[ALIGN=CENTER]السلام عليكم...

لاتردون او تتصلون على هذا الرقم

قبل يومين تقريبا سألني واحد من الزملاء عن (00905) مفتاح اي دوله !!

قلت له ما أدري

قال لان فيه رقم له فتره يتصل علي ويسكر ولا ادري من هو .. واني دورت كثير عن

بين مفاتيح الدول لاكن مالقيت هذا وش أصله (حلوه أصله )

المهم والزبده ... قبل شوي وانا جالس أتقهوى ... عاد انتم خابرين قهوة المغرب وش

زينها الا جتني رساله من واحد يقول فيها..

هام جدا:

لاتردون او تتصولن على رقم يبدأ بـ : 00905 يتصل عليكم ويسكر

هذا رقم من تركيا وبمجرد ردكم او اتصالكم بهم يدخلون على الشريحه (شريحه الجوال)

بطريقه ما ويستخدمونها للاتصال بشبكات مشبوهه وغير اخلاقيه ....

خبر أكيد / انشرها ..

عاد يوم وصلتني ووافقت كلام خويي الاول قلت خلني اعلم ربعنا وحبايبنا بالساحه

لانهم يهمونا ... وترى الحرص مامنه خساره ولا ندامه يعني احرصوا حتى لو طلع

الكلام ماهوب صحيح .... والله اعلم

عاد الحين الي يقرأ هالموضوع الله لا يهينه يدعي لي عندي اختبارات ... ولا يبخل علينا يكثر دعاء .. والي له خلق يختبر عني مانيب قايل لا
منقول
***************
أخوكم/ أبــو زيــاد[/ALIGN]

طيب أنا قد رديت عليه وش أسوي ؟؟؟

[ALIGN=CENTER]السلام عليكم

إيضاح:

بالنسبه للرقم هذا هو رقم جوال من تركيا انا جاني خلال الفتره الاخيره اكثر من خمسين مرة مثلي مثل غيري طبعا في البدايه كنت عارف انه رقم من برا وماكنت حريص اساسا اني ارد في البدايه توقعت انها تكون من الارقام اللي تدق من المغرب او احدى الدول العربيه من إحدى البنات العربيات هداهن الله للإيقاع بالشباب السعودي خصوصا اللي ( يطير بالعجه ومايصدق يسمع صوت بنت )

بعدها طلعت كذا إشاعه عن هذه الارقام ومنها :

* انه تركي عايش في الرياض ويتصل على جولات بشكل عشوائي واللي يتصل عليه يقوله انا تركي عايش بالرياض وعندي بنات للزواج ( للجاديين فقط :p ) >> إشاعه ماتخش الراس ( بس إشاعه حلوه ;) )

* الاشاعه الاخرى واللي ايضا ينطبق عليها المثل ( وش دراك انه كذبه قال والله من كبره ) وهي ان هذا رقم من تركيا وبمجرد ردكم او اتصالكم بهم يدخلون على الشريحه (شريحه الجوال)

بطريقه ما ويستخدمونها للاتصال بشبكات مشبوهه وغير اخلاقيه ....>> هذا طال عمركم لاصرنا في عام الفيل مو الحين الاتصالات السعوديه عندها نظام للاتصالات من اقوى الانظمة من الصعب جدا على اللي هنا اختراقه فما بالك باللي بالخارج ........

المسألة وما فيها كتالي

في تركيا يوجد ثلاث أو أربع شركات جوال

من ظمن هذي الشركات شركة أسمها ( أرتسل ) وشركة أسمها ( أريا )

الزبده : شركة ( أريا ) .... هذي الشركة الله يسلمك عندهم شرائح مثل شرائح ( سوى ) عندنا بالسعودية وتنشحن بفلوس يسمون الشحن عندهم ( كونتور )

المهم هذي الشركة مسوية خدمة وهي : أذا أتصلت من جوال ( أريا ) على جوال ( أريا )

لك دقيقة مجانية وبعد الدقيقة يحسبون عليك ... ومن ظمن الخدمات إذا أتصل عليك أي واحد من داخل تركيا أو من خارج تركيا وستقبلت مكالمته بعد ما تنهي المكالمة يرسلون لك ( كونتور ) مجاني هدية .... طبعاً إذا كان الاتصال من خارج تركيا يكون أفضل

واللي يتصلون من تركيا على السعودية يبون يحققون هذي الزيادة المجانية على حساب فداغة الشعب السعودي ... لأنهم يخلون حرمة ترد عليك وتقرق على راسك وانت زي الاطرش في الزفه ما تدري وش الطبخه وفي الاخير هم المستفيدين من الزيادة اللي تجيهم

والمعلومه هذي انا متأكد منها مية بالمية إن شاءالله ....

تحياتي......[/ALIGN]

انا جوالي افتحه الاربعاء والخميس
يعني محد مستفيد منه لانه يشبه عدد الماء من صعبه
تصدقون ماقد احد دق وقالي غلطان

لاحول ولاقوة الا بالله

حتى الأتراك ماسلمنا منهم ‍‍‍‍‍‍‍‍

إيه فعلاً اتراك هم إلي يدقون .. مزعجين أمي ذيك الفتره ودقت أمي على شركة الإتصالات وقالوا لها إنهم اتراك ويستخدمون الرقم إذا دقيتي عليهم و قالوا لها لا تردين عليهم ولا تدقين عليهم وإحنا الحين نبحث في موضوعهم ,,

مشكورأخوي سيف على التحذير

إقتباس إقتباس من مشاركة الإمبراطور نواف مشكورأخوي سيف على التحذير