بسم الله الرحمن الرحيم

دائماً مشكلة الهلال تتمركز في (صناعة اللعب) و(الظهير الايسر)

لكن بعد رجوع سامي في سنة الفاتة لمركز صانع للعب بدات

الاهداف تمطر على الخصوم وبدات ( الهجمات) تصل للهجوم

اصبح هناك ممول فعلياً ( لا اجتهادات فردية) حققنا بطولة الاسيوية

وبطولة كأس ولي العهد انظروا الى من صنع ( الاهداف) سامي الجابر

وبعد ان رجع سامي ( من تجربة الاحتراف) ومع الهلال وفي طهران

وضعة مدرب الهلال في مركز الهجوم...

فنقطعت الاهداف ( هدف واحد من ثلاث مباريات؟؟؟؟)

يا مدرب الهلال سايفت( عد بسامي للصناعة اللعب)

لا تشتتة تركيزة ومركزة

فقد ارتاح للصناعة الهجمات

اعد سامي وسوف ترى ( وابل الهجمات والاهداف)

افضل ( من تركنة على مقاعد الاحتياط)

تحياتي لكم

vego

والله تحيرون!!!!!!!!!!!!!!!!!!!!!
ايام تقولون نبيه هجوم وايام تبوه صانع العاب

الــسلام عليكم؛
اولا: سامى بعيد عن مستواه بطريقه غريبه وننتظر عوده اللياقه بفارغ الصبر
ثانيا: التشكيله اليوم جيده باستثناء عدم اشراك سامى من البدايه وكنت ارجح سامى مكان لطف بس طبعا سامى يكون مهاجم او صانع لعب
ثالثا: سامى له مميزات كثيره جدا لكن الا تلاحظون وجود عيب واضح فيه وهو محاوله تسجيل الاهداف الخرافيه فقط وغير كذا هو مايبغى اتمنى ايصال هذه المعلومه الى سامى
ولكم تحياتي

مرحبا اخوي vego
ياخوي كلامك كله على العين والراس..وفعلا سامي قبل مايروح لأنجلترا لعب فتره صانع العاب..وابدع في هذا المركز..مااختلفنا في هذا الشي..

لكن ياحبيبي المشكله حاليا مهيب بموقعه الهجومي..لان هذا المركز قدم فيه سامي ابداع الكل يشهد له فيه..وافضل من انه يلعب في مركز صانع العاب مع احترامي لوجهة نظرك..المشكلة ياطويل العمر ان سامي بالعربي الفصيح (ماله نفس يلعب)..!!
هذي الحقيقه اللي لازم كلنا نفهمها..ياخوي واضح من شكله في الملعب..مايحاول ان ياخذ كوره..ولايحاول انه ياخذله مكان زين..ولايحاول انه يكلف نفسه ويركض..وارجو انك ماتقول (الرقابه اللصيقه هي اللي منعته..)..لأن اللي جنن وسوا الهوايل في مدافعين انجلترا في المباراة الوديه التي اقيمت مع المنتخب السعودي في ملعب ويمبلي مهوب عاجز ان يبتعد من راقبة مدافعين الجيش السوري..!!

ومثل ماقلتلك المشكله واضحه ولكن مانعرف سبب هالمشكله اللي هي:سامي يلعب بدووووووووون نفس)..

طبعا هذا الكلام ينطبق تماما عن بقية لاعبين الهلال امس..ولكن بما ان هذا الموضوع عن سامي..فأنا تطرقت لسامي بس..علشان مايجي واحد ويتفلسف
ويقول وشفيكم على سامي...

وشكرا لك vego

من متى كان سامي صانع العاب

ولا لازم يلعب وبس

سامي : لابد ان يراجع حساباته لان مستواه في تدني جداً ...

يعني ذهابه إلى انجلترا للحترف ... """ تيتي مثل مارحتي جيتي """...

صدق في مقولته .. النعيمة .. هذا الذي اخذته يا سامي من الاحتراف ..‍‍

كل هذا الكلام لحبي لسامي متمني ظهوره في مستواه الحقيقي .. قريباً جداً..

اخي الحبيب @@@ vego

سامي كفو سواءً كان مهمجماً او صانع لعب ، ولكن من وجهة نظري أرى بأن يلعب في مركز الوسط وصانع اللعب حالياً ، في ظل غياب مستوى نواف ؟؟؟؟؟

اذا اردت ان تجعل الناس تذكر مساوء شخص وتهينه فامدحه باكثر من ما يستحق واطلب اعطائه ما لا يعقل

وهذا ما تفعله اخي vego

الحين انا ودي افهم سامي ما كان مهاجم وهداف و...و...و(وشلون يشتت مركزه والاعبين في نص المباراه يغيرون مركزهم)

طيب ليش بترجعه صانع لعب
عشان يلعب بس !!!!!
ولا الثنيان ونواف خرابيط ولا انت مقتنع فيهم (من حقك والي يقولك شي غلطان)

علمني السبب تكفى
لان كلامك بدون معنى!!!!!

بسم الله الرحمن الرحيم

اشكر كل الاخوان الذين تجاوبوا مع موضوعي



الاخ:عنان والاخ : اللورد سامي

أشكركم على المشاركة

لكن أحببت ان اوضح لكم شي ما قصدت من مقالي

(لاني أعتقد انة فهم با الغلط)

انا هلالي اباً عن جد بل من المتعصبين للهلال

لكن عندما طالبت ( بأن يقوم سامي بصناعة اللعب)

ليس من تقليل الثنيان او نواف او اي لاعب آخر

(لكن سامي عندما يكون مهاجم او صانع لاعب فهو مبدع)

لكن سامي مهاجم ينتظر من يجهز لة الكور( الاهداف) من ابجدايات الكرة

لكن اذا لك يكن هناك من ( يجهز الكور) لا بد ان يضحي المدرب وسامي بأن يضعة ( كصانع للعب) لكي يجهز للمهاجمين( ما عجز عن الوسط)

شكراً لكم ..

المساله مو وين يلعب سامي
المساله كيف يرجع سامي الى مستوااه المعروووف وبصراحه وبدون زعل سامي في الوقت الراهن مكانه دكه الاحتياط لانه بعيد عن مستواه بالمره

انت كذا تسلم

vego

أنت دائماً مبدع . . . في منتدى المبدعين . . . اتمنى لك التوفيق . . .

كلامك سليم 100% وسامي يكون صانع لعب أفضل بمليووون مرة من أن يكون رأس حربة .


أخوكم

سامي مكانه الهجوم بسسسسسس وصناعة اللعب حاجه ثانويه احنا نحتاج سامي المهاجم اكثر من سامي صانع الالعاب .

فيقو...

كلامك هذا على اي اساس قلته يالغالي ؟!؟

انت هلالي ابا عن جد على عيني وراسي ...واكيد انك تعرف ان الهلال يملك اقوى خط وسط نقدر نصنفه على اسيا كلها....ومسالة تجهيز الكرات للهجوم امر عادي بالنسبه لهم وما هو صعب...كيف تبغى من الجابر ان يقتل موهبته الهجوميه والرجوع لصناعة الالعاب ؟!؟

المفروض على لعيبة الوسط انهم يرجعون الى مستوياتهم وينسون الالقاب الرنانة الي بهرتهم وخلتهم يقصرون بحق النادي الي طلعهم ...

اما بالنسبة لسامي مكانه الطبيعي راس حربه ولا شي غيره...

اعتقد ان مكان سامى فى الوقت الحالى أحتياط ليوسف الثنيان حتى يراجع حساباته