السلام عليكم ورحمة الله وبركاته
تحيه طيبه لجميع من في المنتدى
الي حبيت اطرحه في هالموضوع هو جمهور الهلال
صراحه شي يضيق الصدر ويحز في الخاطر الي نشوفه من جمهور الهلال في المبارايات
وكان التشجيع مايحلى الا بالسب واللعن والشتايك والكلام الي يستحي الواحد يسمعه فضلا عن انه يقوله
السب واللعن في الملاعب من زمان ومن كل مشجعي الانديه موجود
لكن لاننا هلاليين وتعودنا نتميز عن الكل فخلونا نتميز في جانب من اهم الجوانب وهو الجانب الاخلاقي
ياخوان في الملعب رجال كبار استح منهم كان منت مستحي من نفسك يالي تسب
في الملعب اخوان لي ولك صغار في السن هل ترضى انهم في هذا السن يسمعون هالكلام القبيح
والله اني اتحسر اذا سمعت مثل هالكلام وفيه ولد صغير وتسمعه يسال ابوه بكل براه بابا وش معنى ........؟
خلو تشجيعنا يكون راقي
عارف ان فيه حكام يرفعون الضغط وفيه لاعبين احيانا يرفعون الضغط وفيه مدربييييين يرفعون الضغط
لكن لو سبيت او لعنت ماراح تجني الا الاثم
الواحد جاي يوسع صدره في الملعب مهوب جاي يحمل اثام ويطلع
اسف لو طولت عليكم لكن والله عشمي في جمهور الهلال كبير كبير كبير
وبالتوفيق للازرق اليوم وكل يوم