[ALIGN=CENTER]
;) مساكم الله بالخير ;)

نحمد الله ونستعين به من شرور انفسنا ومن سيئات اعمالنا
من يهده الله فلا مضل له ومن يضلل فلا هادي له
كل بدعة ضلاله وكل ضلاله في النار

اليوم موضوعنا يختلف شوي

نكتب >>> يالله







تخبرون من اول حركات الاولاد دائمآ ما نكشخ بابونا واخواننا
مهوب مثل عيال هالزمان .. عندي بلاي ستيشن والثاني عندي dvd

منذو مبطي اذا بدوا يتعايرون .. الجملة الدائمة هي :
الاول : ابوي اقوى من ابوك ثم يبدأ سلسلة الفقش
الثاني : لا انا ابوي اقوى من ابوك

يجيك الاول : ابوي يشيل برميل الغاز بيد وحدة
ذاك اليوم شالها قدام عيوني
الثاني : اصلا ابوي اقوى من ابوك ابوي يشيل السيارة وهو جالس
ذاك اليوم السيارة طاحت بحفرة ( غرزنا ) وقال ابوي يوم قال ابعدوا يوم يوم يوم ابعدنا
يوم شالها باصبع واحد

الاول : جمسنا احسن من جمسك <--- ما لقى فقشة قام غير السالفة
الثاني : ما عندنا جمس اصلا
الاول ما لي دخل جمسنا احسن يعني احسن

@ فحبيت أعرف وش حجم التفقيش اللي كنتم تسوونه


[HR]



فيه حركات واشياء غريبه يعملها اغلب الناس ومالها داعي
وهي عندهم عادي مثلا انا اعرف واحد يموت بالمساويك ( يحب ياكلهن ) بس مايبلعهن
وولد أخوي عذوذ ما ينام الا على شي باااااااارد مررررره
والحين اذا جى ينام يحط خده على الرخام وعلى طول ينام بعدين يشيله ابوه ويحطه بالفراش
اما اختي الصغنونه ماتنام الا اذا شمّت ريحة شيلة ( طرحة ) امي

واكيد تعرفون البرفسور اقدم عضو وولد عم .... واسمها .... وبالروضه
اشوفه هاليومين طايح بحركه جديده ما ينام الا اذا حك احد ظهره



@ طيب انتم وش حركاتكم الغريبه في عائلتكم المصونه او حركات ناس تعرفونهم ;)


[HR]



وش تناظر ؟ سؤال ليس له إجابة !
لأن الشخص الذي يبحلق في الآخرين عادة ما تكون إجابته على السؤال الموجه له
( ما اناظر شيء )!! اجل وشو له مطيّر عيونك

البحلقة في الآخرين وبالعربي الفصيح ( تطيير العيون ) من العادات السيئة لدى بعض الناس
لذا اردت ان اعرف ردة فعل المبحلق بهِ السلوكيه !!
اما الفاعل " المبلحق " فلن نبحلق وقتنا في الحديث عنه

فنجد بعض الناس إذا اطال احدهم ( البحلقه ) فيه
قال له خير ان شاء الله مضيّع مفتاحك بوجهي
أو يقول كما يقول بعض العيارين في الغرب بلكنه شوارعيه
Hey ya! have you lost your- God damn - father
أنت يا وليدي مضيّع ابوك
لأن من يبحلق في الآخرين في الغرب هو الطفل الذي ضيع ابوه فيتفحص الوجوه بحثاً عنه
وهناك من يتجاهل تلك النظرات ويقول بينه وبين نفسه : الحمد لله الذي عافانا مما ابتلاهم به
وبقرارة نفسه يقول ( بحلوقه تفوت ولا حد يموت ) وعلى رأي المثل المصري ( كبّر دماغك )

@ ما ردت فعلك اذا بحلق بك أحد وتجاوزت تلك " البحلوقات " بأكثر من بحليقه


[HR][/ALIGN]



[ALIGN=CENTER]لا تحرمونا من طرائف ردودكم
محبكم سهل 888 [/ALIGN]

[ALIGN=CENTER]

راااااااااجعه لك

بس مو اليوم بكره .. لآن الحين فيني

إلا تعاال سهل مبين عليك شطووووووور ونشيط لاوراايق بعد فشرايك تختبر عني بكره ==> ترى انت وياها في الهواء سوا ماتعرفون المنهج وش يحتوي عنه ..

[/ALIGN]

[ALIGN=CENTER][ALIGN=CENTER]

إقتباس مساكم الله بالخير

والله لايمسيك الا بمثله

الصراحه المقدمه تبع الموضوع تخوف

إقتباس طيب انتم وش حركاتكم الغريبه في عائلتكم المصونه او حركات ناس تعرفونهم

اناعندي ولداخوي ماينام الالمايهز راسه

إقتباس والحين اذا جى ينام يحط خده على الرخام وعلى طول ينام بعدين يشيله ابوه ويحطه بالفراش

هذاحركتي بعدواناتوني نونوا بس مااحد يشيليني يخلوني الين اقوم

إقتباس ما ردت فعلك اذا بحلق بك أحد وتجاوزت تلك " البحلوقات " بأكثر من بحليقه

والله يبوالسهوووول يعتمد اذاكان اللي يبحلق قوي وجسمه يخوف عادييبحلق على كيفه

امااذاكان من اللي لك عليه وماعندك احداخذت وعطيت معه في الكلام

تقبل تحياتي[/ALIGN][/ALIGN]

[ALIGN=CENTER]<====== متعودين عليك باشياء غريبه يا سهووووول
تذكر يا سهل يوم اقولك علكي اكبر من علكك ولا معك فلوس تشري علوك علشان تكبره
وبالنسبه للـ dvd محسوبك للحين يحسبه نوع من انواع الكيك
لكن بديت اقتنع من يوم ما جاب لي واحد شي دائري وزي النيكل
تحطه داخل الكمبوووووتر ثم تسمع تقل صوت مروحه
عقبها اقتنعت انه شي له علاقه بالتنكلوجيا

[HR]

وانا بصراحه منول كنت افتخر بالسواقه خبرك ان خوالي مبطي مدلعيني
ويعطوني سياراتهم اذا كانوا نايمين او ما يحتاجونها
واذا شفت احد من ربعي اتفيخر قدامهم واقهرهم
اني اسوق السياره وانتم لأ حتى اقولهم اني سقتها واسرعت وتعديت فيها 80 ك / س
وعيونهم تلقاها كــ( )ــــذا

[HR]

إقتباس [ALIGN=CENTER]واكيد تعرفون البرفسور اقدم عضو وولد عم .... واسمها .... وبالروضه اشوفه هاليومين طايح بحركه جديده ما ينام الا اذا حك احد ظهره [/ALIGN]

اللي يحك ظهره ازين من اللي ينام تحت السرير
طبعا الفعل هذا له سبب وهو انه مو راعي اسره
وكل ما ينام يمصط من سريره واذا صحى يحصل نفسه منجحر تحته
طبعا قال ابي اختصر الموضوع ودايركت ابي افرش فراشي تحت سريري وبنام
المشكله مهوب هنا المشكله انه كل يوم جاينا بورم براسه
واذا سألناه ليش يقول والله تاخرت على الدوام وقمت بسرعه وصبخ راسي بالسرير
ناسي انه نايم تحته هذا طول الله اعماركم محسوبكم ابو عزيز سهلووووه

[HR]

إقتباس [ALIGN=CENTER]@ ما ردت فعلك اذا بحلق بك أحد وتجاوزت تلك " البحلوقات " بأكثر من بحليقه [/ALIGN]

بالنسبه للسؤال هذا كل اللي اسويه هي حركه وحده
سواء اعرفه او ما اعرفه اذا شفته يبحلق ومطول اطلع لساني عليه
واذا هو مصمم من جد اقوم بكل سكوت وهدوء وامر من جنبه وهو غافل اصفقه كف اخلي عيونه تتقلب وبس

[HR]

يالله شكلي بتأخر عن الدوام والسبه موضوعك
سلاااااااااااااااااااااااااااااااااااااااااااام [/ALIGN]

[ALIGN=CENTER]

هلا والله بمستر سهل 888

إقتباس فحبيت أعرف وش حجم التفقيش اللي كنتم تسوونه

بصراحه انا كنت اهدد بعض البنات اللي معاي في الابتدائي بابوي واني اقدر احطهم بالسجن

إقتباس @ طيب انتم وش حركاتكم الغريبه في عائلتكم المصونه او حركات ناس تعرفونهم

ابوي ما ينام الا لما يشرب ماي>> بالله
تبي الصراحه ما لاحظت شي غريب يسوونه

إقتباس البحلقة في الآخرين وبالعربي الفصيح ( تطيير العيون )

واحنا نسميه (خز) يعني نقول يا فلانة ليش تخزين؟؟ مو عاجبتج!!

إقتباس @ ما ردت فعلك اذا بحلق بك أحد وتجاوزت تلك " البحلوقات " بأكثر من بحليقه

بصراحه دايما تصير لي مثل هالمواقف بس اني اتجاهل الشخص اللي يخز واسوي نفسي ما شفته بس ويهي لازم يقلب احمر:p

يسلموووو سهل على هيك موضوع

[/ALIGN]

سهل اسلوبك يذكرني بامتحانات الفيزياء في جامعة الملك سعود يكتب لك قصة طويله وبعدين يجيب السؤال بسطر واحد ‍!!!
واجابة عن سؤالك فعندي بنت اختي ماتنام الا ومعها البطانيه حقتها ولابد ان تكون ممسكة بزاوية معينة ماتغيرها ابد
وبعد عندك أنا لما كنت صغير ولحد الحين اذا نمت اغمض عيوني واذا قمت فتحتهن

الـحـاتـمــي ...



مــر مـــن هــــنــــا ...


ويـقـول : سهل , خذ ريال و اشتر شاورما ( صاروخ ) وواحد ( كوكتيل )


و اذا خلصت رجّع الباقي


و لا تخليه مع ولد عمك البروفيسور أقدم عضو في الشبكة و اسم أمه ( حصّه ) ;)

[ALIGN=CENTER]الفيروسه الزرقاء

إقتباس راااااااااجعه لك

قديمه

إقتباس مبين عليك شطووووووور ونشيط لاوراايق بعد

إقتباس فشرايك تختبر عني بكره

أفكر

إقتباس ترى انت وياها في الهواء سوا

اسمحي لي أنا في الاكاديميه

إقتباس ماتعرفون المنهج وش يحتوي عنه

شاطره ما شاء الله عليك :sad: الله لا يضرك :sad:
والله اليوم ما لك شوفه اهم شي انك حليتي زين والا بكيفك لا ترجعين جعلك للعافيه
برق الزعيم

إقتباس الصراحه المقدمه تبع الموضوع تخوف

أيه الله الهادي

إقتباس اناعندي ولداخوي ماينام الالمايهز راسه

لا حول ولا قوة الا بالله ,,, فيكم عرق هندي اخ برق

إقتباس هذاحركتي بعدواناتوني نونوا بس مااحد يشيليني يخلوني الين اقوم

هههههه شكلك تعض اللي يشيلك

إقتباس والله يبوالسهوووول يعتمد اذاكان اللي يبحلق قوي وجسمه يخوف عادييبحلق على كيفه امااذاكان من اللي لك عليه وماعندك احداخذت وعطيت معه في الكلام

لا يا شيخ طيب لا يكون قال لك مشبه عليك
البرفسور
اموت واعرف انت كاتب موضوع والا رد ;)

إقتباس تذكر يا سهل يوم اقولك علكي اكبر من علكك

متى هالكلام :sad: <<< يستغبي

إقتباس وانا بصراحه منول كنت افتخر بالسواقه

والمشكله ان المشكله مستمره حتى الان ;)

إقتباس حتى اقولهم اني سقتها واسرعت وتعديت فيها 80 ك / س

شكلك طالع بالوايت حق خميس اقع ناس

إقتباس اللي يحك ظهره ازين من اللي ينام تحت السرير

ادور الجرجير [/ALIGN]

[ALIGN=CENTER]كيفي كويتية

إقتباس هلا والله بمستر سهل 888

هلا سستر كيفي

إقتباس بصراحه انا كنت اهدد بعض البنات اللي معاي في الابتدائي بابوي

هذي حياتك ( الحربيه ) كلها تهديد في تهديد بس فعل ماكو ( خرررررررطي )

إقتباس ابوي ما ينام الا لما يشرب ماي>> بالله

منشفه ريجه يا مال الماحي

إقتباس واحنا نسميه (خز)

طيب تفقيش وش تسمونه

إقتباس بس اني اتجاهل الشخص اللي يخز واسوي نفسي ما شفته

معليش استحملي هذي صورتك ناشرها للقبض عليك فالناس تشبه عليك
بس الحمره اللي على براطمك حجبت الرؤيا
قرقاص

إقتباس سهل اسلوبك يذكرني بامتحانات الفيزياء في جامعة الملك سعود

وش دراك اني احسن واحد في الكيمياء

إقتباس أنا لما كنت صغير ولحد الحين اذا نمت اغمض عيوني واذا قمت فتحتهن

طيب تقدر تغمض عين وتسكر عين بسرعه
الحاتمي

إقتباس سهل , خذ ريال و اشتر شاورما ( صاروخ ) وواحد ( كوكتيل )

ووديها لمين <<< خدوم هالولد

إقتباس و اذا خلصت رجّع الباقي

واذا ما لقيت صرف :sad: عطني فكه احسن

إقتباس و لا تخليه مع ولد عمك البروفيسور أقدم عضو في الشبكة و اسم أمه ( حصّه )

وخواله معلمينه السواقه <<< اضفها لما سبق [/ALIGN]

[ALIGN=CENTER]

إقتباس طيب تفقيش وش تسمونه

يمكن تشليخ

إقتباس معليش استحملي هذي صورتك ناشرها للقبض عليك

وين الصورة ما شفت شي؟؟

[/ALIGN]

سهل .....مساء الخير.....

تصدق يوم انى بزر ابو اربع سنوات كنت راكب مع الوالد بالسياره
اخذ ملف سريع الله يحفظه والباب لك عليه يرقل المهم مع الفه محطت
على الازفلت ثلاث سيارات دعستنى بس الحمد لله جت سليمه...


تصدق اخوى سهل بعدها بسنه عساى اشرب قاز انى ماكذب عليك
تحدانى واحد من الشباب اطلع فوق عماره المملكه المهم وصلت
الطابق الثلاثين مر بدوى من تحت العماره رفع راسه الله يهديه
جيت مجاوب بس الحمد لله جت سليمه...هههههههههههههه


تحياتى ..............

[ALIGN=CENTER]بسم الله الرحمن الرحيم [/ALIGN]

إقتباس @ فحبيت أعرف وش حجم التفقيش اللي كنتم تسوونه

[ALIGN=CENTER]خذ وبق من ذا الركب .... المجلس او الحوش كان يمتلي ارانب ولازم تصدق بالقوة ... والي ما يصدق
نضربه انا وعيال عمي <<< لازم تصدق يعني لازم تصدق [/ALIGN]

إقتباس @ طيب انتم وش حركاتكم الغريبه في عائلتكم المصونه او حركات ناس تعرفونهم

[ALIGN=CENTER]أنـا أكون معك تمام التمام الين نجي ننام اقلب 180 درجة اطحلب واسمج وما اخليك تنام
الين تدعي علي ...
وبعض الأحيان أوقف فوق سريري واقعد اطالع واتــنــح فيه لسبب واحد (( كسلان ارمي نفسي عليه)) [/ALIGN]

إقتباس @ ما ردت فعلك اذا بحلق بك أحد وتجاوزت تلك " البحلوقات " بأكثر من بحليقه

[ALIGN=CENTER](( سلامات ايش فيك تتطالع ... تبغى صورة ... ضف وجهك لألـعـ #!*@!# ))
8
8
8
ما أدري يقولون سعودي [/ALIGN]