فاتكم اليوم .. وش صار باسبوع المرور - نادي الهلال السعودي - شبكة الزعيم

هلالي الجوف · #1 20/03/2004, 11:02 PM

تفاجأت اليوم الصبح وانا طالع للدوام بمنظر غريب عجيب

مادخل راسي لهالحين

المنظر سلمكم الله سيارتين وحدة من نوع لومينا والثانية فورد كراون فكتوريا ناقزات على الرصيف الوسطي بشارع عام ومتهشمات ..
وبجنبهن اشارة مرور منسدحة <<== الضحية

المنظر لهالحين عادي .. لكن المشكلة ان السيارتين سيارات مرور

بصراحة انا ماراح بالي وانا اشوف اللوحات الارشادية يميني ويساري واشوف ملازم ابونجمة طاق الشمسية وماسك جواله ويكركر

وعسكر وكشافة يمشون السيارات الا انه مشهد تمثيلي بمناسبة اسبوع المرور

لكن وعند دخولي للمدرسة تفاجأت بالزملاء يسولفون عن الحادث وانا صز ( حقيقي )

لحظتها تمنيت لو كانت الكاميرا معي علشان اوثقها وافضحهم هم واسبوع مرورهم .. وعلشان تشوفون وش كثر المنظر مضحك

لكن من سوء الحظ ماكانت معي

ماطرى على بالي اني اشوف مثل هالموقف المضحك

انا نفسي اعرف بس وش جابهن لبعض علشان يتصادمن ؟؟
اكيد واحد قاطع الاشارة مية بالمية

لكن رجل مرور وبسيارة مرور ويقطع اشارة وباسبوع المرور .. مهزلة بصراحة .
ويازينه بعد وهو قاطع الاشارة وصادم سيارة مرور زيه

اللي فاتني مع الكاميرا اني ماشفت فيه اصابات والا لا

ساميو 2003 · #2 20/03/2004, 11:13 PM

إحمد ربك ..
لا تصـطدم شجرة وأنت رايح للمدرسة ..
ثم يعلقون عليك ويقولون أسبوع الشجرة ..

تركي المحيميد · #3 20/03/2004, 11:30 PM

هههههههههههههههههههههههههههههههههههههه
!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟

امحق من أمن

100% هلالي · #4 21/03/2004, 01:42 AM

هلا ابو عبدالرحمن

والله فعلاً الموقف غريب وعجيب

إن كان صدق مهب مقصوده

إقتباس


	اكيد واحد قاطع الاشارة مية بالمية هلالي

تحياتي

سهل · #5 21/03/2004, 02:21 AM

إقتباس


	لكن وعند دخولي للمدرسة تفاجأت بالزملاء يسولفون عن الحادث وانا صز ( حقيقي )

يا رجااااااااااااال مشوها عليك الزومولاء

هذا مشهد تمثيلي للفيلم السعودي الجديد

وبعدين وش فيك على المرور وأنت بايع لوحتك وشي وشويات

ولا حد كلمك يعني

عزيز · #6 21/03/2004, 07:54 AM

طبعاً الخطا واضح جداً
الإشارة هي اللي قاطعة رجل المرور

البرفسور · #7 21/03/2004, 08:09 AM

[ALIGN=CENTER]هلا بالجوفي ;)
لا تستغرب شي يا بعدي ;) وكل شي جايز هالايام

مره من المرات طلعت ابي اروح لغرب الرياض عندي شغل
المهم مسكت خريص وليتي ما مسكته .. طبعا كالعاده فاضي

< === ايه هين
اشوف الطريق واقف تماما وقعدنا تقريبا اكثر من ساعتين وحنا بوسط هالزحمه
وتقل نمشي على بيض

بالاخير من طلع مسبب هالزحمه ؟؟

الدوريات .. واقفه عند حادث بوسط الخط وجالس يكتب تقرير ولا ابعد السيارات ولا شي

وسيارة الدوريه معرضها ابو الشباب بوسط الخط .. كن ما فيه بشر تمشي وعندها اشغال

[/ALIGN]

الحاتمي · #8 21/03/2004, 10:35 AM

الـحـاتـمــي ..

مــر مــن هـــنــــا ..

ويـقـول : والله عندكم حركات بالجوف يابو عبدالرحمن

هلالي الجوف · #9 21/03/2004, 10:55 AM

عووووووووووووووووودنا ..

الغالي ساميو 2003 ..
الحمدلله والشكر على كل حال

لكن وش دخلني اصدم ووش دخل اسبوع الشجرة

قالولك بستنجي

الغالي سم سم سامي ..
ايوالله امحق ..
شاكر لك كركرتك واستفهاماتك

الغالي 100% هلالي ..
صدقني لو احد سولف علي هالسالفة راح اقول تسذب .. لكن شوف عيوني

وسمعت ان الحادث مصور وهذاني احاول اجيب الصور

الغالي سهل 888 ..
فلم .. يمكن فلم .. بس ماشفت السدحان والقصبي بالموقع

وزمولاء مين .. ويمشونها على مين يابويا

بغيت ارجع للبيت اجيب الكاميرا بس مسكني المدير وقال يالله قدامي لطابورك

ولوني بعت اللوحة ماكان كتبت هالموضوع .. لأنهم عيوا الله لايوفقهم

الغالي عزيز ..
الله يرحمها .. كانت اشارة كويسة

مريت اليوم بنفس المكان ولقيت التقاطع بدون اشارة وتقطع قلبي

حزنت عليها الله يرحمها

بس سمعت ان الخطأ مشترك .. 25% على الاشارة و75% على الرصيف لأنه وقف بوجه الدورية

ماله داعي والله هالرصيف .. مفروض يحطون الشوارع لسيارات المرور بدون اشارات وارصفة

الغالي البرفسور ..
ماعندك لعب تروح تخلص اشغالك من القصر لغرب الرياض وترجع بيومك

بس حلاتك مصوره ;)
تصدق لوني بالرياض كان ساحبين مني الجنسية مو بس الرخصة من كثر ماتهاوش مع العساكر

الغالي الحاتمي ..
ماشفت شي ..
افكر دايم اكتب مواقفي الجوفية .. بس اقول انثبر وبلاش تكب عشاك

تحياتي لكم ..
وان شاء الله الصور قادمة

الحاتمي · #10 21/03/2004, 11:01 AM

الـحـاتـمــي ..

مــر مــن هـــنــــا ..

ويـقـول : ما عندك دوام ؟!!

هلالي الجوف · #11 21/03/2004, 11:04 AM

إقتباس


	إقتباس من مشاركة الحاتمي ويـقـول : ما عندك دوام ؟!!

ارسلني المدير اعزي الاشارة

عاشق ابو بندر · #12 21/03/2004, 01:44 PM

أخسسسس
يالحركات والله فيه تطور يعني بتفهمنا انه عندكم إشارات بالجوف

بس مالك حق تمشي وتخليهم يمكن يبونك تبلغ لهم

طيب رح الحين صورها لنا وتعال ....

مساكين اهل الجوف نقصت إشاراتهم ..

شيفا القصيم · #13 21/03/2004, 02:03 PM

ههههههههههههههههههههههههههه

حلوه
اجل
---------------------------
واشوف ملازم ابونجمة طاق الشمسية وماسك جواله ويكركر
--------------------------
يكركر اجل يعنوبو داره لو حنا قاطعين الاشاره كان مقوم الدنيا ومقعده علشان اشاره

اقول يمكن يكون فلم سعودي جديد زي مقال سهل