بصراحه انا من المتابعين لجريدة الجزيره سواء كان الملحق الرياضي او غيره من الصفحات ,,,,,,
ولفت نظري من خلال متابعتي للملحق الرياضي زاويه لكاتب اسمه عبدالعزيز سعود او سعود عبدالعزيز " بصراحه احلىمافيه اسمه " هذا الكاتب في كل زاويه يكتب فيها لابد يتكلم في الهلال "ويتطنز" عليه او على لاعبيه مع انه فيه مثل يقول " النوايف ماتطاولها السطوح " بس يالله وش نسوي مع الحثاله ذولا من الكتاب ,,؟؟؟
اللي اتمناه من الملحق الرياضي للجزيره الالتفات لهذا الكاتب الرائع "فهد الاحمدي على غفله " وان شاء الله ينظف مقالاته "المتميزه " من ذكر الهلال ورجاله او انهم يقولون له "Go away" يعني مع السلامه ,,,,,, لانه بصراحه الجزيره اكبر منه هو واشكاله من الصحفيين ,,,,,,

والله يا اخوي الكاتب هذا مدري وش يبي من جد المتابع لكتاباته يلاحظ انه يناقض نفسه كثير وفي نفس المقال بعد تلاقي تناقض يعني احيانا يذم ادارة النصر ويقول وش تبون باشباه الاعبين مثل الجنوبي وغيره وبكره يمدح في الجنوبي ولما لاعب من النصر يسجل هدف ياهوووووووو انواع المدح ذكرني بطلاب المتوسط وسواليف الفسحه
اما ليش يتدخل في الهلال فهذا طبع كل نصراوي وهذا الي تعلموه من رمذهم يؤؤؤ قثدي رمزهم خخخخ
ولا الايام هذي الرجال قاعد يتميلح عند البلوي يبي يمكن البلوي يحطه عنده والله طراره بس باسلوب صحفي خخخخخخخخ

هذا الكاتب متخلف بمعنى الكلمه

ويريد بناء شهرته كصحفي على حساب نادي الهلال


الموسم الي فات في مباراة الهلال والنصر وتحديدا في الدور الثاني
قبل المباراة كتب في مقالته قبل المباراة ان النصر سيفوز وندعو جماهير النصر لحضور
مهرجان الاهداف :p
طبعاً فاز الهلال بهدفين ولا اروع لعبد الله الجمعان طلع لك في زاويته يقول انني لم اشاهد
المباراة لاني كنت في الحراج اشتري مكيف صحراوي

[ALIGN=CENTER]سلام للأحبه
يا اخوان هذا الكانب اعرفه شخصياً واسمه سعود عبدالعزيز الصرامي بديوان المراقبة العامة بالرياض ويحقد علىالهلال حقد الله يزيده الين ما يحرقه فيه ككل اتباع ميوله لكن الزين اخذله طقه من الرمذ من كثر تناقضاته لانه يحش بالادارة بالمقالات وله وجه يروح للنادي الين جاه يوم
لما تتكلم معاه يتضح التناقض والحقد معاً ولكن طبعاً اذا فريقك الهلال فانت دائماً الغالب نجوم وبطولات وجماهيرعلى مر التاريخ وين المقارنة؟؟؟؟؟؟؟ وبكذا نجتمع ونرفع ضغطه ياللي حوله فلا تهتموا
اذكر من كثر حقده على الهلال في سنة من السنوات الهلال يقابل الوحدة بمكة المكرمة قال الله يجعل الطائرة تسقط و...........؟؟؟؟؟ اعوذ بالله لهالدرجه وصل التعصب وللأسف كاتب صحفي في جريدة عزيزة علينا يا ليتهم يقرأون هالأسطر ويقلعوه وينظفون جريدتهم
اعوذ بالله اخوان مسلمين تدعي عليهم وهم ما ضروك غلطتهم انهم يلعبون كرة قدم بشكل رائع ويفوزون على فريقك؟؟؟؟؟؟؟
يالله ابعد عنا التعصب و جميع منتمين الرياضة آمين...........ودمتم
[/ALIGN]

اخي دع القافلة تسير والكلاب تنبح ( مع احترامي لكل قاريء) .
اما دعاء على الطائرة فمصيبة .
الله يكفينا شره .