اخوي ابوهيا
بالنسبة لقضية المصيبيح ،، اقدر اني اقول لك ان الناجح دائماً محارب
وهذا اللي صار مع المصيبيح ،، عموماً الرجال استقال والموضوع اخذ حقه
فياجماعه خلونا في هلالنا اللي ماشي بالنازل ،، والله يستر....
الموضوع اللي خلاني ارد هو حكاية الدعم المادي من الجماهير
مسألة تخصيص حساب ، من الطبيعي جداً انك تحصل 420ريال فقط
لان بصراحه انا وانت وغيرنا من جماهير الزعيم الواحد ماعنده استعداد
انه يدفع مثلاً عشرة ريال في الشهر ، مع انه العشرة ريال هذي راح توفر
مبلغ مليون ريال لو دفها عدد 100،000 مشجع فقط ،، لكن بصراحه ماحد
عنده استعداد يدفع لاسباب كثيرة ، فيكفي كلمة وش الفائدة اني ادفع وفي النهاية
لاصوتي مسموع ولا رأيي لو داعي
، والكلام هذا يندرج ايضاً على بطاقة العضويه
اللي في رأيي لم يتم لها التسويق بشكل محترف ( مع احترامي لكل القائمين على
تسويق البطاقه ) حتى تشوف عدد اكبر من 20 بطاقه .
اذاً الحل اما في حضور الجماهير المباراة او فتح قنوات استثمارية للنادي
حضور الجماهير هذي مالها حل لأنه مافيه شي يشجع اني احضر مباراة كرة قدم
في السعودية لا مستوى يشجع على الحضور في الملعب ولا حتى خدمات تقدم لي في الملعب
والموضوع هذا له تفرعات كثييره جداً ، فمبدئياً نقول الا كثر الله خير الجمهور اللي جالس يحضر
لانه جالس يتحمل المرض النفسي في الملعب والمتمثل باللعب ؟
الاستثمار ، للاسف ماشفنا شي من إدارة الامير عبدالله بن مساعد يسمى الى الآن استثمار فعلي
مع اني استبشرت خير وقت ما استلم الامير عبدالله الرئاسه بحكم انه من مصاف رجال الاعمال
الكبار في مملكتنا الحبيبه.
كان بودي ان اغثكم شوي بالاطاله لكن المثل يقول : يا بخت من زار وخفف