ألف شكرا على القصيده والتوضيح احلى

مير كنت مخططه اخذ قصيمي بس شكلي بهون
كلش الا الراتب :p

[ALIGN=CENTER]
هلا والله بمشرفنا الغالي

واخيرا شفنا لك موضوع

مشكور على الترجمة بس اما القصيدة ما فهمت منها شيء[/ALIGN]

8
8
8
8
8

كل هذا ومافهمتي <<<<<<<< عدال يالفاهمه


شـــــكررررا على القصيده الحلووووووه

[ALIGN=CENTER]نبدأ بالردود مستعينين بالله ..

# الحاتمي مر من هنا ..

إقتباس ويـقـول : صح لسان اللي قالها , و تحليل منطقي للقصيدة

الله يسلمك ويخليك ..أما حكاية التحليل ده شغليتي ..

إقتباس << بطنه جاه مغص من الضحك

ألف سلامة لك <--- مصدق
على فكرة ترى فيه علاج يوقف المغص على طول .. وهو زيت الخروع

ألف شكر لك ولمرورك من هنا ..



# الماسه الزرقاء ..

إقتباس يستاهل ما جاه

شيء أكيد ..

إقتباس بطبعها وبوريها المدرسات من ربعنا

والله ما أدري وش سالفتها ..لكن شكلك تدافعين عن المدرسة ..وإن كان هذا صحيح فهي ما تحتاج ..معها حلال القوم أخوها اللي توطى ببطن الزوج ..يحلفون إنه حلف إن جاه ولد يسميه على أخوها ..
شكرا لك ولمشاركتك ..



# البرفسور <--- أقدم عضو ..

إقتباس تصدق انه ما قصر بقا لها شي طيب

هذا وهو مبقي لها شيء طيب .. أجل وشلون لو إنه آخذ ( كلش )..

إقتباس اقول الله يعين الطلاب عليك

وش قصدك لكن نقول آمين

إقتباس ومشكور يابو الطوابيق على هالقصيده وصح السانك ولسان قايلها ولا هانو السامعين

لا هنت لا هنت ...الله يسلمك ويرضى عليك ..يا ابو القواطي

إقتباس ووين القهوه يا فرج ؟

حاضر يا عمي ..هذي القهوة جاهزة لكن المشكلة إني جالس ادق الهيل على المهباج
<---- طبعا حرف الجيم في السابق ينطق بلهجة ما أدري وش تبي
وهذي قهوتك

<--- تراني ما سرقتها من أحد
شكرا لك على المشاركة ..


# نواف طلال ..

إقتباس سلامة لسان قايلها ولا يهون ناقلها

لا هنت .. والله يطول عمرك ..

إقتباس بصراحه مع ان عشنا مع مغتربين من القصيم بس ماش لسى بعض الكلمات يبيلها ترجمه

من ناحية الترجمة ماهيب المشكلة في اللهجة القصيمية ولكن في القصيدة نفسها ..وذلك لأن المعنى في بطن الشاعر <---- والله الشرح بعد ..
وكان فيه شيء ماهوب واضح عندك العميد أبو سليمان ارجع له وهو يشرح لك كل شيء ..
ألف شكر لمشاركتك ..


# قرقاص ..

إقتباس صباح الخير يالبارق تسلم على هيك قصيدة فأنا من المهتمين بالشعر القصيمي ........احلف ياشيخ وخصوصا شعراء حقبة القرن الهجري الماضي ......... تتعب ماجبت كلمة حقبه في جمله ويساعدني في تتبع مثل هذه القصائد المامي بالكثير من مفردات تلك اللهجة عشان جيراننا قصمان

صباح النور والسرور ..
الحمد لله إني لقيت واحد من المهتمين بشعر القصمان لأنه الشعر الوحيد اللي ينافس الشعر الجاهلي مع إنه مابقى إلا قصيدة إمرؤ القيس بس ونفوز عليهم
بعدين يا اخي راعي مقاولات .. وجيرانكم قصمان ..وش بقى لك بهالدنيا ما حققته
بس فيه شيء ودي أقوله لك من زمان واشوى إنه جاء لها مجال
وش قصتك أنت والوجيه اللي تضحك ..( )..ليه تحط ثلاث بجنب بعض ( ) ما تدري إنك تصرف على الشبكة وجيه ..؟!!! بس زينتك إنك ما تنوع يعني موقف على هالصنف ..

إقتباس ماشاء الله اي مستوى شكل ماعندكم بند 105 بالقصيم

أقول هذي من الأولات أيام اللي تنجح تتوظف بجنب بيتها ..إيييه الحين تكد لها كمن سنة في الدراسة وبعد ما تتخرج تقعد لها كمن سنة لين يجيها عيال وبعدها تتعين في مدينة ( قلع ودران ) على بند 102 ماهوب مية وخمسة لأن مية وخمسة حطوه للرجاجيل

إقتباس لو طلبت منها تراها حليله ماتقول لا

يا اخوي شكلك مجرب الطريقة هذي ..لكن خوينا هذا لعب عليه إبليس وأكلها من جد ..

إقتباس الا ماوده يعطيها لعزازي ولا مزعل فرحان يغنيها تراها تصلح لهم

تصدق ..
أتوقع هي الوحيدة اللي بتنافس ( البارحة يوم الخلايق نياما ) طبعا لبشير
<--- حسبي الله على ابليسك يا قرقاص استهلكت لياقتي
ألف شكر لك على الرد ..


بروح أصلي ويمكن ما أرجع أرد إلا بعد استعادة اللياقة ..

يعني للردود بقية إن شاء الله،،،،


تحياتي للجميع ،،،[/ALIGN]

إقتباس والله ما أدري وش سالفتها ..لكن شكلك تدافعين عن المدرسة

شككتني يالبارق أنا من أي ديرة وبأي لهجة أتكلم

[ALIGN=CENTER]نعود مرة أخرى ..

طبعاً شربت بايسون من اللي جابه لي صدى الدجة ..


## srabالهلال
يا مرحبا بك ..

إقتباس مسكين اللي مايكل نقانيق مايكل غيرمن العلب والقواطي

آآآآآآطي
تسلم والله يالغالي على المشاركة ..وشكرا لك ..



## الغالي القاضي ..

إقتباس بصراحة ... التعليق لحاله يخليك تضحك سنة

وأنت عساك للحين قاعد تضحك ..
ما أدري ليه لما أشوف اسم القاضي من ضمن الردود على موضوع ترتفع معنوياتي
ألف شكر لك يا ابو عبدالله ..وشرفتنا بالرد ..



## بطل الفيلم..

إقتباس هلا بارقنا وجعلك تسلم لنا مشكور على القصيدة00أولاً ومشكور على ( الترجمة )00ثانياً

يا جعلك تحيا وتدوم يالغالي ..
والشكر لك على الرد والمشاركة ..
فيه نقطة بعد ودي أقولها لك .. تصدق ردودك تذكرني بعناوين الرياضية ...ما أدري ليه ..
والله يخليك لنا دوم يارب ..



## الأزرق العالي ..

إقتباس ألف شكر أخوي البارق على نقل هالقصيدة ..

الشكر لك على المرور <--- المرور وإلا الشرطة ..

إقتباس الله من زين الترجمة ..!!

وش قصدك
وأنا اللي كنت ناوي أفتح مكتب ترجمة ( عربي / قصيمي ) لكنك أحبطتني أنت ووجهك ..

إقتباس و بصراحة الرجال يستاهل ما جاه ..

أكيد ..!! بس شكلك تقول كذا خايف من أخوها يجي يضربك أنت بعد ..

إقتباس المهم : اطلع " خمسين " ..

كم تستقبلني عندك ..

ألف شكر لك على المشاركة يالغالي ،،،




## المعترض ..
أكيد الفرقا صعيبة ..
وراجع ردي على الأزرق العالي ..
وشكرا لك على المشاركة ..



## ما عرفتك ..
الشكر لك على الرد والمشاركة ..
وتسلم لنا يالغالي ..



## معذبهم ..
أيضاً راجع ردي على المعترض اللي قلت له راجع ردي على الأزرق العالي ..
وألف شكر لك على المشاركة يالغالي ..



## دويج 888 <--- تذكرت جمجوم الله يذكره بالخير ..

إقتباس المغاط هو عباره عن مغاط تمغطه وانت حول علبات احد مثل البارق وتطلق يدك يصدر صوت طراااااااخ ويلسع مثل لسعة التسعتلاف

آآآآخ بس لو إن هالشرح جايني قبل أكتب الموضوع ..
لكن ..تصدق كنت بكتب شيء عن المغاط وبلشت .. ما أدري وش أكتب صارت مثل ( ليش اسمك عاجبك )..

إقتباس اوله يالبارق عسى يكون عاشورا سببآ في عودتك للكتابه من جديد بعد انقطاع كمن سنة

وش قصدك ..
تراني دايم أكتب مواضيع بس في غرفة الإدارة ..
بعدين ترى اسمه (( عاشوراء )) <--- يقالي ماسكن عليك شيء ..

ألف شكر لك .. وخمس وعشرين تحية ..أيضاً لك وللي عن يمينك ويسارك ..
إلا وش أخبر صدى الأمس



## أحمد خمس طعش ..
ألف شكر لك ولمشاركتك يالغالي ..



## أسيرة الأحلام ..

إقتباس ألف شكرا على القصيده والتوضيح احلى

الشكر لك أختي على المشاركة ..وعلمي الأزرق العالي اللي يسب الترجمة
تحياتي لك ،،،



## اسيرة الهلال ..

إقتباس مير كنت مخططه اخذ قصيمي بس شكلي بهون كلش الا الراتب

وإلا بالله تسمين اللي يستلمنه المدرسات الحين راتب !!
نصفه قطية في المدرسة .. وربعه للنقل !! والربع الأخير دفاتر وزباريق
يعني زين إن ما تسلفت من زوجها بعد
شكرا لك أختي ..



## كيفي كويتية ..

إقتباس هلا والله بمشرفنا الغالي واخيرا شفنا لك موضوع

والله اللي يسمعكم يقول إني مطول عن المواضيع .. كلها كمن شهر

إقتباس مشكور على الترجمة بس اما القصيدة ما فهمت منها شيء

زين اللي استفدتي من الترجمة ..
وألف شكر لك على المشاركة ...



## التمياطية ..

إقتباس كل هذا ومافهمتي <<<<<<<< عدال يالفاهمه

إي والله علميها
وشكرا لك على المرور والمشاركة ..



## الماسة الزرقاء ..
يا أخووووي <--- متعود يقولها ..
أقول يا اختي قولي بسوي لها ( Print ) وبعدين ( View ) لأني بصراحة راح فكري للطبع من الطبايع لأن المفروض تقولين ( بأطبعها ) <----
طبعا أكيد البلى في توصيلك للمعلومة وإلا فهمي الحمد لله تمام



وكل الشكر لمن شارك بالقراءة أو أبدى شكره عبر الرسائل الخاصة <---- الله من النصب


وللجميع تحياتي ،،،[/ALIGN]

البارق .. الشخصية التي لم تظهر جميع إمكانياتها حتى الآن !!

ياترى .. لو كان البارق يعمل في مجال غير مجال " التدريس " ... هل كان سيظهر بشكل آخر ؟؟

صدقني .. ليس مجاملة لك كصديق وزميل .. ولكن أنا متيقن بأنك لم تظهر سوى 10% من إمكانيات الكتابة الساخرة التي تمتلك أدواتها بكل احترافية ،،

الشاهد .. أني ضحكت كثيراً ليس على القصيدة للأسف الشديد .. ولكن على تعليقاتك !!

دمت بخير

إقتباس السماطي : هو سفرة تفرش حتى يؤكل عليها

ههههههههه

إقتباس إقتباس من مشاركة البارق2000 [ALIGN=CENTER] وإلا بالله تسمين اللي يستلمنه المدرسات الحين راتب !! نصفه قطية في المدرسة .. وربعه للنقل !! والربع الأخير دفاتر وزباريق يعني زين إن ما تسلفت من زوجها بعد [/ALIGN]

[ALIGN=JUSTIFY]أخذت بيد زوجتي و هي زميلة لك في الوزارة لأريها هذا التعليق .. و أنا منكفيءٌ على نفسي من شدة الضحك ..

ما أجمل أن تقتص من غيرك .. بيد غيرك .. و تبقى انت بريئاً .. لطالما سخرت مني زوجتي من عملي و ساعاته الطويلة .. فجئت أنت ، أيها البارق ، لتنتقم لي .. و تتحمل انت انتقادها اللاذع ...[/ALIGN]

[ALIGN=CENTER]


وعليكم السلام ورحمة الله وبركاته ،،

إقتباس ********>doPoetry()

بوتري = شعر

بس ليش حاط دو قبلها !!

إقتباس وهذي هي القصيدة ، والتي بصراحة لا أعلم من هو قائلها ولكني أعجبتني من أول يوم سمعتها وبعد ذلك قرأتها أكثر من مرة

الموضوع ياتحرر ياصارت فيه مشكله .. لاني داخلته اكثر من مره وكان كل بيت من القصيده موجود .. وتعليقك تحته !!

عموما ،،
تعليقاتك رووعه ... وماشاء الله عليك بتصير احسن مترجم ( عربي / قصيمي )
وعقباال ( إنجليزي / قصيمي )
بس هاه لاتنسى فيفتي فيفتي

برايفت لاخوي القاضي :-

إقتباس فجئت أنت ، أيها البارق ، لتنتقم لي .. و تتحمل انت انتقادها اللاذع ...

خطيرررره زوجتك .. الله يخليها لك ويحفظها من كل شر

تحياتي للجميع ،،
أختكم / الفيروسه


[/ALIGN]