[ALIGN=CENTER]السلام عليكم ورحمة الله وبركاته
اللي يبي الخير يساعد الرجال الضعيف هذا الحبيب اللي على نياته
والقصة من جد صراحه
هو جلست اسولف له عن المجلس العام وان فيه قصص ونكت وحركات
قال عندي قصة اتمنى انك تعرضه
وانا صراحه اول مرة اقوله لا احد;) اكتبه واتمنى انهم يساعدوني
ياشباب القصة واقعيه وصدق ما نبي تريقة وتنكيت
اللي ماعنده حل يكرمنا بسكوته الله يجزاه خير
صراحه انا عطفت عليه واتمنى مساعدته قلت له على حل ولا رضى فيه عاد انتم وش تقولون له الله يوفقكم ان شاء الله,,,,
القصــــــــــــــــــــــــــــــــــــــــــــــة على كلام راعيها ,,,(( طبعاً هذا الشخص يحكي قصة صديقه الروح بالروح)) يعني ماهو اي شخص يعني فكرو له بحل غير انه يتركه او يفارقه!!
يقول والله يابو مها قصتي قصة انا شخص عاطفي لدرجه ماتصور واحب عمل الخير للناس وبار بامي وابوي واحترم اخواني الصغير والكبير وقبل كل شي مرضي الله عزوجل يقول انا من طبعي اذا عزيت شخص ابتليت فيه خلاص صار كل تفكيري هو وشلون ارضيه يقول عزيت واحد من زملاي من كل قلبي صرت البي طلباته من دون شعور رح تعال جب ود المهم ما اذكر والله اني رفضت له طلب وطلبات يعني ماتصدق جامده بعض المرات امثلة عليها((يقول مره قالي ابي ورقه من عند واحد معي بالجامعه ناقصه علي وابدرسه ابيك تجيبه لي متى الساعه 10 بالليل وين ببريده وانا بالرس يعني ابروح مسافة 90كيلو علشان ورقة ولا بعد لحالي يعني لو كان معي تهون خسارة بنزين وبالليل وتعب مشوار ,, ومره دق علي الساعه 2 بالليل وقالي ابيك تجيب لي خبز صامولي من بقالة مافيه غيره تبيعه لان فيها خباز يخبزه البقالة وين شمال الرس وانا وين جنوب الرس يعني اقطع 10كيلو مع اللفات والاشارات ولا ونيم بعد وبسابع نومه!! قلت ابشر ,, ومره يرسلني للجامعه ببريده ارسل اوراقه للدكتور واجيب درجاته ,, )) المهم على كلامه يقول هذا كله يهون اخدمه بعيوني واشد من كذا لو كان يبادلن نفس المعزه يقول المشكلة انه مايعطين وجه ولا يحترمن ودايم يتكلم علي ويتهمن بالكذب وانا الغلط دايم وهو الصح ويزعل اذا رفضت له طلب وعادي عنده اذا زعلت ولا يهتم ولا يتصل يراضي ما كأنه يعرفن واذا قال نبي نسافر مع بعض قلت يله واستعد للسفر واتفجأة انه يكلم علي ويقول كنت امزح معك ما أدري بعد يومين الا يتصل علي ويقول اني ابسأفر مع فلان وفلان يبي يقهرن بس على فكرة السفر سواه معي نفس الطريقة ماتصدقون ثلاث مرات شين وقوي عين!!
المهم يقول كنت اذا طلبوا منه اهله طلب والله العظيم يتصل علي يقول سو الطلب هذا مثل اهله طلبوا منه خبز من الخباز يقولي رح جب خبز الوقت كذا يصير عندي الخدامه قالت ابرسل فلوس لا اهلي يتصل علي يقول سو كذا وانتم عارفين بنك الراجحي بالحوالات بالزحمه مع الهنود والفلبينيين ومكأفأته انا ادخلهن له بالبنك يعني بالعربي انا اسوي له كل شي في حياته ولا اقدر اتخلى عنه تعز علي صداقته وهو مايلقي لي بال ودايم يعز غير ويراعي خواطرهم وانا اللي اهتم له وصديقه الروح بالروح مايراعي خاطري انا صابر وانتظر الفرج من الله,,,
والله الصراحه انا ضحكت عليه لاكن تراجعت ورحمته وعطفت عليه وخاصة يوم عرفت انه صديقه الشخصي والروح بالروح وحالته صعبه ودايم هواجيس و شلون يرضيه وتفكير وحالته حالة,,
يعني يبي وشلون صديقه يبادله نفس المعزه وش الاسلوب اللي يتخدمه معه هذا طلبه؟؟؟انا من احيتي عرضت عليه حل ولا اعجبه وقال نزله للشباب يمكن ان شاء الله واحد منهم بيده مساعدتي قال بس شف لا أحد يقولي اتركه نهائي ان كان ييوم يومين اصبر اسبوع يمكن اصبر اما بلا عودة لا قلت من زينه بعد تعزه
عزن بداله
(( على فكرة حلي اللي عرضت عليه قلت اعيال الحمايل واجد واللي يحبون الخير صادق واحد غيره وزعل علي وقال لا تهركلمن ان كنت صادق قلت لا امزح اشوف رد الشباب وارد لك الله يجيب اللي فيه الخير))
ســـــــــــــــــــــــــــــــــــــــــــــــــاعدوه ياشباب ترى هاذي تحسب من الكرب التي تحل بالمؤمن ولا تنسى قول الرسول صلى الله عليه وسلم (( من فرج عن اخيه كربة من كرب الدنيا فرج الله عنه كربة من كرب الآخرة)) تحياتي لكم ابو مها ,, [/ALIGN]
الى أصحــــــــــــــاب الخير ومن يود الخير لأهل الخير((صاحب قصة يبحث عن حل منكم)) 
فووووووووووق 
الوضع العادي
