انا حببني في الهلال خالي. كنت ابو 7 او 8 سنين.
كان ومازال متعصب. كنت دايم اقعد عنده في الملحق اذا رحنا
لجدتي.
يوم من الايام..كان مواعد اخوياه يروحون لمباراة الهلال و الكوكب.
المهم...ما قدروا يروحون واعتذروا.
فسالني..."ودك تجي معي للملعب!!"
قلت..."اسال امي لان امي ماتحب الكوره"
راح لامي و قالها "انا باخذ shagrawi معي للعيال و ابجيبه لبيتكم اذا مشينا من عندهم"
قالت "ok".........(يا حليل امي...لي اكثر من سنه ماشفتها)

قعد وحنا رايحن للملعب يمدحلي اللاعبين والفريق وقال تشوف اذا
ما فازوا اليوم.
و قعدت في الملعب بارد نوعا ما الي ان احرز الهلال هدف!!!!!!!!
ومن فرحة خالي قعد ينقز و يصرخ و فجاه شالني و بصوت عالي
يقول لي "هدف!!هدف!!!" وانا لا شعوريا قعد اصرخ "goooool"
وكنت فرحان بقوه لاني اول مره اشوف هدف و اول مره اشوف خالي
مبسوط.
ومن بعد ذاك اليوم واناهلالي وكل مالي احبه اكثر.
علماان الهلال فاز 2-1

شكرا لخالي اللي حببني في اعظم نادي في التاريخ.


الموقع: USA
المهنه: طالب
العمر: 22

تحياتي لكم

[عدلت بواسطة shagrawi hilali التاريخ:04-04-2001 الساعة: 10:59 AM]