احداث القصه تدور في مستشفى التخصصي بالرياض وبالتحديد الساعه العاشره صباحاً من يوم الاربعاء المشئوم 6/ اغسطس / 2003 م اااااااخ يالقهر ...
المهم ماني مطولها عليكم كنت جالس في امان في مكتبي الا شوي ويرن التلفون هلا ابو صويلح هلا ياجنط <<<< يالله صباح الخير هاه اخلص وش عندك ابد يالتيش عندي فطور يحبه قلبك
انا : وشو الفطور
ابو صويلح : عصيده خخخخخخخخخخخخ <<<< عصيده بالصيف وش عصيدته يالدب عندي امليت يحبة قلبك تعال
والله وانزل الي ابو صويلح وافطر معه طبعا ابو صويلح موظف في المواعيد بالمستشفى ويوم خلصنا الفطور ... تمدد ابو صويلح شوي وقال اسمع يابو الحوانيت انا بروح اصمخ لي زقارتين برا المبنى واجيك بس تكفى والي يرحم والديك خلك في مكتبي كلها عشر دقائق وانا جايك .
والله وتاخذني الفزعه قلت ابشر <<< مع ملاحظة اني مطنش مراجعيني .... وراح ابو تبن قصدي ابو صويلح يركض يبي يشفط له زقاره وانا اتكي على المكتب حق المواعيد ابي اسوي نفسي مهم مدري وش اسوي والله وافتح الكمبيوتر والقا لعبه بلوت فيه قلت ايه اشوا اسوي نفسي اني شغيل واكشخ على الكمبيوتر واحط كل الي معي في اللعبه اسمائهم بنات وحده سهام وحده شعاع وحده حطيتها العبده زليخه <<<<<<<< حاقد عليها ورايح فيها لعب الا شوي وانا متحمس مع اللعبه واحد يطق على الشباك حق المواعيد يقول لي ( اكسكيوزمي )) صوت غريب اول مره اسمعه شي خرافي يجنن والتفت عليه الا ذيك العيون من ورا اللثام الي تجنن طاقه عدسات وتضليل على العيون والرموش لونه مادري وشو بس شي يجنن انا بيني وبينكم تسمرت وعجزت اقوم عن الكرسي شي ماعمري شفته انا كل الي يراجعوني شيبان طايحه سنونهم جعلهم للي ماني قايل وريحتهم كلها صنان كنه ريحة مخ قرد يتيم ...
لكن هذي غير شكل <<< متأثر في جده غير ريحه ياسمين وعيون زرقا اليمامه ومنظر تحفه ...
تلعثمت مدري وش اقول ...
البنت :- اكسكيوزمي للمره الثانيه << انا >> هلا امري
البنت ممكن اخوي تشوف لي رقم الملف هذا متى موعده << انا >> بيني وبينكم تورطت مدري وشلون اطلع برنامج المواعيد لكن لازم اطلعه وبعد حوسه في الجهاز طلعته قالت امر ياقمر كم رقم ملفك
قالت وهي كلها رقه وحنان : فايف فايف سفن زيرو .... الي اخر الرقم قلت بس تبين موعد ابشري والله واشوف الموعد الا بعد سنه من تاريخه قلت موعدك بعد سنه ياقمر لكن في عيادتي الخاصه بعد عشر دقايق احطه قالت هي نعم ايش تقول قلت لالالالالا ولا شي قالت الله يخليك ياعمري <<<<<< انا سمعت ياعمري تحلحلت كل براغيي وصواميلي حتى عامود الكردان تحلحل قالت ممكن تحطه لي بعد شهر عشان انا مسافره باغيس بعد يومين وارجع بعد شهر قلت بس غالي والطلب رخيص والله واحوس وادور وابحث والقا بعد شهر فيه واحد رايح فيها قلت هذا يبي يموت خله يولي وامحط بموعدها بداله قلت اوكيه ان شاء الله اقدر اسوي لك موعد قريب <<<< يبي يطول الحكي معها
قلت ممكن سؤال قالت تفضل وهي عيونها تنثر برائه من ورا العدسات قلت وشي باغيس الي تبي تسافرين لها وهذا وين قالت باغيس عاصمة فرانش ........ لا حول انا ماعرفت باغيس تبيني اعرف فرانش قالت يعني باريس قلت اهااااااااااااااااااااااا ااا وانا فاتح فمي كني غراب البين قلت اروح ياشيخه باريس واصير لندن قالت : what قلت لا ولا شي (( ستردي ستردي )) <<< كنت اتوقع هالكلمه تعني ريح اعصابك ولا تعصب يوم سمعتني اقول كذا والله وتطق ذيك الضحكه الي كنها صوت بلابل أي بلابل قول كناري قول بجع <<<<< بجع بعينك
المهم قالت هاه لقيت لي حجز
قلت أي حجز الله يهديك هذا مستشفى مو مطار قالت سوري ايام سوري ورديت عليها أي لاف يو <<<<<< مسوي نفسه يعرف انجليزي قالت وش تقول انت قلت اقول لا معليش يحصل في اطلقها عائله .
والله النشبه شكل الانجليزي ضرب معي اليوم وعجزت اجمع وش اقول .
المهم طلعت ورقة الموعد وفيه بأسفل ورقة الموعد رقم مجاني للمستشفى واجيب قلم وامسحه واطق بداله رقمي قلت أي معلومات تبينها دقي هالرقم رايح تلقيني اجاوبك صاروخ والله وتضحك وتغمز بعينها لي يعني انها فهمت السالفه انا هنا تنثرت وامد لها الورقه ويجي اصبعي الصغير على اصبعها الصغير <<<< فيلم هندي هذا والله يوم لمست اصابعنا مع بعض الا كنه كهرب 500 فولت صاعقني اول مره امسك زبده حق .
والا وهي تنزل راسها تبي تقرا الموعد متى ماقصدها الموعد هي بس تبي توريني باقي وجهها وانا الي اطلطل من تحت لتحت وياليتني ماطليت ولا جيت وشفت ولا افطرت جعله هلول هالفطور على ابو صويلح
الا يوم طلعت البلاوي السنون طافحه لقدام والبراطم كنهم شفايف بعير يعني هالعدسات مسويه تظليل وغش والله واسحب الورقه منها حقت الموعد وامسح رقمي واحط رقم الدوريات والنجده قلت هذولا يساعدونك وتنقلب نفسي شينه قالت يؤيؤيؤيؤيؤ ليش غيرت النمبر قلت لها نمبر ينقز بحلقك ويصير بدل اللوز بلا انجليزي بلا هم بلا عدسااااااااااااااااتباااااااااااااااااغيس وفرانش هاااااااااااااااااااااااا اه جعلك ماتتعدين الصمان يارب لعنبوا بليسك انتي حدك النعيريه وتخب عليك
هي طارت عيونها واكيد بينها وبين نفسها قالت هذا متخلف بلاوي والله متخلف من هالشكل الي شفته يخرع الذيابه
ومن اليوم اجمع بالانجليزي وحالتي حاله وستردي واي لاف يو واخرتها هالقرده
والله واصفق بالباب حق مكتب صويلح واروح على السياره على طول واجيكم مدحرح

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههه

اقسم بالله فقعت بطني من الضحك وووووووووووووووووووواه

اجل رقم الدوريات والنجده

اذا انحطيت في موقف زي ذا مره ثانيه بس تكون محتاج انجليزي

دق علي على البيجر وانا ارد عليك ماعليك حاطلك مسج بالبيجر فيه رقم جوالي ودق عليه >>>>>>>>>>>>>> البيجر وماسددته والجوال الحد صك خخخخخخخخخخخخ

مشكور اخوي وماقصرت قصه رجه صحيح
للرفففففففففففع وبقوه

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههه
احمد ربي دوامي ما تمرني فيه ولا بنت