[ALIGN=CENTER]منتزه سلالالالام اي كلالالالالالالام
لما قريت موضوع الحاتمي
قلت ياولد لازم نشوفه ودايم
ينشر عنه خبر في الجرايد
قلت مره وخر منتزه ولا في الاحلام
واخذت اهلي ورحت له مشوار و انواع التلفيق في الاخبار
انه ممتع ومنظر خلاب وجميل ماروعك
ولقيت
انواع اللخبطه وسوء تنظيم حتى مواقف السيارات
جدا صغيره وقليله ولا فيه اي خدمات مميزه
ومع كامل احترامي الا انه ( فاشل )
فكثرة زواره وخصوصا من المناطق المجاوره له
من اجانب جعلته سيء كثيرا وليس قليلا
حتى العوائل السعوديه قليله
والذين معهم رجالهم قليل ايضا
ياعائله اجنبيه او عائله سعوديه بدون رجل فقط نسااااء
والكل جالس جنب بعض متراصيييييييييييييين بقوووه
ولا يفوتكم عاااد حجز المكان اللي على طريق الملك فهد
تقول جالسين على النيل والا جالسين على عين والا
على بحيره فكتوريا
مغير شارع انواع الزحمات فيه وهالحريم انواع الترزز
والله خذت لفه فيه وقلت توكلنا على الله ماينفع ابد ابد
واللي يقول ان المنتزه عال العال
مع كل تقديري له مابعد شاف مواقع افضل بكثير .

مقتطفات سريعه :
كثرة النساء الذي بدون محرم وخصوصا الاجانب !!
كثرة الفتيات اللاتي يمشين لوحدهن !!
انواع القزقزه في اللي رايح وجاي !!
افتقاد كامل لعناصر الخصوصيه !!
اهم شيء تدفع تذكر ب 4 ريال والباقي ماعليهم منه !!
ووقت الصلاة تقفل البوابات والعالم كله تنتظر برا
لاهم خلو الناس تخش تصلي ولا فيه مسجد قريب
يصلون فيه رجال ونساء
انواع البربسه فيه بصراحه !!
ميزه وحده فيه وهي المساحات بتاعته خضرا
بحكم ان الرياض تفتقد لهذه الميزه والا بعد هي في
دول ثانيه ماتعتبر ميزه ابد :p
يعني بالعربي المنتزه ( فالصوا ) في نظري
او ممكن انه لفئه معينه يجوز ويعجبها ؟
( مجرد رأي ) [/ALIGN]

إقتباس حتى العوائل السعوديه قليله

لا اتفق معك في هذه النقطه بالعكس كثيره واللي اكثر منهم الاجانب

إقتباس كثرة الفتيات اللاتي يمشين لوحدهن

اتفق معك في هذا الشيء

إقتباس او ممكن انه لفئه معينه يجوز ويعجبها

المنتزه في حد علمي انه مو لرجل اعمال بل للامانه العامه لمدينة الرياض
معناتها انه ليس لفئه معينه وانما زواره الاغلب اجانب هم من جعلوه لفئه معينه
لانك مثل ماقلت اخوي هلالي الخصوصيه مفقوده في هذا المكان والسبب الاجانب
وبعض عاداتهم الدخيله .

إقتباس واللي يقول ان المنتزه عال العال مع كل تقديري له مابعد شاف مواقع افضل بكثير

المنتزه عباره عن ساحات خضراء فقط وعندما قرر انشاءه في ظني انه لم يدرس جيدا
بسبب المنطقه التي حولها من سكان ومناطق ضيقه وحفريات واسواق قريبه و و و الخ

إقتباس ووقت الصلاة تقفل البوابات والعالم كله تنتظر برا لاهم خلو الناس تخش تصلي ولا فيه مسجد قريب يصلون فيه رجال ونساء

نقطه مهمه جدا واتمنى الانتباه لها من قبل المسؤلين عن الموقع


ملاحظات جيده

إقتباس لا اتفق معك في هذه النقطه بالعكس كثيره واللي اكثر منهم الاجانب

ممكن وقت حضوري للمنتزه صادف الاغلب منهم ( اجنبي )

إقتباس المنتزه في حد علمي انه مو لرجل اعمال بل للامانه العامه لمدينة الرياض معناتها انه ليس لفئه معينه وانما زواره الاغلب اجانب هم من جعلوه لفئه معينه لانك مثل ماقلت اخوي هلالي الخصوصيه مفقوده في هذا المكان والسبب الاجانب وبعض عاداتهم الدخيله .

كلامك سليم بس هو فعلا لفئه معينه
حتى بعض المنتزهات توضع لذوي الدخل المحدود من امانة مدينة الرياض
وبعض الحدائق تزيين باشكال والوان لفئه معينه ( وجهة نظر )

إقتباس المنتزه عباره عن ساحات خضراء فقط وعندما قرر انشاءه في ظني انه لم يدرس جيدا بسبب المنطقه التي حولها من سكان ومناطق ضيقه وحفريات واسواق قريبه و و و الخ

كلام 100 %

إقتباس نقطه مهمه جدا واتمنى الانتباه لها من قبل المسؤلين عن الموقع

اي والله نتمنى ذلك


شكرا لك معصب

[ALIGN=CENTER]

إقتباس كثرة النساء الذي بدون محرم وخصوصا الاجانب !! كثرة الفتيات اللاتي يمشين لوحدهن !!

إيــه .. هــذا الـمــكـــان الــزيـــــن ...

تصدق عاد .. من يوم قالوا منتزة وأزعجونا فيه وأنه في وسط الرياض .. عرفت إن ما لأمه داعي ...

وأنت الحين أكدت لي تـوقـعــي ...

تحياتي لك ،،،[/ALIGN]

إقتباس إيــه .. هــذا الـمــكـــان الــزيـــــن ...

انت بس اصمل ورحله وقل رايك في المكان وفي اهل المكان

إقتباس تصدق عاد .. من يوم قالوا منتزة وأزعجونا فيه وأنه في وسط الرياض .. عرفت إن ما لأمه داعي

ولا حتى لابوه داعي
وابوه هم امانة مدينة الرياض الكريمه

إقتباس وأنت الحين أكدت لي تـوقـعــي

لو تبي ابصملك بيديني ورجليني مستعد بعد زيادة تأكيد

بالعكس منتزه راااائع

جنوون الهلا11ل

إقتباس بالعكس منتزه راااائع

رائع في عدم التنظيم
رائع في ( انواع الدوران )
رائع في الاماكن الخصوصيه
رائع في التجميع