#1  
قديم 10/03/2004, 10:15 PM
زعيــم فعــال
تاريخ التسجيل: 09/03/2002
المكان: home alone
مشاركات: 226
خيارات الفوز على الاهلي بدون النجوم

المباراه حاسمة بدون شك واذا اراد اديموس الفوز فليتعامل بمنطقيه بعيد عن الخلطات اللي مالها داعي
* الدفاع - الشريده المفرج المطيري الدوخي
الوسط عزيز الخثران الدوسري سيسيه
الهجوم تراوري الصويلح
الخيار الثاني العنزي بدلا من الصويلح مع اعطاء سيسيه الحريه بالتحرر ولاتنسى الرقابه اللصيقه
اللي راح تطبق عليه مع تراوري
الخيار الثالث واللي الكثيرين ماراح يوافقوني عليه وهو
عزيز والخثران والغامدي والدوسري وسيسيه وتراوري وتطبيق سياسه القادمين من الخلف
اللي موءكد انها تكسر اي تحصين دفاعي بشرط قيام تراوري وسيسيه بسحب مدافعي الاهلي
واعطاء الفرصه للقادمين من الخلف ومنها كذلك ضمان عدم الاندفاع الهلالي اللي متوقعينه الاهلاويه وراح يلعبون من اجله .
اذن لدينا ثلاث خيارات الاول هجومي بشرط ان الخطوط الخلفيه تكون متزنه ومغطيه الفراغات
خصوصا خالد عزيز حيث لاحظنا الفرق بغيابه بدايه المباراه الغامدي والخثران لم يستطيعوا
تغطيه الكرات الاهلاويه الطويله التي كانت تصل للمشعل وروجيرو وانكشف الدفاع الهلالي بشكل مفضوح لان الاثنين يؤدون نفس الدور مساعد للمحور الدفاعي اللي كان بالاحتياط
وشاهدنا عزيز يوم نزل كيف اصبح الهلال متوازن حتى نزول عبدالله سليمان بدات الخربطه
(عموما سمح للاعبي المنتخب الاولمبي بالمشاركه)
الخيار الثاني ممكن ان يودي دوره كما اسلفنا الرقابه راح تشدد على تراوري وسيسيه
وتضييق الخناق عليهم واللاعب العنزي رغم تحفظي عليه من ناحيه الربشه اللي فيه
واللي لو تخلص لاصبح نجم غير عادي لكنه ينفع بها التكتيك لاسيما ان الا هلي لديه محورين
على مستوى عالي واللاعب العنزي راح يطلع روحهم وراح يرتكبون كثير من الاخطاء عليه
بسبب سرعته ولياقته العاليه وصدقوني راح ينفع بس الهلال لاليستعجل النتيجه لان السالفه
كلها هدف وبعدها تقدر تكيف الوضع الى ان تسجل هدف ثاني
والنقطه الهامه وهي الكرات الثابته زي خطا بمنتصف الملعب أوكورنر او فاول
صدقوني لو يركز اديموس على كيفيه تنفيذها راح نحقق الفوز وبقوة
فالكورنرات طوال الموسم لم نسجل منها سوى هدفين بالشباب والطائي
فوجود المفرج والمطيري أو الشريده داخل منطقه جزاء الاهلي مهم جدا
ولاحظوا اهداف الاهلي كلها نسخه كربونيه
*سامي الجابر مع احترامي لن يفيد الفريق نظرا لانه لن يتخلى عن قناعاته بطريقه لعبه
التي لو لعب مع ريال مدريد أو ميلان لن يجعلهم يفوزون لو ببياله شاهي الا اذا عاد الى
طبيعته وتخلى عن فلسفه القائد داخل الميدان وهذا رايي الشخصي
ولاحظوا عندما يتحرك داخل الملعب تجده بمجرد ان تاتيه الكرة ينتظرها وكانه حالف انه ماياخذها الا ان تجيه على سن القدم وعلى حدود خط ال18تجده بمجرد ان يرى الكرة متجهه الى ناحيته ينسل خلف المدافع وكأن المدافع راح بيجليه له مع ان المهاجمين لايعملون هذه الحركه الا بضمان اكيد انها ستمر خلفه فسامي اصبح لايفرق الوقت الذي ينسل فيه خلف المدافع والوقت اللي يحصل فيه الكرة قبل المدافع بل ان تحركاته داخل الملعب عديمه الفعاليه باستثناء الثلث الاخير من مباراه القادسيه فاصبح يبحث عن الكرة بطريقه (شيبان الحواري)يذهب الى ناحيه الغامدي او المطيري او الدوخي لياخذ الكرة في الوقت المفروض ان يكون فيه بالمناطق الاماميه وتحس ان شاره الكابتنيه
زادت وزنه 20 كيلو ناهيك عن تعطيل الكرات فارجو ان يعيد حساباته ويترك عنه فقدان الثقه
في تسجيل الاهداف
عموما هذي ارائي الشخصيه واتمنى التوفيق للزعيم ولاننسى الحضور الجماهيري للمسانده
وشكرا
  #2  
قديم 10/03/2004, 11:00 PM
زعيــم مميــز
تاريخ التسجيل: 19/07/2003
المكان: مكه المكرمه
مشاركات: 2,422
[ALIGN=CENTER]انا اؤيدك ياخوي في كل شي

الا هرجه العنزي فهو لاعب يجري بس

لا يعرف يشوت ولا هو مهاري ولا حتى تمريرات صحيحه

لاعب يركض في الملعب فقط ولا اي شي من المهارات لديه

هذا رأيي الشخصي وبالنسبه لكلامك عن الكابتن سامي الجابر

فهو عين الصواب وفعلا بأنه اصبح يشكل ثقل على الفريق بدل

انه يكون الافضل فيه والدليل الانفراد بالباب في المباراه الاخيره

مع التحيه
[/ALIGN]
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:55 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube