22/01/2004, 11:43 PM
|
| زعيــم متألــق | | تاريخ التسجيل: 01/03/2002 المكان: قلبي تولع بالرياض حب ورث به من جدود ياسعدنا سعد الفياض زرعت الصحراء ورود
مشاركات: 1,250
| |
|
في تمرين اليوم سامي يسدح بـعبدالله سليمان وخالد عزيز أرضاً والصويلح ظهيراً والمفرج
اس اس السلام عليكم <----وش ذا المغــبـّــر
اسعد الله مساءكم بكل خير ...
وشلونكم وشخباركم إن شاء الله ايامكم كلها افراح وانشكاح " والله مادري وشي انشكاح بس عندي احساس انها كلمة حلوة "
اعزائي التماسيح عزيزاتي السحالي " ماعندي شي اسمه اتيكيت لازم الرجال اول شي بعدين الحريم "أنواع الجلافه
حضرت تمرين اليوم مثلي مثل أي هلالي قاعد يحضر وكل يوم يستنـّـى خبر إقالة واجتثاث نظام إديموس من الفرقاطة الهلالية " يمديكم على الفرقاطة والله لو تقعدون تكتبون سنة ماتجيبون مثلها " ماعلينا من هالخرابيط نخش في تمرين الفريق على طول واللي هو عبارة عن استمرار لمطرسة السيد اديموس واللي بديت أحس أنه يبي الإدارة تنهي عقده بتخبطاته المتعمدة والواضحة ولسان حاله يقول : " ظفوني الله يظف وجيهكم " على وزن استروا علي الله يستر عليكم ...بس ابوعبدالرحمن مافهمها وعلى نياته كل مره" بنجدد الثقة "ومادرى ان هالعلة قاعد ينخر بالفريق ...
أقام المدرب اليوم مناورة على كامل الملعب وكانت من فريقين " انعن ابو الدلاخه يعني وش رايك من ثلاث فرق " كان الفريق الاخضر يمثله كل من : حسن العتيبي احمد خليل حسين المسعري "المنسق من نادي الرياض والمنتقل حديثاً لنادي الهلال وهو لاعب ناشئ والمستقبل قدامه " وسعد الدوسري عمر الغامدي احمد الحربي واحمد الصويلح سامي الجابر و تراوري عبدالله الشيحان حسين العلي ..
فيما مثل الفريق الأزرق :
بندر الماس عبدالله الشريدة عبدالله سليمان عبدالعزيز الخثران خالد عزيز سيفو محمد الشلهوب سيسيه محمد العنزي عبدالله الجمعان وحبيب الكل فهد المفرج ...
طبعاً استمر اديموس على اختراعاته فواصل المفرج ظهيراً أيسر ووضع احمد الصويلح ظهير ايمن ... الحين بيطلعون لك بعض البشر ويقولون لك ان المصيبيح هو اللي حاط الصويلح ظهير ...
المناورة وبكل صراحة كانت جميلة ورائعة وظهر فيها حماس اللاعبين جميعاً وتألق فيها بشكل غير طبيعي ابوعبدالله سامي الجابر حيث سحب كم سحبة يحبها قلبك ...آخ بس لو تشوفونه وهو يجندل عبدالله سليمان على الجناح الأيسر " جهة سامي المفضلة " حتى انسدح عبدالله سليمان وجاك خالد عزيز مسوي فيها فزعة فألحقه سامي بعبدالله سليمان في لقطة لم ينقصها إلا كاميرة فيديو وتوضع من ضمن لقطات لاتنسى من إعداد وإخراج زبرماوي ....
أيضاً تألق في المناورة كل من عبدالله الجمعان "شاف الدراهم ولد حميد وبدا يتسنـّــع" وأيضاً عبدالله الشيحان وسعد الدوسري واللي شكل ثنائي خطير مع سامي الجابر في خط المنتصف ...
سيفو بإذن الله سيكون على مستوى الطموحات وفقط يحتاج لصبر قليل ....
تراروي كان اسوأ لاعب في مناورة اليوم ومع ذلك سيكون أساسي في اللقاء القادم ...
حسين العلي لايبذل ذلك المجهود اللي يخليه اساسي ويجب على ابوعلي ان لايرضخ لإحباطات اديموس ويبذل كل مايستطيع ...
شكراً لكم والمعذرة إذا كان فيه أخطاء لأن الكتابة كانت على عجل
|
|
الوضع الشجري
