ليش انت هلالي ومن متى?????????? - نادي الهلال السعودي - شبكة الزعيم

shagrawi hilali · #1 04/04/2001, 10:54 AM

انا حببني في الهلال خالي. كنت ابو 7 او 8 سنين.
كان ومازال متعصب. كنت دايم اقعد عنده في الملحق اذا رحنا
لجدتي.
يوم من الايام..كان مواعد اخوياه يروحون لمباراة الهلال و الكوكب.
المهم...ما قدروا يروحون واعتذروا.
فسالني..."ودك تجي معي للملعب!!"
قلت..."اسال امي لان امي ماتحب الكوره"
راح لامي و قالها "انا باخذ shagrawi معي للعيال و ابجيبه لبيتكم اذا مشينا من عندهم"
قالت "ok".........(يا حليل امي...لي اكثر من سنه ماشفتها)

قعد وحنا رايحن للملعب يمدحلي اللاعبين والفريق وقال تشوف اذا
ما فازوا اليوم.
و قعدت في الملعب بارد نوعا ما الي ان احرز الهلال هدف!!!!!!!!
ومن فرحة خالي قعد ينقز و يصرخ و فجاه شالني و بصوت عالي
يقول لي "هدف!!هدف!!!" وانا لا شعوريا قعد اصرخ "goooool"
وكنت فرحان بقوه لاني اول مره اشوف هدف و اول مره اشوف خالي
مبسوط.
ومن بعد ذاك اليوم واناهلالي وكل مالي احبه اكثر.
علماان الهلال فاز 2-1

شكرا لخالي اللي حببني في اعظم نادي في التاريخ.

الموقع: USA
المهنه: طالب
العمر: 22

تحياتي لكم

[عدلت بواسطة shagrawi hilali التاريخ:04-04-2001 الساعة: 10:59 AM]

يوسف الرشود · #2 04/04/2001, 11:11 AM

اولا اشكر الاخ شقراوي على هذا الموضوع الشيق..
ثانيا انا قصتي قصه .... اولا انا انحدر من عائله هلاليه بحته (بمعنى الكلمه)

وبعدين من يوم اني صغير واشوف ذا الفريق اللي دايم يلعب لعب حلو ويجيب بطولات وبدا الحب الحقيقي في نهائي 1409 الشهير عندما صعق الهلال النصر بثلاثه اهداف نظيفه .... .
ومن يومها احزن وافرح للهلال فقط ولاغير الهلال .

هلالي الرياض · #3 04/04/2001, 11:30 AM

السؤال الصحيح يا شرقاوي هو : ليش ما تكون هلالي ؟

الله يخلي لنا الهلال قولوا امين

سور الصين · #4 04/04/2001, 12:20 PM

لأنني ولدت على الفطرة !!!
اما من متى فقد بدأءت من المهد وسأضل الى اللحد....
وتحياتي للجميع

الاسباني · #5 04/04/2001, 12:25 PM

ربع كثير عنك ياشقراء ينهون ربع قليل ما يعرفون المودة
مباشرة من أسبانيا إلى شقراء لأهل حي ...........
لازم ترد يا شقراوي عاجلا ً

فلافل · #6 04/04/2001, 01:20 PM

اههه حظكم انا يوم كنت صغير كنت متخلف اللم لا شماتة كنت نصراوي

ولما اصبح عمري 10 سنوات وعرفت الصح من الغلط اصبح عشقي لزعيم.

ومعروف عند اخوياي الحين بالمتعصب الهلالي.

(احبك ياهلال...احبك ياهلال...احبك ياهلال)

المتقد · #7 04/04/2001, 02:47 PM

واتلله سؤال حلو

انا بالنسبه لي السبب الأول اني ما عرفت فريق نظيف وجماهيره نظيفه غير الهلال فكان من الطبيعي بحكم حبي للنظافه ان اكون هلالي 00من الروضه والتمهيدي (روضه وتمهيدي من ثلاثين سنه00قويه)

الغالي · #8 04/04/2001, 02:48 PM

انا من عرفت نفسي وانا هلالي رغم ان الاهل في البيت مالهم اهتمامات كرويه بس انا الظاهر طلعت على خوالي هلاليين صميم رغم تواجدي في المنطقه الشرقيه هذيك الايام واتذكر الهلال ايام بطوله الخليج بالرياض بعدها بديت اهتم اكثر واكثر بكره القدم والهلال بالخصوص . رغم محاولات عمي الفاشله لجعلي نصراوي ولكن هيهات من قلب تعلق بالازرق مافيه امل

RAID2001 · #9 04/04/2001, 03:05 PM

انا من يوم ماعرفت الهلال عشقته..............................ام ليش فاكيد انك منت من هاالدنيا ها ها ها.......

صقر مبرقع · #10 04/04/2001, 03:34 PM

قـلـبـي تـولـع بـالـهـلال
حبً ورثـته مـن الجـدود

والله من خبرت نفسي ونا هلالي والعائله كلها مشالله هلاليه .. اما ليه

حبيته صراحه سؤال ماله جواب ..