% فـــرج وحالته اللي ما شافت الفـــرج % - نادي الهلال السعودي - شبكة الزعيم

البرفسور · #1 15/03/2004, 08:36 AM

[ALIGN=CENTER]

هذه قصه وهميه تحكي واقع غالبية شبابنا السعودي للأسف

فرج
مواطن سعودي
يتميز بالذكاء و من النوع اللي يحسبها صح
ويفكر في الشئ الف مره قبل لا يسويه

قربت الدراسة , و قرر ابوفرج يدخله المدرسه عشان اذا كبر ذا الولد
يصير مواطن صالح و ينفع نفسه و بلده ..
< === وركزوا على بلـــــده

المهم : بدت الدراسه ودخل فرج المدرسه .. لقى الفصل زحمه
وأنواع الصياح والمصارخ والصجه والتغلق

فرج يوم شاف الدعوه كـــــذا وذا المنظر الهادي

قال يالله صباح خير وهذا اولها .. واللي هذا اوله ينعاف تاليه

< === طبعا الاسلوب هذا كبير عليه .. لكن اللي يشوفه يقول شكله قاعد يقول كذا

جلس فرج على اول كرسي لقاه فاضي .. وقام يفكر

ويردد على نفسه
اللحين بيدخل علينا المدرس وبيبدأ يشرح

يعني يا فرج بدت الدراسه .. بالعربي بشد حيلي ولا علي منهم

دخل المدرس وبدأ بالشرح على طوووووووول
يوم تشأم فرج وقال وش ذا المدرس اللي على طووول شرح
مافيه تعارف مافيه شي اعوذ بالله

يعني صدق خلاص بدت الدراسه ؟؟؟

و بيستمر ذا الوضع 6 سنين ابتدائي
و3 سنين متوسط
و3 سنين ثانوي
و جامعه بمعدل اربع الى خمس سنين

طيب مو مشكله بنجتهد وندرس وونجح ان شاء الله لكنــــــ ......... !!
وبعدييييييييييييييييين ؟؟

انا اقولك
بعدين بيجي اليوم اللي راح تقدم فيه على وظيفه
عاد مشاء الله كلن يقول لك تعال عندنــــــــا

والزحمه اكيد بتكون اكثر من اللي شفتهم بالفصل

وبعد ما تقدم بتجي نتيجة التقديم
مقبووووووول والا ..... لا ؟؟
طبعا جواب السؤال هذا حالياً معروف وما يبي تفكير يا فرج

بيقولون لك بشكل او بأخر " ضف وجهك انت وشهادتك ولا عاد تعتب علينا "
وهالايام هذي طايحين بتصريف اكثر لباقه : بيقولك " اذا صار شي ندق عليك "
وانا يا فرج اقولك من اللحين .. لا تتامل وتحتري وخل طريق البحث عن الوظيفه مستمر

لان احلق شنبي اذا احد دق عليك

وقطع رجليني تسان الرقم للحين عندهم اصلاً

ولو تمشور بين المؤسسات الخاصه قالو لك :

وفعــــــــــلاً صـــــــــار لـــــــــــه الكــــــــــلام هـــــــــــــذا

وقال يعني مالي الا اني اسوي واحد من الاربع خيارات التاليه :

....

...

الخيار الاول

اصف جنب اقرب شحاذ بالشارع واصير انا وياه على الحلوه والمره ... !!
واصبح عاله على المجتمع

وبينتشر الوضع هذا

وبتكتب الجرايد :
ان ظاهره التسول بين الشباب السعودي انتشرت بشكل لا يطاق
و لا بد للمسؤلين من ايجاد حل لهذه المشكله

قبل ان يصير بلد أكبر مخزون نفطي هو بلد أعلى نسبه تسول ... !!

الخيار الثاني

اشغل نفسي بالانترنت
وأصير شابك عليه 27 ساعه في اليوم

و يصير أكبر همي في حياتي :

من اللي حاطني بلوك – حظر- ؟
و من اللي رد على موضوعي بالمنتدى ؟

ووقتها الجرايد بتقول :
ان مسأله اضاعه الوقت امام أجهزه الحاسوب
آفه تسري بين شباب بلدنا الغير آبه بما تكلفه هذه التقنيه من مصاريف
و بدون ادنى استفاده من الوقت الطويل الذي يمضونه أمام الحاسوب ؟؟

الخيار الثالث

اطق ذاك الرسم اللي ما اقدر التفت منه

واتسكع بالاسواق واذي بنات خلق الله

ما وراي شي حتى لو جت الهيئه وظفتني .. عاااااااااادي
لا ولد ولا تلد ولا شغله ولا مشغله ولا ..... ولا ...... ولا ....... الخ

يعني معدوم في المجتمع

ووقتها الجرايد بتكتب وتقول :
يبالغ افراد الشباب السعودي بالتجول في الاسواق
و مضايقه المتسوقين

بدون أن يأخذ في عين الاعتبار ما يسببه هذا الامر من ازعاج للمتسوقين
لذلك كان واجبا على المسؤلين وضع حد لهذا الأمر المخجل

وتطبيق اشد العقوبات على من يضايق ويتسكع و ..... و ...... و ........

الخيار الرابع

يعني اذا قفلت قفلت معك يا فرج
وجلست كل يوم في البيت صافط يدينك و تقلب ذا الرويس

لا تزعل يا فرج .. بيفرجه الله .. بس بالعكس عليك
بدال ما كنت طموح .. راح تكون هدام

وراح تلاقي أحد يحشي ذا الراس

وراح تلاقي أحد يستغل ذا القوه و النشاط

وراح تلاقي أحد يخلي الحلال حرام .. والحرام حلال

وراح تلاقي أحد يسمم الافكار

و وقتها تدرون وش بتكتب عني الجرايد ؟
بتكتب شاب سعودي يقضي على نفسه و يدمر بلده ..... و من المسؤؤل ؟؟

ما اقول غير للي ما توظف ولا عنده واسطه ردد

وعـــــــــــــز الله اللـــــــــي

تقبلوا تحيات
محبكم في الله / البرفسور

[/ALIGN]

الحاتمي · #2 15/03/2004, 10:10 AM

الـحـاتـمــي ...

مــر مـــن هــــنــــا ...

ويـقـول : هذا أسلوب واحد يدوّر واسطة

بس خل فرج يردد : يا ليل ماطولك ;)

تيماوي · #3 15/03/2004, 10:51 AM

[ALIGN=CENTER]

إقتباس


	هذه قصه وهميه تحكي واقع غالبية شبابنا السعودي للأسف

@ بل قصة حقيقة وللأسف هذا الواقع الذي يعيشه معظم شباب بلد أكبر مخزون نفطي في العالم ...

@ يعطيك الف عافية برفسورنا الغالي ولد عم سهل واقدم عضو بالمنتدى !!;);)[/ALIGN]

البرفسور · #4 15/03/2004, 11:12 AM

[ALIGN=CENTER]

إقتباس


	[ALIGN=CENTER]ويـقـول : هذا أسلوب واحد يدوّر واسطة [/ALIGN]

وش دراك يا فطين

.. واحسن شي بك انك فهمتها وهي طايره

بس اللي اهم من كذا هي عندك والا لا ؟؟

إقتباس


	[ALIGN=CENTER]بس خل فرج يردد : يا ليل ماطولك [/ALIGN]

اخاف انه مو بس فرج اللي بيردد

وياكثرهم

ومشكور يابو المرمره

وانتبه لا تدعس احد اذا بغيت تمر مره ثانيه

[/ALIGN]

البرفسور · #5 15/03/2004, 11:21 AM

[ALIGN=CENTER]

إقتباس


	[ALIGN=CENTER]@ بل قصة حقيقة وللأسف هذا الواقع الذي يعيشه معظم شباب بلد أكبر مخزون نفطي في العالم ...[/ALIGN]

بس وين اللي يسمع يا حبي ;)
ويتفطن قبل لا يطيح الفاس بالراس .... !!
الشباب جميعهم مخزن للنشاط والحيويه والعمل والعطاء

واذا ما استغلت هذه الطاقه بالشكل الجيد والمطلوب
راح يكون الناتج عكسي وبالتأكيد سيتجه الى الهدم والخراب بدل البناء والعطاء

إقتباس


	[ALIGN=CENTER]@ يعطيك الف عافية برفسورنا الغالي ولد عم سهل واقدم عضو بالمنتدى !!;);)[/ALIGN]

وين البارق يجي يسمع

[/ALIGN]

[ALIGN=CENTER]وبعدين بسألكم .. وش الحل مع موقع الياهو وصفحاتهم الشخصيه البايخه

؟
ما عمري حطيت صوره عن طريق الياهو وتهنيت فيها

يا حليلك يا جيران .. متى تخلص صيانة موقعكم ؟

[/ALIGN]

ديـك الـجن · #6 15/03/2004, 09:43 PM

[ALIGN=CENTER]حلوووووو بس شد أنتباهي
7
7
7
7[/COLOR]

إقتباس


	إقتباس من مشاركة البرفسور [/COLOR][/B][/ALIGN]

قاعد أحاول أقرأ كلمة (( أهلاً )) بتنوين الضمة بس ما عرفت ... كيف تقراها يالبروفيسور

_________________

صراحة ماقصرت .... بس القصة شيلتنا وشيلت الشباب هم والله .....

[/ALIGN]

البرفسور · #7 16/03/2004, 03:46 AM

[ALIGN=CENTER]هلا بديك الجنون

اهلا بالزعماء هذي سالفتها سالفه وانا اخوك

هذا بعد ما صممته وحملته على صفحات شخصيه انتبهت للغلط

ومحسوبك محسوب مع العجازين

قلت والله مانيب راجع وكاتبها مره ثانيه
اهم شي انها تنفهم والمعنى واحد

واذا كانت مضيقة صدرك نغيرها

ولا يهمك

إقتباس


	[ALIGN=CENTER]بس القصة شيلتنا وشيلت الشباب هم والله [/ALIGN]

ديك وش سالفتها

< ==== ما فهم

والله لا يهينك مره ثانيه .. مع العربيين تكلم عربي

وبس خلاص

[/ALIGN]

ديـك الـجن · #8 16/03/2004, 07:39 PM

إقتباس


	إقتباس من مشاركة البرفسور ديك وش سالفتها < ==== ما فهم والله لا يهينك مره ثانيه .. مع العربيين تكلم عربي وبس خلاص [/ALIGN]

[ALIGN=CENTER]يعني أنـــا مافهمت القصة صح

ولا شنو

[/ALIGN]

البرفسور · #9 17/03/2004, 12:32 AM

[ALIGN=CENTER]ما خبرتك ........... يا ديك الجن .. !!

وتكرم عينك راح اشرحلك الموضوع باختصار الإختصار

< === يمديك على اللي باللون الاحمر

الموضوع وما فيه ان مشكلة الشباب انهم يتعبون ويدرسون
ويضيعون وقت وجهد ومال علشان يخدم وطنه .. واذا تخرج قالوا له مافيه وظايف

وبدل لا يصير الشخص نافع وهادف وبناء يصير عاله على قلوب مجتمعه

وهذي زبدة المراعي اووووه معليش قصدي زبدة موضوعي

واي خدمات كدا والا كدا .. دنا حازر يا باشا

[/ALIGN]

جـار القمـر · #10 17/03/2004, 10:50 AM

انت تخرج وبعدين ابدا بالنقد .......ولا مقدمها علشان بعد التخرج تضمن الوظيفه يالذهين ......

تحياتى...........

البرفسور · #11 17/03/2004, 02:11 PM

إقتباس


	[ALIGN=CENTER]انت تخرج وبعدين ابدا بالنقد .......ولا مقدمها علشان بعد التخرج تضمن الوظيفه يالذهين ......[/ALIGN]

الدراسه وانا اخوك مخلصينها لنا سنين

ومتسنعين ولله الحمد ;)

لكن الضعوف اللي ما لقوا من يضفهم ويمشي امورهم وش يسوون

؟

ديـك الـجن · #12 17/03/2004, 05:11 PM

طيب يا أخوي أنــا فهمتها كذا ياخاي أن الواحد أذا تخرج ماراح يمشي الا بواسطة

8
8
8
خلاص تكفى لا تطيح وجهي وتقول أني مافهمتها صح مرة ثانية

تحياتي ,,,,,,

القاضي · #13 18/03/2004, 09:46 AM

[ALIGN=JUSTIFY]ما أعظمه من هم ...

الطفرةُ أثّرت علينا سلباً أكثر من مساعدتنا .. .وجهة نظر شخصية ..

البروفسور .. موضوع رائع و رُقيٌ بالمنتدى الى اهتماماتٍ أكبر .. شكراً لك ...[/ALIGN]

البرفسور · #14 18/03/2004, 11:34 AM

[ALIGN=CENTER]

إقتباس


	[ALIGN=CENTER]خلاص تكفى لا تطيح وجهي وتقول أني مافهمتها صح مرة ثانية [/ALIGN]

لا ياديك الجن ..هالمره طلع الذكاء الخارق

والله يحفظك من العين

< === ما يتريق ابد

[/ALIGN]

البرفسور · #15 18/03/2004, 11:46 AM

[ALIGN=CENTER]اخي القاضي هناك انواع للطفره .. منها الماديه والثقافيه والصناعيه
واكيد جميعها تؤثر بشكل مباشر على المجتمع
وبوجهة نظري انها اذا نقصة يكون تاثيرها سلبي
واذا ازدادة واستعزت برضو يكون تاثيرها سلبي

خاصه في الامور الماديه بعيدا عن الثقافه
اما الامور الثقافيه فلا نريد نقصانها لانها هي السلاح الوحيد للفرد في المجتمع
الف شكر على ردك ومرورك الكريم
وتقبل خالص تحياتي [/ALIGN]