للــبـــنات فقط - نادي الهلال السعودي - شبكة الزعيم

الكاسر888 · #1 03/04/2001, 05:43 PM

استمع لقصيدة الشاعر ناصر القحطاني

ردا على ادعاءات ان نساءنا متخلفات بحجابهن

للاستماع بالريل بلير

او هنا بالريل بلير

اللي ما عنده ريل بلير استمع بصيغةwav

--------------
النساء روح المساء
والليل لو فكر يبان
كان ما فيه أغنيات
وكان ماله ذكريات
وكان ما فينا عظيم
وما لأمانيناحليف
وبنا قلب وليف
ولا لنا قصداً شريف

النساء نصف الحياة
كل النساء كل الحياة
آه يا أسرار الخوات
آه يا أحلام البنات
آه يالطيش الطفولي
آه يالحسن الشفيف
آه يالعشق العفيف
آه يالجنس اللطيف

علمن حتى المرآيا
والشبابيك اللغات
والرسايل والدواة
صارت أعذب مفردات
كم بكن كف مبصر
وأضحكن وأبصر كفيف
وارمشن واهتز سيف
واهمسن وامتد ريف
كم غدن لخوانهن
عزوة صناديد عصاة
بين صفق المرهفات
وبين ضبح العاديات
طاحت أشناب وكراسي
وانطلق دمع ونزيف
واعتلا الخف المنيف
والمقابر تستضيف

النساء ضلع عوج
لولاه كل العدل مات
مالهن عنهن فوات
وما لنا عنهن غناة
تبرق الدنيا على يديهن
ويغرينا القنيص
نطمع بتكريم ضيف
وناقف بيوم عصيف

النساء موج
على بحره منايا وامنيات
والنساء مركب نجاة
نسأل الله الثبات
هن لباس
وهن فراش
وهن معاش
وهن رغيف
أن فتك جوع مخيف
وانحدر رجال حيف
النساء حتى شراب الجنة العذب الفرات
تحت ماطى الأمهات
يالهن من مكرمات
كل ما عود من الكد أقبل ابن آدم ضعيف
دهور البيبان طيف
مثل نسناس المصيف

في بلادي يحسبون النساء متخلفات
في المساء مستوطنات
وفي الضحى مستعمرات
مادروا عنها البيارق
شمخ العرض النظيف
فزعة الدين الحنيف
شجرة العز الكثيف
غادة وسجادة
وكفين وحجاب وصلاة
من صبايا محصنات
من عروق طيبات
أطهر من ألفين منظر
كلها فتنة وزين
في رجا الصبح الكسيف
وأجرة الليل السخيف

كم مكان يعرض أعراض آنسات وسيدات
والهوى له بايعات
والغلاف وله فتاة
والحسن تشبير عنق
وطول وخصر نحيف
وشي ما ينشاف شيف
لأجل الأول والوصيف

شهب تشابه رسوم الشاشة المتحركات
ما لزمتهن طرات
ولا لهن ملح وحلات
لا ربيع فيه خير
ولا به إلا بروق صيف
والشتاء مابه رفيف
يحيي أوراق الخريف

لي مناحل لي خلايا كلها سكر نبات
لي حصون ناعمات
لي غصون شامخات
لي قوارير ملاها العقل والدم الخفيف
خلفها العمر الكليف
ودونها الحد الرهيف
يازمن وش جاب حلوى غلفوها بالعباة
جنب حلوى للمشاة وللغبار وللشتات
شف بدل ما هي لواحد صارت لجمع لفيف
كيف أنا أخبّرك كيف !.. شوفها فوق الرصيف

عاشق النمر · #2 03/04/2001, 05:57 PM

اوه اسف دخلت ؟؟؟ تغطوا

؟
؟
؟
؟
؟
؟
؟
؟
؟
؟
؟
؟
؟
؟
وين أجل باب الرجال

؟
؟
؟
؟؟
؟
؟
؟
؟
؟
؟
؟
الله يعطيك العافية كلام ورد بليغ

جابر عثرات الهلال · #3 03/04/2001, 06:11 PM

اهلين وسهلين ..اخوي الكاسر888 ...يعطيك العافيه ..مشكور

احم احم ..درب درب

تحياتي & اشواقي

العاني 2000 · #4 03/04/2001, 10:40 PM

معليش داخل غلط

بس الشعر رهيييييييييييييييييييييييييييييييييب

الله يسلمك

ماروكو · #5 04/04/2001, 09:54 PM

اقول انتم وش دخلكم هنا..عيب
مشكور يالكاسر والله الشعر رهيب

العنقاء · #6 05/04/2001, 01:19 AM

اخوي الكاسر 888 ..

بصراحه شعر جميل واحلى شي فيه اعجبني :

يازمن وش جاب حلوى غلفوها بالعباة
جنب حلوى للمشاة وللغبار وللشتات

واتوقع اي وحده تقرا هالبيت راح تنبسط وتحس بالفخر مثلي

الكاسر888 · #7 05/04/2001, 01:07 PM

عاشق النمر : ههه ياشين الملقف

جابر العثرات مشكور ياكركور

العاني 2000 انت الرهيب

ماروكو

خلهم يستانسون وكل ممنوع مرغوب

العنقاء: نعم لقد ابدع الشاعر كثر الله خيره

[عدلت بواسطة الكاسر888 التاريخ:05-04-2001 الساعة: 04:24 PM]

عـــــمـــــــاد · #8 05/04/2001, 10:20 PM

انا دخلت اليوم الصبح و قريت رد بنت البلد -اللي بديت اشك انها ولد البلد- وكان كاتب رد ثقيل الدم , شكرا لانكم حذفتوه و ياليت لو تحذفونه هو بعد لان ريحته طلعت ...

فهد القرشي · #9 06/04/2001, 01:24 AM

ياليتكم ماحذفتوا رد طفله البلد00والله اني جالس الف المواضيع

كلها علشان احصل بريدها00لكن للاسف ما دريت الامتاخر0000

تكفوووووون عطوني بريدها الخاص0

عاشقة الهــلال · #10 08/04/2001, 06:55 PM

اقول انت وياه وياه.. وش جايبكم هنا.... يا شين اللقافة.. كني قارية العنوان للبنات فقط هااااه.....هههههه امزح.. بس لاتعودونها....

...
الشعر اكثر من رائع...
تسلم يالكاسر....
لكم تحياتي