فبعد أن عصرت افكاري بعصارة مولنيكس الثلاثية الأبعاد ونشفتها بنشافة إل جي وتوصلة تركيب مخي الإسكيلوجي لمعلومه خطيره وراح تكون سبق من السوابق في عالم المنتديات والمعلومات الشخصيه الي تفيد مجتمع المهبل وراح اجاهد في سبيل اني اوصل كل من لديه نوع من الدلاخه والخفه لعالم الرومانسيه والإديلوجيه الإلكترونيه المؤثره على حلقوم الرئس المؤثر تأثير مباشر على ضغط كريات الدم الحمراء المؤديه لنخفاض نسبة الكرسترول في الدم من مايودي لتخريب التحكيم في الدوري السعودي ويرفع نسبة الميزانيه ويؤثر على انخفاض منسوب المياه في الثمامة وبلغاريا
نعم ماهو الاستعباط ؟!!
سؤال يسدح نفسه
اختلف المؤرخون ومتلت المستشفيات من العلماء المجاهدين الي حاولو انهم يعرفون الاستعباط بس انا بعد ماشربت زيت خروع منقع بزيت زيتون ساعدتني قدرتي كاكهربائي فيوزات للوصول لهذا التعريف
الاستعباط : هو انشطار ذاتي في المخ ينتج عن نقص هرمون ثاني اكسيد العقل المؤدي لحرقان في اصبع الرجل الكبير
وبعد ماعرفنا ها التعريف يأخواني اقدر اقول ان التعريف هذا نطلع منه بثلاث انواع او يندرج تحته ثلاث تدرجات مثل تدرجات بيت امي موضي في الربوة
القسم الأول : استعباط نص استواء
وهذا النوع هو نوع يعتبر نوع مبدئي وصاحب هذا النوع يكون انسان ذو تحليل استراتيجي يعني يسوي الشي وهو مايدري عن نفسه تلقونه مثل المسبوه مع العقال عاقل ومع المهبل مهبول ويصير فيه شوي رجه بس مايقدر يصيطر على نفسه بحكم ان المجتمع المحيط فيه يشوبه نوع من الرسميه .
القسم الثاني : استعباط على النية ;)
وصاحب هذه الإديلوجيه يكون راعيه مفهي يمتاز بأنه حرك ويقوم ويجي ويروح ويدور المهبل في كل محل ومشكلة اصحاب هذا النوع اغلبهم فاشلين دراسينا ومبهذلين اهاليهم ويغلب على اوقاتهم حالت الصمت والهدواء بس لما يدخل نجم سهيل يبدا التفعال الهرومني في اجسامهم ويزادا ضغط الإنبيرات بنسبه اربع فولت وتبداء مرحلة الهبال عندهم وعلى فكره تكثر هذه الفصيله في منطقه سدير والرياض على وجه التحديد
القسم الثالث: استعباط تدريجي لا مبالي << تحس أنها علميّة !!;)
هذا النوع اخطر نوع وهو خطير جدا وأثر على الكونجريس الأمريكي وعلى الإنتخابات النيابيه في كينيا وساعد على انهيار اسعار اليورو في سامطه وعلى فكره مشكلتنا احنا مانقدر نفرق بين هذي الأصناف ولا الوم احد انه مايقدر يفرق بحكم انكم ماتعرفون الأصناف الي ذكرتها .
بس بعد ماتم التعريف فيهم ارجو منكم انكم تراقبونهم زين وتعلموني التصنيف الفعلي لكل شخص ويختبر نفسه الواحد ويكتب الي يقدر عليه ونقدر نحدد الشخصيه من برج الشخص الصيني وبرجه السديراوي وراح نتساعد يد بيد لكي نصل لمستقبل افضل بمعشر المهبل
و لا تنسوا أكل الفلافل بالشطة عندما تقرأون هذا الموضوع
وشكرا لكم وانشاء الله ها المعلومه تفيدكم ولو أني ناقلها بتصرف من مخي بموضوع حاطه هنا منذو مبطي
و انا غير مسؤول عن انشطار في فيوزات المخيخ الأيمن !!
<---- وافلقوني ان احد قدر يفهم شي 
الـمـسـتـعـبـطـون ,, والاسـتـعـبـاط ,, و الـعـبـيـط أهـوه !!! 
الوضع العادي
