السلام عليكم
قبل كل شي كل عام والجميع بألف خير
بصراحه امس كان الهلال رائع بكل ما تحمله الكلمه من معنى
لعب جميل وكل شي
بس اللي قهرني انه ادميوس ضحك على الجمهور " ما ابغى اقول استغفل الجمهور"
بتقولوا ليه؟ انا اقلكم
الكل فكر ان ادميوس لعب 442 وهو والله ما لعب هو
كان يلعب 451 وكان العلي يلعب في النص وتراوري مهاجم وحيد
وكان هذا واضح جدا في الشوط الثاني
انا بصراحه احب الطريقه 451 حتى لما خسرنا من النصر ما كنت زعلان
بس اللي قهرني ان المدرب لعب بطريقة "ما يطلبه الجمهور" من اجل ارضاء الجماهير
ولا بالله في مدرب يطلع لاعب مسجل هاترك يا ناس
انا كنت في الملعب
بدى الجمور يقول سامي نزل سامي
بدى الحمهور يقول الشيحان نزل الشيحان
يعني طريقة وش تبون أبسوي
سامي من قبل لا ينزل وهو مبين عليه انه ما وده ينزل مب لانه ما بي يلعب بس انا شفت فرناندو حق العلاج الطبيعي عطي ابره او شي في رجوله سامي 100% لم يكن مؤهل بس اديموس ما همه الا ارضاء الجماهير باي طريق وقد يكون هذا من حقه بعد ما شافه في الملز
وبعدين أسلوب عجيب يعني الجهة اليسرى في الهلال معطله كل هجمه لازم تروح لسيسه مع ان كل الهجمات اللي من ناحيه اليسار عن طريق سدوس كانت خطيره والاقوال كلها من جهة اليسار بس ما ادري هل اللاعبين يخافون يلعبون من جهة اليسار علشان المفرج ما ادري؟؟؟؟؟؟؟؟؟؟ ولا المدرب خايف من العبدلي ؟؟؟؟؟؟؟؟؟؟؟
[ALIGN=CENTER]نقاط من الملعب [/ALIGN]
* أقل من 7000 مشجع هزوا الملعب هز والجمهور كان اللاعب رقم واحد ساندوا الفريق بكل هجمه والدوخي ما قصر رد تحية الهلالين بأجمل منها كبير يا أحمد.
*عطله،15 ريال التذكره، ومباره مشفره والجمهور ما يبغى يجي والله عيب يا جمهور الزعيم.
*المصور حق ال ا ر تي والله انه مسكين الالعاب الناريه كلها جت فيه المسكين ، والله عيب ترى الرجال يترزق الله وما اعتقد ان في احد يستطيع ان يتحمل دعوة مظلوم يعني لو المصور قال "الله لا يوفقك والله مايرد الدعوة شي لانه مظلوم "
*في واحد من الجمهور ما وده يشوف المفرج والله حسبت ان المفرج يهودي الهلال يلعب صح وفايز والمفرج ما غلط غلطات قاتله مع ان اللعب كله من جهته بس بعض الناس ما عندهم خلاص اذا الانسان غلط كأنه كفر والعياذ بالله ياخي اللاعب لعب قله احسنت غلط قاه تراك غلطت بس تشوفه يلعب زين وتقول ليته يطلع بره والله حرام
الاختلاف في الرأي لا يفسد للود قضيه
والله شي يقهر...
الوضع العادي
