[ALIGN=CENTER]السلام عليكــم ورحمه الله وبركاتــه [/ALIGN]

[ALIGN=CENTER]محاوره بين زوجين ليلة الدخله بالشعر
محاورة بين شاعر وشاعرة (( ليلة الدخلة ))

زفاف شاعر وشاعرة


شاعر وشاعرة تتم خطبتهما ، فيتفقا على أن يكون الحديث بينهما شعرا
ينظمانه هما ، ولمدة ثلاثة أيام ، اعتبارا من ليلة الدخلة ، وبشرط أن
يكون لليلة الدخلة قافية مستقلة ، ولليوم الأول قافية مستقلة ، والثاني ،
والثالث كذلك . فإلى المرحلة الأولى :


ليلة الدخلة :
1- العريس يتم ادخاله على زوجته ، بحضور اقارب الطرفين من النساء
والضيفات المهمات ، وعليه - أ) أن يرحب بالحاضرات

العريس:

مرحبا ضيفاتنا فالفـرح نـوّر
ياهلا ويامسهلا بالحاضراتـي
ارقصن غنن ولا بي منكن اكثر
انقضن سمر الجدايل مايلاتـي
الفرح بوجودكن يزها ويفخـر
دامـه الله نعمـةٍ يالغاليـاتـي

ب) يتجه العريس ويرحب بزوجته

الفرح فرحين وانتي الفرح الأكبر
ياهلا بك ياعروسـي يـا مناتـي
قبلة الترحيب ، هاتي الخد الايسر
الشنب يخدش خـدود موّرداتـي
ربي جمّعنا ، وقـول الله أكبـر
شاعرٍمع شاعرة باحلـى غناتـي


ج) العروس ترحب بالعريس:


ياهلا بك واحترم نفسـك تـوّدر
وانثبر ساكت ولا تشوف البناتـي
فارغ قلبـك مثـل ذيـبٍ تحـدّر
يلغف الخرفان في صمت وسكاتي
لا تفكر يعرفن بالشعـر الاحمـر
ما يبن شعرك ، بنـاتٍ عاقلاتـي

د) يبدأ الهمس بينهما:

العريس:

شينها من ليلة يالوجـه الاقشـر
اعقلي يابنت ، خوف من الشماتي
اضحكي قدامهن لو ضحكٍ اصفر
ولا تفردّنا تشوفـي الطايلاتـي
وين عقلك بالشعـر راح وتنكـر
وين كلمة حب ، وين المفرداتي

العروس:

تحسبن العرس يالانثـى المذكـر
مثل شعرك هرج ، صف القافيتي
العرس ، تدخل بعالم مثل تقبـر
ما مضى تنساه تحيـا كالرفاتـي
المـره بالعنـق والاود تكـبـر
والعوافي تعقبك فـي كـل آتـي

2-- تعليقه على مايراه من مناظر


شوفي اللي لابسه فستـانٍ اخضـر
كنهـا لولـب برقـص المبدعاتـي
وشوفي امك كنها كيـس مخصّـر
وفرقـي بيـن العجايـز والبناتـي
وشوفي المزيون راع الشعر الاشقر
واهني الرجل فـي ريـم الفلاتـي

3- غارت عليه وخاطبت امها بالإسراع بأخذه بعيــداً

لعنبو اصلك ترى لو مـا تدّبـر
وتستحي يالشين تقعد في ثباتـي
لاصفقك كفين ، اعذر من قد انذر
واتركك وحدك وهج بلا عباتـي
منت رجّال ولكن ثـورٍٍ ازعـر
لا حيا لا سمت من كل الجهاتـي


4- العروس تلح عليه بالذهاب لغرفة النوم ، لتبعده
عن مناظر البنات وهو يبدي عدم رغبته في الذهاب
العروس:

هيّا قم قامت عصبك ولا تأخـر
ناويه أعطيك درس في الصفاتي

العريس:

ماني قايم روحي لوحدك ولا اكثر
خايفً منك تجيبي لـي حماتـي

هـ) اشعار متبادلة بينهما وهما في الطريق إلى غرفة النوم
العروس:

شخّص ببشتك وراسك فوق اكثر
ودنق عيونك ، ومشيك في ثباتي
وامسك بيدي وتبسـم ولا تنثّـر
ومن قرب حولك تردد "ياحياتي



العريس:

من سمع هرجك يقول ولا تحذّر
ضبي شارد ما خذه ضب نباتي
جعل منتي ذيك أم الشعر الاشقر
لا .. وتتشرط علي وجه الدباتي



العريس والعريسة في غرفة النوم :

العروس:

شف ترى مابي مشاكل أو كدر
خلنا نمرح قبل وقـت الفواتـي
هدني الارهاق ولا احتاج السهر
والصبح بدري يهجدوني خواتي


العريس:

مايصير ، اللي تقولي من عذر
ما انام إلا بحـل الواجباتـي!
وش تقول امي إذا بان الخبـر
وش اقول لهم ، تلحفت بعباتي!


العروس:

لاتطوّلهـا وفـكـر بـالامـر
وش دخلهم في زواج الشاعراتي
وان رفضت ارميك في هذا الممر
واقفل الغرفه وطوّل في سباتـي


ويستسلم العريس ، كفا للشر فهو يعلم أنها ستكون أم عياله ، وحل الواجبات
سيتم عاجلا أو آجلا ، لتنتهي ليلة الدخلة بانتصار الشاعرة وفرض ما تريد على
الشاعر [/ALIGN]


[ALIGN=CENTER]تحياتـــــي لكـــم والمعذره على الإنقطـــاع
[/ALIGN]

[ALIGN=CENTER]

وعليكم السلام ورحمة الله وبركاته

هلا والله وغلاااااااااا

ولكم وبااااااااااك خيتوووووووو

المهم نرجع لموضوعك ..

بصراحه هالعروس شيء رهيبتووووووووون تعرف تسنع رجلها من اول يوم

وتوني ادري ان الشاعرات قويااات .. يالله نشوف غروده في ليلة زواجها وش بتسوي ==>> أبد ماوضحت ان غروده شاعره

تحياتي لك خيتوووووو ...
ولا عاد تقاطعينا تعرفين انتي السكرتيره حقتي والمستشاره لاعمالي

أختك / فرفوره

[/ALIGN]

[ALIGN=CENTER]خلـــــــــوهــــــــا

إقتباس ويستسلم العريس ، كفا للشر فهو يعلم أنها ستكون أم عياله ، وحل الواجبات

الخوف مليح

إقتباس والمعذره على الإنقطـــاع

ان شــــاءالله يكــــون المانع خير

يعطيك العافيه على هالمحاوره الزوجيه

تحياتي وانااخوك[/ALIGN]

[ALIGN=CENTER]الفيروسه الخضــــراء <---- مكربنه



هلا وغلا فرفـش مأخذوه من ( فرفس ) ( فيروسه ) ( فيّو )
<--- تناحــه زياده هاليومين مع الاختراشات ( الاختبارات )

إقتباس بصراحه هالعروس شيء رهيبتووووووووون تعرف تسنع رجلها من اول يوم

هذولا البنــات وإلا فلا ;)
كـلن يسنع الثاني وهكــذا تمشـي الحيـاه

إقتباس يالله نشوف غروده في ليلة زواجها وش بتسوي ==>> أبد ماوضحت ان غروده شاعره

لا تـتبليـن عليّ بكره يطلبوني فواصل ونا ماني بفاضيه

إقتباس تحياتي لك خيتوووووو ... ولا عاد تقاطعينا تعرفين انتي السكرتيره حقتي والمستشاره لاعمالي

ولو ياعسل ;)
والمديــره الي توقع على مواضيعك لاتنسيـن

إقتباس أختك / فرفوره

أختك صرصوره

شرايـــك بس بالفاصل ذا تصميمي وتلويني






برق الزعيم

يعطيــك العافيـه على مرورك وردك
تحياتــي لشخصك الكريــم
<<--- ذوق [/ALIGN]

تسلم اخوي

بصراحة رووووووووووووووعة

بس الله لايرزقنا بشاعره تمرمطنا

[ALIGN=CENTER]

وعليكم السلام ورحمة الله وبركاته

يا هلا والله وغلا

واخيرا نزلتي لج موضوع

والله تعجبني هالشاعرة ..
ياليت كل الرجال يعرفون ان الانتصار دايما يكون للمرأة
وياليتهم بعد يتخلصون من الاحلام والمعتقدات اللي يعتقدونها عشان ما ينصدمون بالواقع لما يخسرون

يعطيج العافية يالغالية على هيك محاورة ولا تقاطعين مرة ثانية


[/ALIGN]

الف الصلاة والسلام عليك يااااااا حبيب الله محمد
دخله حلوه من اثنين مصرقعين ودخله حلوه للمنتدى من وحده صرصوره
هلا ام الولد وشلون الولد وابوه وياهلا ومرحبا بعودتك ;)

الـحـاتـمــي ...



مــر مـــن هــــنــــا ...


ويـقـول : صح لسان الشاعر و الشاعرة و الحضور و الطقاقات


<<<< منهبل على الموضوع

[ALIGN=CENTER]

و الله فاضيين هالمعاريس !!

مشكورة على هالموضوع الحلووو ..

كل ( محاورة ) و انتي بخير ..

تحياتي ..[/ALIGN]

إقتباس إقتباس من مشاركة الفيروسه الزرقاء [ALIGN=CENTER] وعليكم السلام ورحمة الله وبركاته هلا والله وغلاااااااااا ولكم وبااااااااااك خيتوووووووو المهم نرجع لموضوعك .. بصراحه هالعروس شيء رهيبتووووووووون تعرف تسنع رجلها من اول يوم وتوني ادري ان الشاعرات قويااات .. يالله نشوف غروده في ليلة زواجها وش بتسوي ==>> أبد ماوضحت ان غروده شاعره تحياتي لك خيتوووووو ... ولا عاد تقاطعينا تعرفين انتي السكرتيره حقتي والمستشاره لاعمالي أختك / فرفوره [/ALIGN]