احبتي الغاليين السلاااااام عليكم ورحمة الله وبركاته.....:
&......موضوعي اليوم عن السوالف<الحكايات>....ويازين السوالف لكانت مع ناس تحبهم...
ويازينها اذا كان البال رايق
ويازينها مع صاحب توده.....,,,
واليوم دام نبي نحكي عن السوالف....وش رايكم نقتحم هالعالم سواء من خلال الشيبان..
او الشباب او من خلال جمعات < البنات>...
طبعا السوالف تختلف وذلت اشكال والوان...واحيانا يحدد مجراها حسب المكان والمزاج..
والوقت.....
فالليل......مثلا باوله...تكون السوالف ذات طابع جدي نوعا ما...
اما ان كانت باخره فتكون ذات ايحاء رومنسي....
ايضا تعتمد على
المكان...بمعنى لو كانت بطلعات البر..فتكون
السالفه باول الليل...عن الكشته...ومن يبي يطبغ الغدى بكره ..وهلم جره...
اما اخر الليل...تنقلب السالفه الى افلام مرعبه....عن الجن وما الجن:
وهلم جرررره..
اذا وبما اننا نتحدث عن السوالف.....تعالو نشوف سوالف الشيبان...وش تتمحور حوله..
الشيبان طبعا اذا اجتمعو الله يسلمكم....مالهم حديث الا عن شقين.....
اما عن الماضي...وبطولاتهم فيهم..........
او عن الحريم....ونزواتهم....تجاههن.....
طبعا سوالف الماضي....مانستغني عنها كشباب لهذا الجيل لما فيها من الحكم الشي الكثير..
ولكن سوالفهم عن الحريم...اشد وأعظم....
فتلاقي هالشايب يستعرض مسيرته....معهن.....
والله يالربع....يازين من يجمع اربع بليله...وحده.....
<الحديث هنا للشايب طبعا...>..
واخر يمتتدح فلانه وعلانه من الناس....
وذاك يتمنى ابنة العشرين.....
بس الاهم هنا....اذا تبي تتعلم فن الوصف عن الفتيات....فلا تخاوي الا شايب....
..........................................................
هؤلاء هم شيباناّ الله يعطيهم الصحه والعافيه.....وللعلم فقط احاديثهم عن النساء..
هي من باب المزاح فقط...والتسلية...,,,
اما الشباب وما ادراك مالشباب......
فتختلف السوالف حسب تكوينهم وعقلياتهم....والفروقات الاجتماعيه...سواء اكان اعزب او متزوج....
فمثلا سوالف العزاب دائما...ماتكون حول امورهم الاجتماعيه والعلميه....
ولكن ان اختلف المكان....اختلفت معها ماكان......
فمثلا ان كانت باستراحه تجمعهم....
يبدأ الحديث عن موديلات السيارات.....وعن صراعات الموضه في الملابس...<ماخلوا للحريم شي>..هذا يمدح او بصمه...واخر يمدح ابو ابهام....
والشاطر فيهم من تكون طاقيته..تحت اذانه....
<شف الحكمه واغسل يدك>...
اما اذا اسدل الليل...ونطت الساعه الى الواحده فجرا....انتثرت السوالف عن البنيات..
فذاك معجب ببهاء<ستار اكادمي>...الله لايعيده من برنامج.....
واخر يفز قلبه لجا طاري < زينب العسكري>...وياقلب لاتحزن.......
وذاك يتمخطر بمغامراته في مطاردت الفتيات من سوق لسوق...ومن محل لمحل..
ومن رقم جوال< رسمي>..الى رقم بطاقة<سوا>....وهات ياتنطيل....
ومن يوم يذن المذن لصلاة الفجر....اثنين صلوا....والباقين للمبيت فلوا......
اما المتزوجون من الشباب.....
فلا فرق....بينهم وبين العزاب الا بشهادة الخبرة...فقط.....
فتجد حديث المتزوجون: عن نسائهن<زوجاتهن>....
اما مدح او جحد.....
ام العيال اليوم غثتنا بالمشاوير.....من تشوف فيه مبارة...الا وتنقز بخشتي...
قم انهض.....هيا بنا الى السوووووووق.....
عاد هالكلمة ياشينها وياهي تجيب صداع لبعضهم....
واخر يمتدح زوجته..: والله ام العيال عندي ماشاء الله تبارك الله...
مهتمه فيني..وبعيالها وبيتها.... صحيح عليها بعض الاوقات طلعات...لكن بشكل عام
<تنبلع....>....ها اسمعو يانسائنا....بعد كل هالمدح والصفات ويقول< تنبلع>...
بلعه جني.....<دعوت زوجه تقرء هالموضوع مو دعوتي>....
بس اقشرهم في هالاصناف...:
اللي يجيب طاريها من يوم اعرس عليها الا يومه....
حتى لليلة الدخله يوصفها لهم ولا المخرج< نجدت انزور>.....
سوت كذا وسويت كذاك....لحد ماطحت انا من السرير.....< عساك ماتقوم منها>...<<<هذي
دعوتي.....
...,,
......................................................
ايه وين وصلنا....: سوالف البنيات......< الله من واحد مايبي من هالموضوع الا هالمقطع>..
البنات الله يسلمكم....حديثهم اشكال والوان.....
وهم قسمين: عازبات ومتزوجات.....
العازبات....حديثهم....عن الموضه <المصطنعه>...وعن مدرساتهن...
والله انا معجبه بالمدرسه الفلانيه....
وطول اليوم مشغوله وش تبي تهديها....
واخرى تستهويها برامج الموضه هاليوميين...واقصد بها<ستار اكادمي>..وعلى الهوا سوا>..وغيرها....وكل همها من فاز...خلاوي والا برونوا.....
اما اقشرهم من تتحدث عن مغامراتها العاطفيه.....
اليوم يافلانه يا انا سحبت بكم واحد في النت....تصدقين...وربي ما اعرفهم عددهم
من كثر ماجمعت....من هالشباب..!! يقالها اللحين وصلت القمر...او جامعه <فقع>..
يمكن مالها دخل هالكلمة<نبات الكمأة>...لكن هذا تاثير الاجواء الربيعيه هاليوميين..
الله يزيدها....امين....
اما المتزوجات....فحدث ولاحرج.....
طبعا المتزوجات وحده من ثنتين...ياتجيك< مقلعه>....او <متزنه>.....وفي هالوقت...
ياكثر المقلعات..منهن....
اما وحده تغسل زوجها غسل...: فلان سوى وفلان فعل...لعنبو بليسه...من خذته..
ماشفت ساعه راحه....< طبخي...غسلي....من اتصل علي...جهزي ملابسي..شيلي بزرانك...>..وهلم جره...بس تدرون هذا الصدق اذا نبي الجد...بعض الازواج تقول انه متزوجها
بفيزة خادمة....
واخرى تمتدح ابو عيالها: الله لاتخلينا منه....ماوالله قصر بشي....قبل ما اطلب...يقول سمي>...
واقشرهم.....اللي تعيش بنظام طنش تعش تنتعش...:
هذي ماتدري اولها من اخرها....
يوم تعطيه اعيونها...ويوم تقلب عليه <180>..درجه...
ماعندها اختراع اسمه خير الامور الوسط.....
وهالنوعية من النساء يبيلها واحد مفصل تفصيل وبالمقاس....
بسسس عاد اذا اجتمعن هالمتزوجات مع بعضهن....تعال تفرج...< كيد النساء وماادراك ماكيدهم>...
هذي توصي فلانه...وذيك تزيد الطين بله.....واللي مايشتر يتفرج.....!!
اما اذا كانو <مفتلين>....تقول انهم بنات....<15>...هذي ترقص وهات ياهز...واخرى..
تفعص عيونها لما تدخل وحده محل الثانيه...< تسوى كركتر طبعا>...
طبعا هالشي عادي بينهم وبين بعض بس المصيبه من يدخل زوجها عليها...تقول انها ام<50>.
ها يابو فلان تبي القهوة....والقدوع.....< يقالك انها كشخه ورزينه>....
....................................................................
طبعا احبتي السوالف ماتنتهي....ولو نبي نحكي ماقضينا.......
بس بالعموم....ماتم ذكره اعلاه هي مشاهد واقعيه....جدا......لنوعيه وطقوس معينه...
تعيشها الفتيات والشباب والشيبان....باختلاف اتجهاتهم....وعاداتهم....
طبعا لم أت الا بالقليل....
واستخدمت عنوة...اللغة العاميه في بعض المواقع....لفائدة الموضوع....
والاهم هنا....احبتي فيما بين السطور...تناولت بعض مما نعانيه...سواء من مشاكل اجتماعيه..او اعلاميه....او سياسيه ... وتم توضيفها من خلال هالموضوع...بشكل يسهل تقبلها....
ختاما...امل ان اكون قد وفقت فيما طرحته لكم.................املا ان يكون لي لقاء...اخر بينكم..,,....
بقلـــم اخوكم:
خالـــد الحصان......< ابوفيصل>........,,,,,
يا خالد00 ( يرحم ابوك ) كيف جبتها 
الوضع العادي
