النهائي الحلم بين حيويه السويسري وخبره الروسي - نادي الهلال السعودي - شبكة الزعيم

basturk · #1 31/01/2004, 04:26 AM

[ALIGN=CENTER] بعد ان استطاع ان يفوز الروسي مارات سافين على الامريكي المخضرم اندريه اغاسي

في مباراه ماراثونيه خياليه استمرت تقريبا 4 ساعات واستطاع الروسي الفوز بثلاث اشواط مقابل اثنين

سافين 7 7 5 1 6

اغاسي 6 6 7 6 3

اما في المباراه الآخرى

استطاع الشاب السويسري رجيه فيدرير ان يحقق فوز كبير على الاسباني الشاب خوان كارلوس فيريرو بثلاثيه مقابل لاشئ كانت على النحو التالي ..

روجيه فيدرير 6 6 6

فيريرو 4 1 4

وبذلك تأهل سافين وفيدرير الى النهائي الحلم

الذي سيُقام غدا في الساعه 6 صباحا تقريبا

<< قابلني ان احد شافه

فمن سيحقق بطوله 19 مليون دولار

السويسري الشاب ام الروسي الخبير ؟؟

ففجر يوم الأحد هو الموعد فإلى المُلتقى

والسلام ختام[/ALIGN]

faisal982sa · #2 31/01/2004, 04:52 AM

هههههههههههههههههه
اذا فيها 19 مليون

البطوله الجايه انا بشارك

إقتباس


	سافين 7 7 5 1 6 اغاسي 6 6 7 6 3

بس تصـدق
نتيجـه الاشواط تبين ذكاء سافيــن لانه استطاع ان يفوز في الاولى والثانية
واتعب اغاسي في الشوط الثالث وفي الرابـع ارتاح سافيـن وفاز في الشوط الخامــس

وهاذي خطه ذكيــه يستخدمها كثير بس تبي لقياقه مرتفــعه

واتوقع سافيــن يفوز بس يمكن يعاني لان مباراه مع اغاسي اتعبته كثييييييييير

وعلى العموم انا ما اتابع تنــس بس مشكور على الموضوع حبيبــي

She7aN · #3 31/01/2004, 04:59 AM

19مليون ولا بالطولار

ليتهم يعطوني مليون مابيها بالطولار مخالف ريال ويماني بعد

الا تعال باي قناة منقول ..وش ورانا سهراني وداجين

basturk · #4 31/01/2004, 05:09 AM

[ALIGN=CENTER]

إقتباس


	بس تصـدق نتيجـه الاشواط تبين ذكاء سافيــن لانه استطاع ان يفوز في الاولى والثانية

لا ذكاء ولا شئ

الشوط الرابع اكثر من خمس نقاط بالخطأ تُحسب ضد سافين

إقتباس


	الا تعال باي قناة منقول ..وش ورانا سهراني وداجين

حصري على الجزيره الرياضيه

بس الوقت بالظبط بكره اكتبه لكم ان شاء الله

وان شاء الله تكون المباراه منقوله

والسلام ختام

[/ALIGN]

هلالي الجوف · #5 31/01/2004, 05:49 AM

هلا باشتورك

ياعمار .. منول كنا نتابع التنس ونعرف الابطال والبطلات والمراكز والبطولات

ايام ماكنرو وبورغ وبيكر ولندل .. ايام نافراتيلوفا وجراف وايفرت وساباتيني

اما هالحين مافي امل مع كثرة بطولات كرة القدم

بس تصدق تحمست اشوف النهائي من كلامكم ..
لكن اثاري النهائي يوم الاحد .. ويوم الاحد اول ايام العيد يعني مستحيل

وتذكرت ان النهائي النسائي يكون قبل الرجالي بيوم وحطيت عليه تو ولقيت مباراة بين فتاتين حسناوين

وتذكرت اني صايم وغيرته

وكل عام وانتم بخير

مدريداوي محايد · #6 31/01/2004, 09:04 AM

إقتباس


	ايام نافراتيلوفا وجراف وايفرت وساباتيني

نافراتيلوفا هذه مهوب كنها قناة بالهوت بيرد

وجراف جاي من تلغراف

اييييه الله يالدنيا <== طيب يالشايب

حقيقة انا اخبر مباريات شتيفي جراف

ومونيكا سيليش انواع الحماس واذكر مونيكا سيليش يوم يطعنها المشجع بظهرها مسيكينة

مدري للحين في حماس مثل اول ؟؟ انا اشوف في ثنتين خوات بنات الوليامز هذولي اظن عايشات سوى ودايم يتقابلون وفيه وحده متسلطة على الثانية تلزخها اظن بكل المباريات

واخبر مباريات حماسية مثل بيت سامبراس مع اغاسي من جد سامبراس مستقعد له كان وغالبا اغاسي يفوز

إقتباس


	اما هالحين مافي امل مع كثرة بطولات كرة القدم

ايه والله صادق انا اشهد

انا اتوقعها للروسي ومشكور اخوي basturk على الخبر

تحياتي

faisal982sa · #7 02/02/2004, 04:16 AM

إقتباس


	واتوقع سافيــن يفوز بس يمكن يعاني لان مباراه مع اغاسي اتعبته كثييييييييير

للاســف سافيـن خسـر
وكما توقعت الليـاقه خانته في المباراه واتضح مدى التعب اللي يعانيـه في الشوطين الثاني والثالث

ويستاهـل فيدرير عمومــا

مشكور عزيزي

فيصل

abo sami · #8 02/02/2004, 06:56 AM

يستاهل فيدرير ...
وصدقوني سافين مشكلته مشاكل هاللاعب ... لاعب بمثل مهاراته وجسمه وقوة ارسالاته المفروض يكون من افضل اللاعبين لكن تشوف من وجهه المشاكل اللي يمر بها..
عموما فيدرير يستاهل وهذي البطولة الثانيه له في الجراند سلام بعد ويمبلدون .واتوقع فرنسا المفتوحه(رولان جاروس) تكون لأحد الأسبان اما (خوان كارلوس فيريرو) او(كارلوس مويا اذا شارك) او حتى جورج كوستا.لأن الإسبان يجيدون اللعب في الملاعب الترابيه....
وتحياتي...