سامي الجابر قدم مستوى سيء للغايه وش السبب مادري لحد يقولي ان ابوه بالمستشفى سامي من قبل مايدخل ابوة للمستشفى ومستواه مررررره هابط غريبه هل يرضى سامي لنفسه ان نقول له ارحل هل يحب سامي ان نطالب بعدم اشراكه مثل ماطالبنا باخراجه في مباراه الاهلي , والغريب انه يلعب ببرود وبتثاقل حتى انه لايكلف نفسه بالركض وش صار لسامي ياجماعه معقوله يكون سامي انتهى ؟؟؟

انا متأكد ان سامي لو يلعب بمستواه لفاز الهلال بدون شك وانا ذكرت سامي بالذات لانه الاب الروحي وكابتن الفريق وهو اللي نراهن عليه وندافع عنه وهو اللي بقى من الجيل الذهبي ارجو من سامي ان يحدد اذا كان خلاص لن يقدم اي شي فل يتوقف عن اللعب مادام له بالقلب تقدير والا فاليرجع لمستواه المعروف ويجندل بالفرق ويحرث الملعب يمينا ويسارا



نقاط من مباراه الاهلي

سعد الدوسري افضل لاعب بالمباراه وشال الهلال على اكتافه نتمنى شراء عقده
فهد المفرج رد على كل اللي انتقدوه وطالبو بتنسيقه وكان بحق رائع
سيفو صدقوني انه لاعب كبير لكن لم يكن يومه وهذولا الافارقه فيهم خشونه بالاداء والعقل ارجو ان لاينفعل الهلاليون

محمد الدعيع الكبير كبير

المفروض اديموس اخرج سامي بعد الطرد وابقى الصويلح وارجع سيسيه للوسط لخفه الصويلح ونشاطه

الزعيم عودنا دائما على الصعب ونحن نحب التاهل الصعب وانشالله الكاس هلالي بقياده عبدالله بن مساعد الرئيس الرهيب

هلا أخوي

كلامك منطقي جدا جدا,,,

وأنا اتفق معك تماما,,, أول واحد منذ نهاية المباراة يكتب بعقلانية والوعد الملعب الجمعة وأنا أضمن لكم الفوز بعد توفيق الهلال

اعذرني اخوي اخا لفك الراي
سامي يقول محتاج اسبوعين الي ثلاثه ارجع لياقتي ومستواي اذا عدي الحد اللي قال عليه طالبوه بالمستوى يعني بصراحه هو بنفسه عارف انه ما راح يقدر يقدم مستوى مميز الا بعد هالفتره خاصه انه لا عب ورياضي منذ كان طفل ويعرف المده اللي راح يحتاجها للعوده للفورمه
حط حيلك بالمدرب اللي ينزله اساسي ولا تدري بيقمز واحد يقول ليه سامي مو اساسي
وازيدك من الشعر بيت ابوه بالمستشفي وكلامك معناه ان ترقيد والده في المستشفي ما يمنع المستوى واقول لك هذا لا صار داشر مقطع اربع ماله خير في اهله وسامي غير وانااخوك
وايضاً لا تنسي ما كمل اشهر علي الزواج وهذا لحاله سبب كافي لعدم تاقلمه علي الوضع الجديد
يعني الكلام في سامي حقيقه حرام وظلم لشخص قدم الدنيا علي طبق من ذهب للنادي

سامي لو يطلعالهلال من عشر بطولات عن تعمد صدقني حرام نزعل عليه او ننتقده لانه مثل ما قلت بنفسك روح الفريق
اذا الروح عندها مشكله حلوها او علي الاقل لا تظغطون عليها وقدروا وضعه اللي من الصعب انه يبوح فيه
تحياتي اخوي

هلا اخوي بدر

يبدو ان الاصابه الخطيرة اللي لحقت بسامي اثرت على مستواه بالفعل

وحدت من خطورته واصبح يلعب بتخوف وهذا ياثر على الفريق بالتاكيد

فياليت يعود لنا سامي

ساميييييييييييي انتهههههههههههههى

بصراحه سامي انتهى وافضل له انه يعتزل قبل ما يخسر جمهورة

إقتباس إقتباس من مشاركة هلالي.واشربوا.البحر اعذرني اخوي اخا لفك الراي سامي يقول محتاج اسبوعين الي ثلاثه ارجع لياقتي ومستواي اذا عدي الحد اللي قال عليه طالبوه بالمستوى يعني بصراحه هو بنفسه عارف انه ما راح يقدر يقدم مستوى مميز الا بعد هالفتره خاصه انه لا عب ورياضي منذ كان طفل ويعرف المده اللي راح يحتاجها للعوده للفورمه حط حيلك بالمدرب اللي ينزله اساسي ولا تدري بيقمز واحد يقول ليه سامي مو اساسي وازيدك من الشعر بيت ابوه بالمستشفي وكلامك معناه ان ترقيد والده في المستشفي ما يمنع المستوى واقول لك هذا لا صار داشر مقطع اربع ماله خير في اهله وسامي غير وانااخوك وايضاً لا تنسي ما كمل اشهر علي الزواج وهذا لحاله سبب كافي لعدم تاقلمه علي الوضع الجديد يعني الكلام في سامي حقيقه حرام وظلم لشخص قدم الدنيا علي طبق من ذهب للنادي سامي لو يطلعالهلال من عشر بطولات عن تعمد صدقني حرام نزعل عليه او ننتقده لانه مثل ما قلت بنفسك روح الفريق اذا الروح عندها مشكله حلوها او علي الاقل لا تظغطون عليها وقدروا وضعه اللي من الصعب انه يبوح فيه تحياتي اخوي

ياناس سامي لعب وابوه في العناية المركزة وتحامل على نفسه يعني اعذروه ولاكن نشوفه باذن الله في مباراة الاياب يقدم مستوى كبير كما عودنا عليه ذئب الهلال


تحياتي لكم

إقتباس إقتباس من مشاركة news هلا أخوي كلامك منطقي جدا جدا,,, وأنا اتفق معك تماما,,, أول واحد منذ نهاية المباراة يكتب بعقلانية والوعد الملعب الجمعة وأنا أضمن لكم الفوز بعد توفيق الهلال

ياجماعة سامي يعرفه من شاهده أصبح يخاف من الاحتكاك مع الآخرين وهذا هو سبب عدم ظهوره بمستوى جيد..

سامي موجود من قبل بطولة الخليج

والتعذر بعدم اكتمال اللياقة شيء مرفوض

لست متأكداً لكن بطولة الخليج مر عليها اكثر من شهر ولا يوجد لاعب في العالم جاهز بدنيا يحتاج اكثر من هذا الوقت ليكتمل لياقياً

بالعربي سامي يلعب بدون نفس لكن وده يرفع كم كاس مع الهلال قبل لا يعتزل

اعتقد ان سامي ماهو راضي عن مستواه لكن باذن الله راح يرجع ابوعبدالله بالمستوى اللي يرضيكم والمهم يااخوان مناقشة موضوع المدرب لأنه يتحمل مسئولية كبيره بتجميده لبعض اللاعبين لفترات طويله واشراك لاعبين اقل مستوى وخطط عقيمه .. نعم المدرب هو السبب واذا عرف السبب بطل العجب وسامي مظلوم جدا جدا في الفتره الماضيه ...


خاص للأخ بدر
توقيع الحبيب ابوناصر مع الاعتذار :

اعذروني لوزعلتكم
اللييتكلم علي سامي الجابر وسط هالظروف ما يعرف الهلال

كلام الناس لايقدم ولايؤخر

ماذا قدم رونالدو امام بايرن ميونخ ؟؟
وماذا قدم نيدفد امام روما .. ؟؟ وماذا وماذا !!

تراجع مستواه في مباراة نظرا للظروف التي يمر بها لا يعني انه انتهى .. فمازال امامه الكثير ليقدمه !!

شفا الله والده والبسه ثوب الصحة والعافية .. !!