|
عليك باللي يرفع الراس طاريه ,,, وان ماحصل ماهو ضروري تخاوي .. القصيدة كاملة
أبيات جميلة ومعبرة أنتشرت في رسائل الجوال ,, وربما أنها قد مرت على أغلبكم :
افطن لوقتك لو بدا لك بصافيه ,,, الوقت ما يرحم ولاهوب ياوي
راع الردى ياصاح بالك تخاويه ,,, من رفقته لا زم تشوف البلاوي
عليك باللي يرفع الراس طاريه ,,, وإن ما حصل ماهو ضروري تخاوي
ولا إعجابي بها أحببت أن تشاركوني في قراءتها والإستمتاع بها
وهي للشاعر الكويتي المبدع / سعود الفهد
يقول فيها :
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
ياصاح أنا قلبي همومه تجزيه ,,, ولا عادني يا صاح للصبر قـاوي
ان كان بعض الناس غير مباديه ,,, على المهانة ما يعيش النداوي
المنزل اللي زابنه ما يذريه ,,, مالي بقربه لو مباتي خلاوي
ما شوفلي مجلاس يا صاحبي فيه ,,, مظلم ولو انه بالأنوار ضاوي
الطيب ما كل يكمل مساعيه ,,, ولا يصعد الهامة ضعيف يراوي
من لا يهوم المجد شفق لعاليه ,,, يبقى مدى عمره قصير الخطاوي
ومن لا يحسب حساب ميلة لياليه ,,, يعيش في تالي حياته شقاوي
افطن لو قتك لو بدا لك بصافيه ,,, الوقت ما يرحم ولاهوب ياوي
كم واحد شاف السعادة بما فيه ,,, واليوم من كثر الغرابيل ثاوي
والحلم لا من زاد يطمع براعيه ,,, يطمع على العاقل ردي الهقاوي
يقوله اللي ما يضيع معانيه ,,, جد قيل من جرب يفوق المداوي
راع الردى ياصاح بالك تخاويه ,,, من رفقته لازم تشوف البلاوي
عليك باللي يرفع الراس طاريه ,,, وان ماحصل ماهو ضروري تخاوي
اقولها والكل عقله مجديه ,,, بالناس مندل وبالناس غاوي
[/poet] |
و صح لسان الشاعر / سعود الفهد ;)
الوضع العادي
