بسم الله الرحمن الرحيم 00 اصلي واسلم على نبينا محمد وآله وصحبه اجمعين 00 احبتي 00 بعد التحيه والسلام 00 ادعوكم لقراءة هذا الكلام 00
في الحقيقه من اين ابدأ ؟ هل ابدأ من المستوى ؟ ام المدرب ؟ ام الاعبين؟ 000000 كل ماسبق هو سبب للنكسة التي حدثت 00( وانا عندما ذكرت النكسه 00 اعنيها بمعناها )0
أعزائي 00 مالذي حصل فريق متهالك 00 نجوم في غيبوبه 00 لا طموح ولا امل لديهم 00 يلعبون وكأن المباراة لا تعنيهم 00 والله بداية من الدعيع ونهاية الى سامي وروني ( وابي اطلع منهم ابو يعقوب بس )
الدعيع 00 تخيلوا الكرة اللي سكنها بصدره ( مارادونا وهو مارادونا بهالمكان مايجرؤ على الفعلة اللي فعلها الدعيع 00 لا والهدف 00 الله فكنا بس والحكم لغاه 000 ياليت اللي يعرف يوضح سبب لغي الهدف )0
الشريده 00 خليل 00 لا زالوا كل واحد منهم في شق 00 تفاهم زيرو 0000
النزهان 00 مسيكين ماعاد يعرف هو وش مركزه ( والبركه بصفوت )0
الدوخي 00 يحرث الملعب حرث بس على غير فايده 00 ( اعطوني عرضيه وحده بس تحس انهاكانت خطيره من جد )0
الوسط (كومة من اللاعبين وكل واحد حايس تحس انه مايدري وش قاعد يسوي00
توليو00 حليل بس ( عجلوا بخميس واقلعوه ترى خميس اصرف مليون مره ) 0
التمياط 00 ياجماعه مازال غايب عن مستواه من كاس اسيا ( نداء للادارة الهلاليه بعقد اجتماع معه ومعرفة الاسباب )0
الشلهوب 00 يمكن اللي يشفعله انه توه راجع من اصابه ( فقط )0
لطف 00 (اللي انقال عن النزهان ينطبق على لطف )0
روني 00 كان وحيد ( وترى عاد رونالدو لو في مكانه 00 مايسوي شي ) 00 لكن عيبه انه بطيء وغير مشاكس 0
سامي 00 ايضا مازالت اثار انجلترا ورواسبها ظاهره عليه بشكل كبير 0
أما المدرب 000000 فعاد حدث ولا حرج 00 انا مادري ليش مصر على هالخطه العقيمه اللي يلعب بها وكأنه غير واثق بقدرات لاعبي الهلال 00 اعتقد ان على الادارة الهلاليه وبهذا الوقت تحديدا مناقشته في الخطه وابداء وجهة نظر كل الهلاليين وحنا نعرف فريقنا قبل لا يلمس صفوت الكره ( الهلال ياخوان واعتقد انكم من رايي فريق يعشق نجومه الهجوم 00 الهجوم ولا شي غيره )000 اخيرا 00 ترى نحن الهلاليين السبب في الحملات اللي حاصله علينا من النص 00 ر 00 وادارته 00 وضعنا انفسنا في موقف حرج و(بايخ) يعني الهدف اللي انلغا بيصير علك بحلوقهم 00 والله لو ما خذوا البطوله 00 غير تصير علوم 00 نعم 00 حنا السبب 00 ولا لو الهلال لاعب مثل الناس 00 ومثل ما اعتدنا عليه 00 كان سلمنا من لسانهم اللي يقطر سم 00 على سم 000 وفعلا 00 ( ياشمــــــــــــــــــاتة ابــــــــــلا تــــــــــــــــــــازه فينــــــــــــــــــا)0000