[ALIGN=CENTER] انتهت مباراه الحكومه والخفافيش بفوز الحكومه 3/0


انتهت مباراه الظلم البارحه ويا له من ظلم !!!!


انتهت امس المباراه بخيرها وشرها والحمد لله على كل حال


نعم وكعادتها في كل مباراه على ارضها وضع لافته على غرفه الحكام ممنوع الخساره

والحكم بالفعل ادى الواجب امس وطبق ما تقوله اللافته المكتوبه ونجح بإمتياز ايضا وطرد الكابتن بعد !!!



واليوم الحكم يظهر ويعتذر للخفافيش على الخطأ في ضربه الجزاء ويقول انني لم اكن في المكان الصحيح !!!

شر البليه ما يُضحك

وش استفاد الخفافيش من اعتذاره !!!

واليوم في صحيفه الخفافيش تقول ::

الاسباب الثلاثه للهزيمه ..

الهداف + الحظ + الحكم


بالفعل هي الثلاثه امس الاسباب مع ان الحظ هو العامل الأكبر امس

انا لا اقول الحكم يتحمل الخساره كامله ولكن الحكم جامل الحكومه اكثر

من اللازم واكدها في الاخير بطرد الكابتن !!!!!

بلنتي غير صحيح يأخذ البيلدا كرت اصفر وايمار ايضا

ثم يقع فيغو والحكم ينتفض يوقوع فيغو والجماهير تتباكئ ويشهر البطاقه الثايه في وجهه البيلدا ويطرده !!

كرتين كل واحد يقول للثاني انا اظلم ويا قلب لا تحزن


اما روبن باراخا فيقول عن ضربه الجزاء الخياليه ::

اخطأ مارتشينا لأنه اقترب من الممثل الشهير المعروف

فكان يجب عليه ان يعلم ان هذا اللاعب ممنوع الاقتراب منه ولا أعلم لماذا

فكره القدم يجب فيها الاشتراك والاحتكاك اما هؤلاء فيجب الابتعاد عنهم بأمر التحكيم .

(( والله العظيم انك يا باراخا صادق ولكن ما هو الحل ؟؟!! ))

فهل سيعود باراخا الى المنتخب الاسباني بعد هذا التصريح انا لا اتوقع !!

= = = = == = = = = = =


اما المدرب بينتيز يقول ::

الحظ لم يحالفنا وكان الريال محظوظ << نشوفك يا العبقري في الاياب

= = = = = = = = = = = = = = = = = =

اثبت امس الامبراطور الصغير بابلو ايمار انه افضل لاعب في العالم

(( بس لو عنده مهاجم مفتح شوي ))

فقد فعل ما يعجبه في الملعب مرر سحب تكسر ( للأسف ) كل شئ

وميستا يضيع !!

واسألوا بيكهام وشو سوا فيه

وصدق يوهان كرويف حينما قال ::

الاساطير مستمره و بابلو ايمار هو القادم

ولكن كما قلت بقي الاياب وخيرها في غيرها

والف مبروك للحكومه فوزهم ولكن تذكروا

ان الاياب في ميستايا وبإذن الله سيتم رد الهزيمه يوم الاربعاء القادم

فإلى المُلتقى في يوم الاربعاء

وتقبلوا تحياتي

والسلام ختام[/ALIGN]



المشرف: تم تعديل رابط الصورة

السلام عليكم

خيرها في غيرها أخوي
والريال يستاهل
ونحن بأنتظار المباراة القادمه القويه بلا شك
والله يوفق الريال

تحياتي لك

مع كرهي الكبير لفريق الحكومة .. و كرهي لكل لاعب يلعب فيه ..
و مع تشجيعي امس " بتعصب" لفالنسيا ...
الا اسمح لي ان اقول لك يا عزيزي .. ان فالنسيا هو من هزم نفسه بنفسه ..
صحيح ان الحكم اخطأ - في قرارات مصيرية - لكن جميع هذه الاخطاء كانت بعد تسجيل الملوك لهدفين .. يا عني خلاص المباراة ضايعه ضايعه ..
فريق فالنسيا كاااان ضاااااااااااااااايع ... ضيعوا فرص مبتدئين ما يضيعونها ... حتى مهاجمينه .. تثبيت الكوره ما يعرفونه ..
ميستا ضيع فرصتين تقريبا من انفراد شبه كامل .. و الثاني جته الكورة هديه من هليقيرا النكبه .. و هو على السته .. و ما عرف يثبت الكورة و رجعها للحارس ..
الوسط كله ضايع ما فيه الا ايمار !!
باراخا .. لا تعليق !! و ين باراخا ايام اول !!
ايالا سوا فيه رونالدو اللي ما ينتسوى و هو بس يتفرج !!!
بكل حسره .. الله يخلف على الدوري الي هذا الفريق هو الاول فيه !!

و يا جماهير الريال .. لا تنبسطون .. تراه دجة في اللي تقابلونهم .. مو زود فن فيكم !

يعني فالنسيا بيفوز لو تغير الحكم

هذولاااا الملووووووك حبيبي

وتذكر زيزو مالعب

والوعد الاياب

مع احترااامي لو جهة نظرك ، الا أن فالنسيا لم يقدم ما يشفع له بالفوز ،،،
والريال فاز بالمستوى والنتيجة ،،،

وهذا وزيدان غايب بعد والوعد مباراة الأياب

[ALIGN=CENTER] اللي يقول زيزو غايب ومن هالكلام

ان لم تخن الذاكره زيزو لعب في ميستايا وخسرت الحكومه 2/0 اين زيزو ؟؟!!

والا زيزو ما تقولون شئ عنه الا اذا فاز الريال !!

وفي الخساره لا يتم ذكره ؟؟

امس فالنسيا لعب ولكنه ضيع بشكل وبطريقه غريبه جدا جدا جدا جدا جدا !!!

ولكن الحمد لله على كل حال ..

= = = = = = = = =

إقتباس صحيح ان الحكم اخطأ - في قرارات مصيرية - لكن جميع هذه الاخطاء كانت بعد تسجيل الملوك لهدفين .. يا عني خلاص المباراة ضايعه ضايعه ..

لا تنس فيه مباراه اياب

إقتباس فريق فالنسيا كاااان ضاااااااااااااااايع

وشلون ضايع وفي اول عشر دقايق 3 اهداف محققه 100% ضاعت !!!!

وميستا ضيع بلحاله 4 اهداف !!!!

هذا كله وضايع ؟؟

إقتباس الوسط كله ضايع ما فيه الا ايمار

يمكن ما شفت رقم 6 و 8 وش كانوا يسوون ;)

إقتباس ايالا سوا فيه رونالدو اللي ما ينتسوى و هو بس يتفرج

هجمه وحيده فقط رونالدو قدر انه يعدي بايالا وسددها باليسار فوق على يمين الحارس

قلي هجمه ثانيه قدر رونالدو انه يعدي من ايالا ؟؟

رونالدو يخاف من ايالا ومباراه الانتر وميلان اتوقع ان رونالدو وعشاقه الى اللحين يتذكرونها ;)

إقتباس بكل حسره .. الله يخلف على الدوري الي هذا الفريق هو الاول فيه !!

كل هالرد عشان هالكلمتين كان قلتها وريحت نفسك ;)

= = = = = = = = = = = = =

عاشق مدريد...

اتوقع انك تدري ان الحكام ليورو 2004 تم اختيارهم من فتره

وتم اختيار حكم اسباني والله نسيت اسمه

ليش ما يحكم مباريات الريال ؟؟

ليش ما يحكم مباريات الحكم الكتلوني نسيت اسمه بصراحه ؟؟

ليش حكام مباريات الريال اغلبهم معروفين وثابتين ؟؟

للمعلوميه فقط ..

هذا هو نفسه الحكم الذي ظلم البارسا ضد سوسيداد وطرد موتا بالظلم واحتسب ركله جزاء خياليه ايضا في تلك المباراه ؟؟



ولكن الوعد في الاياب ان شاء الله في ميستايا

والسلام ختام[/ALIGN]

اي تحكيم واي نييييييييييييله


الكرت الأول اللي عطاه بيكهام لييييييييييييش؟؟؟؟؟؟؟؟؟


وبعدين فيه بلنتي لراؤؤل ماحسبه ؟؟؟؟؟؟؟؟


المهم الريال استحق الفوز ووووووووووووالوعد ان شاءالله الأياب <<<< لايمكن تفوزون 1 والا تعادل لأن الريال بيلعب بالرديف معكم هذا اذا مافاز :p

[ALIGN=CENTER]هاردلك على الخسارة و ان شاء الله تتعوض في مباراة الاياب

سبب الخسارة المهاجم ميستا كان يقدر ينهي المباراة قبل ما يسجل الريال اي هدف ..

ركلة الجزاء ظالمة جداً

و الغريب عدم تدخل رجل الخط على الرغم من وضوحها بالنسبة له




تحياتي للجميع [/ALIGN]

مبروك للريال...و هاردلك للخفافيش.

الحكم فعل ما أراد وأخرج لاعبي فلنسيا من أجواء المباراة ليسرح لاعبي الريال كما يشاؤون في الشوط الثاني

ثم أكملها بركلة جزاء من قاموسه وكانه كان ينتظرها ليقتل كل آمال الخفافيش

مبروك للريال الكأس مقدما دام هناك من يدعمهم بهذا الشكل

الحكم قتل كل شيء جميل في المباراة

مرحبا اخوي باشتورك

انا عن نفسي ما شفت المباراة بسبب فرق التوقيت

إقتباس ان الاياب في ميستايا وبإذن الله سيتم رد الهزيمه يوم الاربعاء القادم

هزيمه ممكن بس تاهل صدقني صعبه

تحياتي.

كالعاده الحظ والتحكيم هم سبب فوزنا صح
اسطوانة قديمة تعودنا عليها مع كل فوز غيروها صرتوا مثل الي عندنا هنا مع كل انتصار او بطولة الحكم الحكم
ياخي مو ذنبنا ان ميستا يواجه المرمى ويعطيها سيزار ليه ماتلوم مهاجمينكم بدل ماتلوم الحظ والتحكيم من التمريرات المقطوعةالي ابطلها المبدع قوتي الى اللعب العشوائي مافيه الا ايمار هو المبدع لكن اليد الواحدة ما تصفق
عندنا رونالدو واجه المرمى وسجل ليش لانه رونالدو مو ميستا واذا صار عندكم مهاجمين مثل رونالدو واجهوا الريال
كذا المهاجمين والا بلاش

ايالا اخشن واحقر لاعبين العالم وللاسف انه ارجنتيني والصورة تكفي بالرد
اما رونالدو يخاف منه هذه مدري كذبه كذبتها وتبي تصدقها اهم شي عدى منه وعدى من حارسكم للمره الثانية المره الاولى الموسم الماضي عدى من كاريزارس والموسم هذا كررها وسجل وموتوا بغيظكم لانه هذه هوايته


بالنسبه لطرد كابتنكم انا اشوف انه متأخر جدا بعد والا احسب كم فاول عليه وكان يستحق الانذار من الشوط الاول ومو ذنبنا اذا الحكم طلب منه يبعد(اثناء احتجاجه على ركلة الجزاء) ورفض اكيد بينذره و ايضا اذا كان مايتمالك اعصابه اذا اي لاعب سوى عليه حركه فنيه وجره على وجهه يروح يعيقه مثل ماحدث مع الميلدا وفيقو هذه هوايته او بالاصح دوره في الريال الحصول على الفاولات وتوزيع الانذارات ولايستطيعون ايقافه الا بالخشونة (ومن كان بيده حيلة فليحتال)

طيب انا بقولك على ثلاث كرووت صفراء حصل عليها الريال والخطأ متشابه الكرت الاصفر لسولاري ولهيلقيرا والكرت الاصفر الثاني لبيكهام جميعها اعاقة بداية هجمة تقدر تقولي ليش مانذر ميستا في منتصف الشوط الاول عندنا اعاق سولاري في بداية هجمة وهي بالضبط نسخه كربونية للاخطاء التي حصل عليها فالنسيا ولو انذر ميستا كان بيكون الانذار الي بالشوط الثاني هو الثاني واكيد الطرد

تقدر تقولي ايضا بيكهام وش سبب حصوله على الكرت الاصفر الاول ؟؟؟ لو تسأل الحكم انا متاكد انه بيقول مدري!!!

طيب ليش الحكم مانذر ولاحسب على الاقل فاول لبيكهام عندنا دخل عليه روفيتي دخول عنيف حتى روفيتي نفسه استغرب من قرار الحكم بعدم منح بيكهام اي شي!!!!



ليش مدربكم ماشرك كاريزارس بالحراسه ومجلسه بالاحتياط وهو جاهز؟؟ وملعب الاحتياطي الي اكيد مستواه اقل بكثير من الاساسي والا هدف راوول غلطة مين!!!؟؟

ضربة جزاء واضحه لرااوول وباين الشد من القميص من المدافع تغاضى عنها الحكم

والبلنتي في اعتقادي حسب تقدير الحكم انه صحيح لانه واضح العرقله طيرت راوول

قبل ماتحاسب الحكم والحظ حاسب فريقك والمدرب

والريال استحق الفوزز بكل جداره ومدري متى بتعترفون اذا كل مباراة حظ وتحكيم
وياقاهرهم يالريال
[ALIGN=CENTER][/ALIGN][ALIGN=CENTER]تساقطوا فانتم امام الريال [/ALIGN]

إقتباس و يا جماهير الريال .. لا تنبسطون .. تراه دجة في اللي تقابلونهم .. مو زود فن فيكم !

الفن الحين كله عند روما ترى
اخر من يتكلم انتم ياجماهير روما هزيمتين ورى بعض من ميلان والثالثه شكلها بالطريق لاتحارشون الريال والا بياخذ توتي ترى والا ترى بنرسل قوتي لكم يوريكم الشغل


ملاحظة الصور منقولة من sport4ever
تحياتي

8
8
8
يـا مدريداوي محايد لاتـدقق .. حـرفـين لاتـردها بـالخاطر ..

يـا هـلا basturk ..
يـالله ان تـحييه ..

لـي عـودة وانا اخـوك .. بـس حـبيـت أذكـرك أنـه دائـماً مـا يُـقال [ الـقلم سـفيرُ عـقلك ] ..
فـما يُـكتب لايُـمثل إلا قـناعاتك و رُؤاك وفـقنا الله وإيّـاك ..
تـحياتي لك ..

________________________________

ْ
حـيّاك الله أولاً اخـوي basturk ..
وروّق يـالغالي ..

لـن اُقـحم الإقتـباسات فـي ردي لأن مـحاور حـديثـك وتـذمّـرك أتـى فـي نـقاطٍ اشتـملت التـحكيم والـحظ وطـرد الـكابتـن وكأن الـفيفا يـمنع طـرد مـن يـحمل شـارة الـكابتـنية ..

عُـمومـاً .. ألا تـرى أنـه من الـغريب فـرض [ الـحظ ] كـعاملٍ فـي فـوز الـريال الـمنطقي بـثلاثـيّـة أعـادت إليّ مـا كُـنتَ تـُسمـيه وتتـغنّـى بـه وهـو الدفـن .. لـكن لـعدم مـنطقيّـة هـذه الأقـوال سنتـجنّـبها بـحثاً عـن حـديثٍ يـحمل من الـهدوء والـواقعيّـة مـا أولى بـه أن يـحمل ..

لـن يُـعارضك شـخصٌ حـول الـفرص الـذهبيّـة التـي تـطايرت أمـام أعـين لاعـبي فـالنـسيا وكأن الـحظ وحـده هـو الـذي مـنعَ مـيسـتا مـن التـسجيل .. بـينما كـانت هـذه المُـواجهـة بـين هـدافيّ الـطرفـين رونـالدو ومـيستـا مُـنصفـةً حـقّ الإنـصاف .. فأعـلنَ رونـي وأكّـد أنـه دّرةٌ لـها وزنـها وقـيمتـها ..

أقـوى دفـاع فـي إسـبانيـا يتـهاوى أمام قـوّة الـريال الـهجوميّـة ..

أمـامَ أعيـن الـجميع .. يـفرض الـريال اسـلوبه ويتـألق لاعـبوه أيّـما تـألق .. بـل والله أجـد هـذا اللـقاء مـن أصـعب لـقاءات الـريال لإنتـقاء أفـضل لاعـب .. فـبينـما نـجد ايـلقيـرا يُـعيدنا لأيّـامه الـذهبيّـه كـمحور هـاهو يـقود دفـاع الـريال بـشكلٍ مُـلفت ورائـع .. وراؤول بـرافـو يُـعيد التـأكيد أنـه أمـلٌ قـادمٌ فـي دفـاع الـريال رُغم مـاواجه مـن صُـعوبات ومـواقف .. والـحديث عـن تـألق الـدفاع بـشكلٍ عـامّ يُـجبرنـا عـلى تـجنّـب الـحديث عـن كـارلوس وسـالقادو ومـا قـدماه .. فـقد مـللنا الـثناء ..

أمّـا الـوسط فـلا حـرجَ فـي الـقول أنـه كـان الأمـيز والأفـضل .. بـل أنـك تـكاد تـُؤكـّد أن أفـضل لاعـبي اللـقاء يُـمكن حـصرهم فـي هـذا الـمركز .. فـبيكهام بـمجهـوداته الـسخيّـة وتـحركاتـه التـي أكّـدت أن الـريال لـم يـجني مـن تـوقيعه الـمادّة فـقط بـل ذلك الأداء الـذي يـبدو أنـه فـاجأ الـجميع وغـيّـر عـلى الأقـل جـزء مـن نـظراتهم تـجاه هـذا المُـبدع ..

أمـّا قـوتي ورُغـم تـحفظي عـادةً حـول مـجهوداته الـدفاعيّـة إلا أنـه تـفوّق عـلى نـفسه وأعـادَ سـيناريو مـجهوده أمـام الـمان فـي الأولد تـرافورد .. فـقد كـانَ مُمـيزاً فـي حـظوره .. رائـعاً فـي تـحركاتـه وإنتـقاء أمـاكن تـمركزه .. بـل أنّـه كـان المُـهندس الـذي نـظّـم تـحركّـات لاعـبي الـوسط ووزّع تـمريراته بـشكلٍ مُـتقن حتـى أضـحت الـكرات الـتي تـخرج بـشكل خـاطئ مـن قـدمه نـادرة إن لـم تـنعدم .. أضـف إلى ذلك مـجهودات بـيكهام وقـوتي والـوقوف أمـام خـط الـدفاع كـسدٍّ وحـاجزٍ لـكرات فـالنسيا وخـُصوصاً تـحرّكات لاعـبي الـوسط ..

سـولاري .. قـد اُفـرِدُ لـه الـعديد مـن الأسـطر .. مـع ذلك سأفـشل فـي إنتـقاء أفـضل الـكلمات لوصف مـاقدمّـه هـذا المُـبدع ..
فـللأمانة .. قـد نـظمّ هـذا الاسـم لـقائمة أفـضل الأمـثلة للـمحترفـين .. فـلا تـذمّـر ولا تـكاسل .. فـقبل أيـامٍ فـقط .. يُـؤكد أنـه من الـفخر أن تـكون إحتـياطيّـاً للاعـب مـثل زيـدان .. وحـينما غـابَ الاُعـجوبة زيـزو يـحلّ سـولاري ويُـسخّـر كـافّـة مـجهوداته وقـدراته لـملئ تـلك الـخانة التـي جـعلها زيـدان صـعبـة جـداً .. أضـف إلى ذلك أنـه لـم يـكن أساسيّـاً بـشكـل دائـم بـل خـاضَ لـقاءاتٍ أمـام فـرقٍ أقـل من إمـكاناته فـي كأس الـملك لـكنّـه قـدّم أمـام فـالنـسيا وظـهرَ بـشكـلٍ قـويّ مُـؤكداً أنـه مـن خـامة وطـينة اللاعـبين الـكبار ..

فـيقـو كـان جـيّداً .. وكـانَ تـنفيذه لـضربة الـجزاء وتـسجيـلها أمـراً يُـعيد الـثقـة ..
راؤول أعـادَ التـأكيد أنـه قـادرٌ عـلى حـمل شـارةِ الـقيادة ومُـواصلة دور رُبّـان الـسفيـنة .. فـمهما غـاب قـليلاً عـن الأضـواء .. تـجده يـعود ليُـذكّرنـا بأنـه [ عـبقـريٌ مـن عـالمٍ آخـر ] .. فـقد تـحرّك فـي كـل أرجـاء الـمنطقة الـهجوميّـة بـل أن هـذه التـحركات سـهّـلت شيـئاً مـن مُـهمة رونـالدو الـذي مـهما كتـبت عـنه فـلن أصـفَ عِـشقـه لـحُرّاس فـالنـسيا !! ..

الـفريق بـشكل عـام كـانَ [ مُـذهلاً ] بأقـربَ الأوصـاف .. وحـينما أقـول هـذه الـكلمة أعـلمُ جـيداً مـا تـحوية مـن وصـف ولـكن اُؤكـد أنـها الأقـرب .. فـقد أتـى الـفريق أمـام مِـحكٍ صـعب .. لـكنـه تـجاوز نـصفه وبـقيَ الـنصف الآخـر .. فـالجميـع وأعـني الـجميع مـن جـماهيرٍ مـلأت الـسانتياغو أو حتـى وقـفت خـلف الـشاشات فإنّ الـشك سـاوَرَها حـول قـُدرة الـريال عـن فـرض أداءه بـغياب سـيّـد الأداء زيـدان .. إلا أن ذلك حـدث .. ولـستُ بـذلك اُحـوّر قـُدرات الـريال حـول زيـدان فـقط لـكن الـعديد مـن الـمواقف الـسابقـة أكّـدت أهـميّـته كـما أن الـعديد مـن الـمواقف الـسابقـة أكّـدت قـُدرات الـريال حتـى بـدون تـواجد الأفـضل والأروع مـعه ..

مـن الـظلم بـل أسـوأه هـو تـحوير وتـجيير نـجاح الـريال وتـفوّقـه فـي هـذا اللـقاء إلى عـناصرٍ سـميّـتها فـي مـعرض حـديثـك .. لـم يـكن الـحديث مُـنصفـاً ونـحن نـرَ التـبريرات الـغير مـنطقيّـة تتـناثر أمـام الأعـين بـحثـاً عـن مـخرجٍ لـهذه الـهزيمـة ..

كـما قـُلت لك يـالغالي basturk .. سأتـجاوز الإقتـباسات حتـى لـو أن حـديثـك عـن التـحكيم خـُصوصاً جـمعَ الـعديد مـن الـنقاط التـي تـحملُ رؤيـةً خـالطها التـعصّب ..
فـألبـيلدا اعتـرَض بـشكلٍ غـريب عـلى الـحكم فـي الـشوط الأول ومـع ذلك لـم يـتحصّـل عـلى إنـذار .. بـينمـا بـيكهـام لـم يـحمل نـصف تـلك الإعتـراضات حـينما حـصلَ عـلى البـطاقة الصـفراء ..

وضـربـة الـجزاء التـي استـكثرتـها عـلى راؤول سـبقـَتها إشـتراكٌ بين مـارتـشينا حـينما شـدّ راؤول .. فـلو أن الـحكم يـبحثُ عـن وصـفتـَه فـي مـوضوعك لـكان مـن الأولـى أن يـحتـسب تـلك ..

وهـذا مـلف فـيديـو لـضربة الـجزاء التـي مـازلت أبـحث عـن سـبب عـدم صـحتّـها !!


وكـالعادة أجـدُ الـحديث عـن التـحكيم لايُـجدي كـثيراً .. فـهي تـقفُ عـلى مـسألة تـقدير مـن بـشرٍ مـثلي ومـثلك لايـزيد عـنا بـشئ <== احـلف

عُـموماً وللإنـصاف .. بـقيَ إيـمار وحـيداً يـبحث عـن حـلولٍ لـفريقـه إلا أن ذلك لـم يـنجح .. مـع ذلك لـم يُـشكل ذلك الـتهديد الـذي يُـمكن أن يـفلعه لاعـبٌ مـثله ..

فـالفريق بـشكلٍ عـام لـم يـظهر بأفـضلّ حُـللـه .. كـما حـدثَ للـريال فـي الـميستـايا بـداية الـموسم ..
ووقـوفاً عـلى نـفس المـبادئ التـي لاتـطيبُ لـي .. لـكن للتـذكير فـقط .. أسـميتَ تـلك الـخسارة بـهدفين بـدفن .. فـما نُـسمي هـذه وبـالثلاثة ؟؟ .. تـغريق .. هـذا والـشكمان [ زيـدان ] مـهوب فـيه وإلا كـان قـلبناها صـيد ضـبان عـفواً خـفافيش

الله لايـهينك يـالغالي ولاتـفهمنا غـلط ..
أبـي مـصادر التـصريحات وخـُصوصاً الـحكم .. وبـاراخا اللـي لـو تـسأل حتى مُـشجع لأي نـادي إسـباني آخـر يـبحث عن مـصلحة الـكرة الإسـبانيّـة عـن تـصريحه [إذا كـان فـعلاً قـايله] فـسيجيـبك بـكل وضـوح حـول مـا حـمله من حـماقة .. اُعـيد إذا كـان فـعلاً قـد صـرّح بـه ..

قـبل لا نـمشي .. كـم مـرة قـلت لك ان مـيستـا بـثـر .. خوذوا بـافون راس حـربه ..
ولا تـاخذ بـخاطرك يـالغالي ..
تـحياتي لك ..

مدريداوي محايد

يعطيك العافيه على هالأقناع بالصور وليس بالكلام
ولكن يظل لكل واحد وجهة نظر ونحترمها
فنحن نرى من يخدمهم التحكيم ويطلع بعد المباراه يشتم الحكم لمجرد الشتم
وكل هذا من ألم الهزيمه

كبير يالريال كبير
ونحن بأنتظار توتي وهنري في صفوف الريال الموسم المقبل

8
8
توتي وهنري؟
تبي توتي يجلس في الاحتياط على حساب زيدان؟
توتي تراه اساسي ولا يمكن يرضى بالاحتياط عكس هنري اللي ذاق الاحتياط
يعني توتي ماتوقع خصوصا ان الميلان عرض عليه 60 مليون لكنه رفض ;)
بالنسبه للمباراه فسبب الخسارة تضييع اهداف محققه من قبل ميستا
ودجه بارخا بخصوص التحكيم فاقولك يابن الباشا لا تجيب طاري التحكيم امام الريال
لانه امر تعودنا عليه صار اشبه بالموضه