اي والله رددو ياللي تبون الجمهور مثل مباراة الهلال والترجي ولا كأس المؤسس لعدة عوامل




اهمها:

1- النقل المباشر ماشاء الله من جميع الشبكات الهلاليه بانواعها واشكالها ويتسابقون عليها

اخواننا مايدرون انها ضارة على الفريق من ناحية حضور الجمهور


وانا اقول رأيي المتواضع لو يصير فيه مسابقه او توقع مثلا وبعد المباراة نرجع نشوف من الفائز
بالتوقع كان صارت تحسب للمنتدى اكثر من اني احرض الجمهور اني مااحضر الملعب


واذا كان العذر اللي خارج المملكه فيا احبتي واحد من العيال في ولاية اركانسس في امريكا ومايفوت
ولامباراة للهلال (المنقوله على اوربت ) فاللي يبي الهلال يلقاه والله لو انه في جحر ضب



2- تخوف الجمهور من تخبط جديد من اديموس وانه مايلعب اللاعبين اصحاب الخبره على حساب
العنزي وطقته ( بس انا اقول التشكيله يوم الاربعاء غير صدقوني غيرر )


3- الاسماء في مباراة الترجي ونهائي المؤسس تخخخخخختلف عن الاسماء اللي موجوده الحين
ولو ان فيه من ريحتهم (سامي وشريده والدعيع والمطيري) بس حتى يظل ابو يعقوب وابو اثنين
والتيماوي وخميس سبب في الفرق بين التشكيلتين ;)


اخر شي انا متفائل بالحضور بكرى مع اني دايم اتفائل ومايجي الا انا وابو دوخي واخوياه والحزين
واخوياه وياقلب لاتحزن نشجع لحالنا كاننا في مباراة حواري

ولاتنسون بكرى لو الملعب منيب قايل يمتلىء لانها صعبه ( مو شوي الا بقوووه ) نبغاه بس الواجهه
ويفوز الهلال بنتيجه قويه ان شاء الله ( فهي تعتبر الخلطه السريه لعودة الامير هذلول بن عبدالعزيز)



تقبلو تحياتي
اخوكم مجنون ابوعبدالله

تكفون بيضو وجه الازرق بكرى تكفون