاعدين يطالعون للمباراة وتعرف الا صارت في الجلسه كبار ما تقدر تصارخ براحتك بالاضافه لى اني اتعشى فاخاتف تطيح اللقمه من ثمي فيتكلمون على(قليل ادب ما تعرف تاكل..... الخ)
عموما عين على الكبسه وعين على المباراة ويوم سجل النصر هدف التعادل ظنيت انه اول هدف في المباراة(ماتابعت المباراة من اولها كنت نايم وفاتتني بعد مباراة الهلال والسبب فريق الحاره الله لا يوفقه لعبت معه الين تعبت) المهم الا واسمع المعلق يقول هدف التعادل وبرد على قليبي (اعوذ بالله من ضغط الاعصاب) وقعدت اناظر المباراة الين حسب المصري جمال الغندور بلنتي( المشكله انه صح يعني ما اقدر اقول انه خطأ) وعاد قفلت عيني ومدري ايش صار بعد ما ضاعت الكوره فتحت عيني واتفرج وانا ادعي يالله انها تخلص الحين (لاني خايف من نذالة النصر ) وعاد الحمد لله فزنا بالبطوله
( وقفت من بين كل خلق الله على المايده الا وهم يناظرون فيني وش بلاه فتعذرت بالثوب انه ضيق شوي وابغى ازينه المهم تقلب وجهي ) وبعد العشاء الساعه كذا عشره الا ربع وطلعو الضيوف اقعد اصارخ في الغرفه حقتي واناقز كني هبل
يله معليش وعلى قولتكم كله لعيون الزعييييييييم

   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube