ياجمهور النت ياجمهور الغفله مالت علييييييكم - نادي الهلال السعودي - شبكة الزعيم

مجنون ابوعبدالله · #1 30/03/2004, 04:24 PM

اخواني المشرفين في منتدى الزعيم

انا منيب قاعد الج لج معكم ليه تمسحون مشاركتي اللي شاركت فيها في موضوع ابو سلمان

لاني واثق ولله الحمد ان اللي ابغاه يقرا كلامي وصله وانتهى وهذا هو مطلبي الاول والاخير

ثاني شي لو تبي تناقش مشرف بأي مكان ماراح يقول انا غلطان وانا اسف مو لاننا هنا لا وربي

بس بكل مكان هذا هو الرد اللي بيواجهني

المهم المهم

انا يوم رديت بالموضوع ممكن تقولون لي رديت على من؟؟؟؟؟؟؟؟؟

على ابو سلمان؟؟؟؟

ياناس

ياجماعه

اللي يبي ينتقد سامي ينتقده بطريقه كللللللللللللللللل العالم تدري وشلون

لكن اللي بيقرا مقال ابو سلمان هاليومين ومطالبته باديموس وكلامه ان سامي ليه مالعب
ضد الشباب ولانه مصاب وهو من رجع من الاصابه وهو سيء وخلاص انتهى؟؟؟؟

اخوي العزيز ابو سلمان: شفت الهلال والقادسيه ولا الهلال والخليج ولا لا ؟؟؟ ;)

ابو سلمان في اكثر مواضيعه يذكر لنا انديه اوروبيه (( على باله كل من تكلم في اوروبا فاهم كوره))

لكن في مباراة اليوفي ولاتسيو على (((((((((نهائي))))))))) كاس ايطاليا

ممكن تسرد لي تشكيلة اليوفي ذيك المباراة؟؟؟؟؟؟؟؟؟؟؟؟؟

ممكن تقولي ليه ليبي مالعب بالتشكيله الاساسيه؟؟؟؟؟

موب لانه بيلعب بالدوري ضد الميلان؟؟؟؟؟؟؟

فاخوي العزيز سامي لو مافيه شي لازم اريحه لمباريات اهم هو وسيسيه واللاعبين الدوليين

لان الهلال متساوي مع الشباب الحين بالنقاط وبالمباريات يعني موب صعبه اخذ الثاني ابد ابد

خاصه بوجود نجووووم بيرجعون للازرق هيبته (( موب المسعري والعنزي

))

(( على فكره على طاري الدوليين نور وتكر وشريفي ماراح يلعبون ضد سيرلانكا ليييش؟؟؟؟؟؟

انا اقولكم ليش لان الاتحاد مقبل على مباريات في ابطال العرب والاسيويه ونور وتكر من الاعمده

الاساسيه في الاتحاد وشريفي افضل حارس بالعرب ويخافون عليهم بس الدوخي الدعيع الشلهوب بأبليس صح ؟؟؟)))

نرجع لمحور حديثنا

ابو سلمان تكتب موضوع كامل عن اديموس وانه بدا يفهم للهلال وخااااااااااااااااااصه اخر المباريات؟؟؟؟

اسئلك باللي خلقك شفت مباريات الهلال الاخيره انت؟؟؟؟؟؟؟؟ اذا جاوبتني على هالسؤال ارد عليك

غير كذا ردك لاحد الاخوان في موضوعك (( اللي باسميه الرد البجيح )) فيه تهجم على سامي ازود من اللازم من حيث استرجاع مقابلة بيروت ودعايات الببسي؟؟؟ هل هذا مايسمى بالانتقاد؟

سؤال موجه لادارة المنتدى قبل الاعضاء؟

لان اخوي موب انت اللي تحاسب سامي فيه ناس افهم منك وادرى منك منهو سامي عبدالله الجابر ;)

وبالاخير

ابو سلمان اعرف ناس قله من اللي يشجعون الهلال ويكرهون سامي ليه ماادري؟؟؟؟

وانت واحد منهم لكن ودي اعرف السبب اللي يخليك تكره سامي لها الحد؟؟؟ هل هو غيره او شي بداخلك الله اعلم

[HR]

للي كانو بالملعب امس كان فيه نقاش حاد بنص الشوط الاول بين اخونا فواز الدوخي واللي معه مع واحد من المشجعين

النقاش كان ان هالمشجع كان يهاجم المسعري ويطالب المدرب باخراجه

طبعا الجميع مع اخونا في الله لان المسعري ماادري ليه موجود بالهلال من الاصل

لكن رد عليه احد الاخوان بان المسعري يحمل شعار الهلال (( حسافه فيه )) وطلب منه انه يشجع بدال ماينتقد

لكن ملاحظتي على هالشخص وانا دائم الحضور لمباريات الهلال في الرياض ودايم اشوف اخواننا

اللي حصل بينهم النقاش ان الشخص اللي يدافع عن المسعري من اكثر الناس انتقاد لكل من:

احمد الحربي ليش ؟؟؟؟ ماادري؟؟؟؟ حتى بعد ماجاب الحربي هدفين في النهضه وهو يطالب الحربي بالتغيير

لاتعليق

فهد المفرج 000 اي نعم المفرج سيء ولكن اتحدى ان كان احد يلعب بروح الفنيله مثله هو وشريده وسمسم

منيب مع المفرج لكن للرد على اخونا بلله

سؤالي الاخير 0000 احمد الحربي وفهد المفرج كان عليهم طقم النصر ذيك المباراة اخوي العزيز؟؟

اتمنى اخواني انكم تبدون ارائكم بهالمواضيع اللي كتبتها مع خالص تحياتي للجميع

همسه في اذن كل مشرف
اذا كنت تبي تمسح مشاركه ومسحتها وانتهيت علمونا وش الخطأ ومنكم نستفيد

فطين · #2 30/03/2004, 04:32 PM

اللي اقدر اقوله ان سامي في روحته للبناااااااااااااااان غلطاااااااااان ثم غلطاااااان ثم غلطااااااااااااااااااااااااااااان ... غير كذا ما احد يشكك في ولاء سااامي ولا احد يقدر يثبت على مستوااااه و اذا هبط مستواا احد و لوحظ فيه اهمال اكيد الناس ما تسكت خااااصه اذا صااااااااااار نجم كبير مثل ساااامي

مجنون ابوعبدالله · #3 30/03/2004, 04:39 PM

فطين اخوي العزيز شكرا على مرورك للموضوع

انا معك سامي غلطان يوم يروح لبيروت وانا اكثر من انتقد سامي بروحته لبيروت

لكن مافيه انسان مايخطي بالعالم كله وغير كذا سامي اخطأ وصار اللي صار والحمدلله رجعت المياه لمجاريها

وانحلت بين الرئيس والكابتن ليه ارجع واخوض واتكلم في اشياء منتهيه وفي اشياء مالها دخل باللي قاعد يصير الحين

لو اخونا بلله ابو سلمان كاتب هالموضوع بالوقت اللي سامي راح فيه قلنا اوكيه يحب سامي

لكن اديموس راح لديرته الله لايرده

الهلال لعب مباراته وانتهت المباراة

عبدالله بن مساعد تفاهم مع سامي والحمدلله

يعني موضوع منتهي

اتمنى تكون فهمت اللي اقصده اخوي فطين

تحياتي لك

elgalbelazrag · #4 30/03/2004, 04:45 PM

والله كلامك حلو بس عندي اضافه عليه لان انت طرحت نقطه مهمه وهي انم المفرج بيلعب بروح الفنيله اللي لابسها وهداالكلام صحيييييييييييييييييييييييييح فعلا انا اشوف المفرج بيلعب بروح حلوه وبيحاول يبذل جهد لكن الليه الجمهور كدا بيعامله مو علشان غلط مره في مباراه النصر نظلم ارجال تراه كويس وهو ظيفته ومركطزه تخليص الكوره مو المهاره يعني مو محتاجين لمهاراه لكن صدقوني تراه كويس في الدفاع بس بعض الاخطاء اللي بيرتكبها وهدي مو مشكله مع التوجيه تروح مو مع الضغط النفسي من الجمهور رجاء من الجمهور الوقوف مع اللاعبين شويه وبلاش نتهجم عليهم كلهم في ناس ما يستاهلوا