بالله الحين أي واحد عدد مشاركاته قليل تعتبرونه خفاش؟؟
ما احد يحب الهلال غيركم ؟؟؟ منتو عاقلين يالكويسين

انا هلالي .,. ولي رأي ,, يحق لي أقوله ولا لازم تصير مشاركاتي فوق 1000 مشاركة 99% ردود مقتبسة؟؟

اذا ودك تقرأ كلامي .. اقراه بتمعن علشان تفهم ما ابي يصير لي مثل الي صار لكاتب مقال اطردو الشلهوب والدعيع و الدوخي .. الي أغلب الداخلين فيه فاهمين الموضوع غلط .. ما عندك وقت تقرأ بتمعن .. المواضيع الثانية تفوت جمل .



أنــا اشوف ان تصرف ابو عبدالله ( سامي ) غلط
و في رأيي المدرب ما سوى شي جديد .. يعني احنا نعرف مستواه من الأول

و عمر الغامدي , أقولها لكل جاهـــل , عمر الغامدي يلعب وسط ايمن و محور ..

وعلى فكرة ايام يوردنســــكو كان الغامدي وسط ايمن


حبيبي انت وياه .. لو اللاعبين مشتهين يفوزون كان فازوا .. بس نفسيتهم رايحه فيها

أوكي .. يبون حبيابي نغير المدرب .. نغير أبوووه بعد
لكن ما يطلع لنا سامي يلقي التهم علشان يبعدها عن اللاعبين .. ولا بذمتكم وش دخل الإمام بالموضوع؟؟؟؟؟؟؟؟؟؟؟؟

شوية عقل يا نـــــاس ..

اللاعبين ما يبون المدرب .. يروح المدرب في ستين داهية لكن لازم ما نلغي أخطاء اللاعبين
سامي الجابر أسطورة الكره السعودية .. بس معليش بالنسبة لي الهلال أهم من 9999 سامي
و سامي أخطاء بتضليل الجمهور .. لكن لو تكلم كرجل شجاع وقال والله احنا لاعبين مانبي المدرب و ما احنا مرتاحين معاه نفسيا.. ويقول هالكلام من الأول .. كان بيكون صادق مع نفسه

لو كان سامي قال هذا الكلام لعبدالله بن مساعد كان خلاص سامي انتهى دوره هنا

وبعدين صاحب الصنعتين كذاب ياسامي؟؟
مو انت الي كنت بتصير محلل في قناة الكويت ؟؟ ومو انت الي بغيت تعمل برنامج بالقناة الرياضية ؟؟
مو انت الي تسوي دعاية ببسي ؟ مو انت كنت مساعد المدرب داخل الملعب مع ناصر الجوهر .. ؟؟؟؟
لكن أنا ما أقول صاحب الصنعتين كذاب لأنك قدمت مستوى عالي جدا و كذلك المنتخب و سويت دعاية ببسي و مستواك ثابت .. بس وش فيك على الإمام؟؟

ما يهمني لا الإمام ولا سامي ولا بن مساعد ولا أد دي موس .. المهم عندي الهلال وبس

أبي اللاعبين يحسون انهم مشاركين بالمسؤلية .. من يوم طلع الهلال من الكاس والكل يتكلم عن الإداريين و المدرب ..
طيب اللاعبين ؟؟؟؟؟؟؟؟
أنا من أول مباراة الهلال والأهلي و انا اشوف اللاعبين مالهم نفس و شاركني في هالرأي الكثير من من كانوا معي

انا ووجهي جايب واحد أجنبي علشان أوريه الهلال و بالأخير انهزمنا .. مو من عادتك ياهلال تفشلنا

و بعدين أتمنى من كل مشجع يوقف عند حده .. ويعرف هو وين يتكلم في شبكة محترمة
يعني الألفاظ السوقية ما نبيها هنا أبدا لأنها ما تشرف الجمهور الهلالي

انبسطوا بالعجلاني و لا تحاسبون اللاعبين مدام سامي يقول ان السبب المدرب وبس

الى متى والمدرب مسؤل عن لاعب ما يعرف يفكر بالملعب ؟؟
المتى والمدرب مسؤل عن ليافة اللاعبين ؟؟

انا من شفت تصريح الدوخي في اليمامه قبل 5 سنين يوم يقول الهلال ما يحتاج مدرب وانا عارف ان اللاعبين يشجعون من قلب


أخيرا
لا أحد يفسر كلامي على كيفه , أنـــا دافعت عن سامي كثير قدام الكثير و في أماكن كثير
و حليا ما اهاجم سامي .. انا تكلم عن تصرف سواه سامي له تأثيرات على الفريق و أكيد ابو عبدالله بيندم على هالكلام بس الي يطامرون وراه بدون ما يدرون بيصرون على هالكلام ..

يستثنى من اللاعبين كل من :
عبدالله شريدة
الدوخي ( رغم عقليته الغير احترافية )
احمد الصويلح
سيسي رغم اصابته
أبو عزيز , أسد آسيــــــا , حامي العرين الأزرق


كلمة حق : الكبير يكون نقده كبير ياسامي .. ولولا ان كلامك يهز المدرج الأزرق كله ما أعرت له انتباه

وبطل استفزاز جماهيرك بين الشوطين تخلي العنزي يرفع وتشوت على الباب برسائل مبطنه للجماهير , ولو قال احد سامي ما يقصد شي .. أقول الذيب ما يهرول عبث

تصدقون , ليه الواحد يسأل نفسه ألف مرة وش بيصير لو انتقد سامي
ولا يسأل نفسه ولا مرة وهو ينتقد الهلال كله ؟؟؟؟؟؟؟؟؟؟؟؟؟؟؟؟؟؟؟؟؟؟؟